شايب ومهوّل وبدوي .

[align=center]السلام عليكم ورحمة الله


من المستطرف أتمنى أن تحوز رضاكم ، قالت شايب وبدوي .


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
إي نعم شايب ومهوّل وبدوي = موتري شاص والشوزن على المرتبه
أضرب التختخ الخالي وعزمي قوي =باخسٍ في الدروب وعارف ماشتبه
إن حصل لي خوي وإن ماحصل لي خوي =عزبتي دايمٍ في الحوظ ومرتبه
للسباريت وفجوج الخلا مهتوي =كل قفر من أزوال العرب دست به
أشعم النار وأقرّب لها المجذوي =وإن دناني ظلام الليل وأمرحت به
دلتي في طرفها والعشاء يستوي =والنسيم العليل يهبني وأنتبه
للسماء والنجوي وجوي المعنوي =في فضاء الكون يرقا مرتبه مرتبه
ماعلي لو تقولين ابدوي فوضوي =يعشق البر والتاريخ مايكتبه
يطرح القرص وسط الجمر حيٍ سوي =يفركه بالتمر والسمن وأحترتبه
كيف يشرب حليب النوق عقب الشوي =مثل ما نشرب الكاكاو ونموت به
قاسي الطبع خشن وفي المقام رهوي =يجمع الناس في بيته وفي مكتبه
أدري إنش تبين مرفه ورخوي =يسحب الثوب من طوله بكل عتبه
يحلق الدقن ويحب الثقافه أأأأأوي =ياحليله ومحلى ضحكته وعتبه
هاوي الفن والكوره ويضوي ضوي =كشخته من سببها يصرف مرتبه
عيشته شوكلاته وأسكريم وذوي =كل طعمٍ لذيذ والحلا كت به
الله يديم ستره يشبع ويرتوي = لايحدّه زمانه شاتك وشت به
[/poem]


[align=center]وسلامتكم [/align]

لاعجمت يابو شايع

حتى في المستطرف نجدك تنتخي بالمعاميل والعزبه والقهوه وشبة النار

زانت علومك وزان فالك

وأشهد انك بدوي

تحياتي

صح لسانك يابوشايع وبيض الله وجهك

يابوشايع علومك زينة دايم لاعدمناك يالوافي

تحياتي لشخصك الكريم

في المستطرف والا غيره
الجزالة والقاف والمذهب الزين
وعزالله فرق بين عيشتك وعيشة راعي الاسكريم
صح لسانك وطاب بيانك

في ذمتي ان كل اللي ياتي منك انه طيب

ابو شايع

بيض الله وجهك

صح السانك

ارررررررررررحب يابوشايع



وصح لسانك يالقرم



بدوي وفوضوي وسنافي ووافي




تقبل تقديري

أرحب يابو ثامر





يالله حيه


لاهنت على كريم مرورك وتعليقك


وشكلي يوم من الايام بشب النار في الديوانيه ونتقهوى بس أخاف أحرق الموقع ونبلش


ههههههههههههههههه

ابو شايع

بيض الله وجهك

صح السانك

إي نعـم شايـب ومـهـوّل وبــدوي
موتري شاص والشوزن علـى المرتبـه
أضرب التختخ الخالـي وعزمـي قـوي
باخسٍ في الـدروب وعـارف ماشتبـه
إن حصل لي خوي وإن ماحصل لي خوي
عزبتـي دايـمٍ فـي الحـوظ ومرتبـه


ونعم والف نعم الشايب والمهوّل والبدوي يابو شايع

ابدعت ومتعت بجميع اغراض الشعر

متابع لكل مايطرح هنا وهناك

تقديري لك

سعيد


صح بدنك ياغالي ووجهك ابيض


يكفيني حضورك النقي



لاهنت

[align=center]
ابو شايع وقصيدة نقديه في الجيل


أدري إنـش تبيـن مرفّـه ورخــوي
يسحب الثوب مـن طولـه بكـل عتبـه
يحْلق الدقن ويحـب الثقافـه أااااويـي
ياحليلـه ومحلـى ساعـةٍ جـات بــه
هاوي الفن والكوره ويضـوي ضـوي
كشخته كـل همـه لـو صـرف راتبـه


لكل زمان دوله ورجال والبركه بالمخضرمين والشيبان لن تتكرر هامتهم وسلومهم وشخصياتهم

ولكن مانراه في هذا الجيل الا مارحم ربي انماط شكليه بهيئه رجال و يسمى الجيل الضايع لاالى هؤلاء ولا الى هؤلاك الامتزاج مميز بين متطلبات الحضاره الشكليه والطابع البدوي الاصيل ولكن نادر في هذا الوقت على مستوى الرجال والنساء


قاسي الطبع خشن وفي المقـام رهـوي
يجمع النـاس فـي بيتـه وفـي مكتبـه

تقديري واحترامي[/align]

حي ذا العين من الشيبان

جعلك تبطي حي يابو شايع

تحياتي

سعيد بن مقبل


لبا كبدك ياكحيلان



أنت أستاذ المستطرف بلا منازع


سرني مرورك


لاهنت

أشهد أنك حبيبٍ وأفتخر بك خوي