عزابي ...

السلام عليكم ورحمة الله وبركاته


مسانده من لسان كل عزوبي


صلوا على النبي


[align=center]ياناس وش ذنـبي وانا عـزابي
متمركــزً ضيـمـي وهمي عايل
حبيت راع الـمـبسـم الـجـذابي
بـيـن الـبشـر دايـم بـزيـنـه نايل
اموت لاشفـته لـبــس عــنـابي
وشــفـاه ورموشه وعين اتخايل
مير الـبـلا وش دبــرة المنصابي
لاصــار حــظـه دايــمً مـتــمــايل
طفران ومنـتـف وشعري شابي
توي شباب ومن همومي شايل
نــاديــت ياصــدقــان يا اقــرابي
زادو بــســد الـلـي بـقا متضايل
زاد الـتـوجــد والــتــوجــد خـابي
من ماجرالي صار شوفي هايل
لاصرت ببعد عن فعول اصـحابي
رحت اتـنـفـه في مـكــانً طايل
القى من اللوحات فــوق البابي
ممنوع ياعازب "سقوطــك اَيــل"
حتى انتحاري من على المرقابي
وأنا على راس الجبل في حايـل
قال الجبل مــمـنــوع ياعــزابـي
هــذا انـتــحـــار مخصص الَعوايل[/align]

اهلا وسهلا بالطله الرائعة من جمال الجابري
وكل عام وانت بخير ومن العايدين
ويسلم بوحك الخفيف الدم
هههه حتى الانتحار فيه عوايل وعزاب
الله يرحمنا برحمته
تراني باعلم عليك ابوشايع لانه ريّس الهيئة فالنداوي ههههه
واستاذنك في نقلها الى قسم (المستطرف النبطي) لان روحها مرحة
تحياتي لك.

مير الـبـلا وش دبــرة المنصابي
لاصــار حــظـه دايــمً مـتــمــايل

اعطني حظاً وأرمني بحراً

:
تسلم ياجابر على هذا البوح

جمال

صح السانك ولاهنت

قصيده رائعه

تحياتي

ابو مقبل وكل عام وانت بصحه وسلامه طال عمرك

تواجدك هنا فخر بحد ذاته لايوصف

هههه ابو شايع تساهيل والله لاني احسه مع صفوف العزابيه <<< دور غيرها - هذاك يومه عزابي-

ابو مقبل في ذمتي ولا يهون الدليهي والوطري ان تواجدك دره وبلوره

الغالي/حمد الدليهي

مرورك هنا يعني لي الكثير

جعلك تحيا وياعساني ماعدم