إبتسامات شعرية

[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياراعي الدكان سجل وأنا أخوك = وأصبر علينا لين تاتي الدراهم
انته تبارك لي وانا اقول مبروك =تبغى الدراهم والدراهم مراهم
لا يا رفيق اصبر علي يرحم أبوك = وليا أنتهى الشهر الكريم نتفاهم [/poem]
ههههههههههه

الشاعره عابره سبيل تعاني من غباء حبيبها الذي لاتفيد معه كافة التلميحات
فتقول:
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
لي صاحب منه تبي تطلع الـــــروح =خبلٍ ومن هي مولعه فيه خبله
عامين المح له مع الجد ومــــــزوح =واقول ياعنتر تناديك عبلـــــــه
طال المدى ثم قلت انا اغليك يالوح = مجروحة جرح مخاطره عجلـه
دنق وقال انا من العام مــــــــجروح = واشّر لجرح مبطيٍ وسط رجله[/poem]

[poem=font="Simplified Arabic,5,#DC2909,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الله يبـارك بنفلونـزا الخنـازيـر=خلت خدين الطايره يقضب ارضه
من اول في كـل عـام مشاويـر=وفي هالسنة من دون ماله وعرضه
على المكاتب ماسكيـن الطوابيـر=ماله سلف ومزود البنـك قرضـه
والخاتمه جاب انفلونزا الخنازيـر=وعدواه في داره بطوله وعرضـه [/poem]

قصيه لي لم تكتمل

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ليت الشوارب تطول اليا خسرنا الفلوس=كان اكثر الخلق من كثرالخساير شنـب
راحات شنابات واهتزت بالأ سهم نفوس=واللي ماطال العنب يقول حامض عنـب
جتنا تداول تعلمنا الطـرق والـدروسوآخر مشاريعنا نرقـد بوسـط الكنـب
حرب علينا نشبهها بحـرب البسـوس=والذيب منا براس طويق عانـه قنـب [/poem]

وهذي لي

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
وراك يا سوق الهوامير تنهار =تنهار باللي ما بعد صار هامور
طلعت يا سوق الهوامير غدار =غدرت بي وأكلتني معك خابور
من اول أبغي منك يا سوق مليار =و اليوم عطني راس مالي و مشكور[/poem]

لي

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مافيه هندي ما عرفني بالحراج = من كثر ما اقبل كل يوم وأشتري

ما بين متولي ومحمود وسراج = راحت فلوسك ياحمد وش تحتري

أطلع من الصبح مع باب الكراج = ومادون نصف الليل رجعة موتري

اصارع أهل السوق يا الله الخراج = هذاك نصّاب وهذا مفتري[/poem]

وهذي لي بعد واقعيه

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أشوف لي دش على راس مخلوق = وسلك الريسفر طالع من لسانه
أثره من اللي ينقل الحكي برفوق = عندي على قولي شهود وضمانه[/poem]

وهذي لي

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا الله دخيلك من بلاوي زمنا = قامت تزاحم عند صاحي ومجنون
السوس دبت ياعرب في ضعنا = وقامت تناهشنا على الهون بالهون
تدرون ويش المشكله في زمنا = حنا بلانا من وكالة يقولون[/poem]

وهذي لي

[align=center]وهذا شاعر آخر يقول من التأثيرات الكهربائيه :

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
القلب من كثر المصايب ضرب شوط = شوط الفيوز اللي ضرب بالمحطه
من جور حمل داخل السلك مضغوط = زاد وتفرقع واسفل السلك بطه
على الذي في وصلها صرت مربوط = مربوط لي في مبسم ما يغطه[/poem]

وهناك آخر يقول :

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ياويل ويلي مت محدن فطن لي = شفطني الكهرب وانا ما معي لوح [/poem]


[/align]

[align=center]الشاعر الكبير ضيدان عندما زار صديقه سعد فتأخر عليه في تقديم القهوه والقدوع فقال :


[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
جاك المسير مالقى منـك ترحيـب = لاجبتلـه قهـوه ولامـن قدوعـي
ياليتني دورت غيـرك معازيـب = جيتك جويع ورحت منّك بجوعـي
الظاهر انك ماتعـرف المواجيـب = لاشك طبعك يختلف عن طبوعـي
حنّا لاجانا الضيف ننفض له الجيب= ونجيبله من كـل شكـلٍ ونوعـي
عاداتنا والرزق من عالـم الغيـب= هذا وانا ابخل واحدٍ مـن ربوعـي [/poem]







فجاء سعد بالقدوع والقهوه وقال غاضبا :



[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
اقدع عسى يقدع على راسك الذيب = في خايعٍ مابه من الناس دوعـي
متعطـلٍ بالبـر قبلـي تناقيـب= من ليلة الجمعه ليـوم الربوعـي
ومروك ناسٍ غايب عنهم الطيب=وخلوك وحدك في مكانٍ يروعـي
ثم جاك ذيبٍ ماسنونـه بتركيـب=ذيبٍ ولد ذيبٍ وشـرس قطوعـي
سوّى بك سواةٍ على غير ترتيـب=يجزع لها قلب الشجاع البتوعـي
مرحوم ياعودٍ كسا راسه الشيـب=هنديته تـذرف عليـه الدموعـي[/poem]






منقول والمصدر كتاب المستطرف النبطي

[/align]

هلا يامعاني دامك فتحتي باب المنقول ............!

الموضوع الأصلي بقسم اهداءا واختيارات بمنتديات النداوي للكاتب انا ..!!


سعد وضيدان والرديات الطريفه




من أجمل الرديات الطريفة التي

جمعت بين الشاعر ضيدان بن صبحان اللزيزي العجمي ( الشايب )

و الشاعر سعد بن عبدالله بن حسين الهتلاني العجمي - رحمه الله ( الشاب )

صداقة مميزة رغم فارق السن الكبير بينهما إذ كان المرحوم سعد شابا
ً
بعكس صديقه المسن ضيدان , وحصل بين الشاعرين رديات كثيرة تمتاز

في الغالب بالطرفة حيث يحاول كلاً منهم إغاضة الآخرفي إطار من المزح
الودود.

ولم تحل دون هذه الرديات سوا وفات سعد (يرحمه الله) عام 1991م ( اثر
وفاءة طبيعيه )

ونطرح لكم بعض من محاورات الموفق التي جرت بين (ضيدان و سعد "رحمه
الله")

التي تمتاز بالطرافه وكانت في ( دوله الكويت ) : -




1-(( شاهي وحليب )) :-



في احدى المقاهي دار هذا الحوار الذي بداه ضيدان معترضاً



- ضيدان :





تطلب لي الشاهي وتطلب لك الحليب
وانا على الحليـب كبـدي ذايبـه
انا احمد الله يوم ما انت بلي نسيب
يقطـع صبـيً مـا يقـدر شايبـه





- فـرد سعـد :





قم اطلب لنفسك ترى مانت بغريب
ولاني بطالب لك ولانـب بجايبـه
تبغى الكفيا يوم طريت المشيـب
واتعبتني مثـل الوزيـر ونايبـه





-فـقـال ضـيـدان :





في خوة الطيب انا مالي نصيب
ومن خوة الرديان نفسي طايبه
قد كان ظني فيك للعله يطيـب
والاريا بها مخطي وفيها صايبه





وكان رد سعد الأخير :






كل يبي يرمي رفيقه فـي القليـب
وابليـس نـوخ عندنـا ركايبـه
وعلمته الممشى سبقني في الخبيب
اللـي علومـه كلبوهـا خايـبـه










2 -(( الخط السريع )) :-

بعد ان باع ضيدان التاكسي الذي كان يملكها راى زبون واقفاً
في الطريق فقال لسعد الذي كان يقود السيارة طالباً منه التوقف
وتوصيل الزبون :





ضيدان :






اللي يلوح لك على الخط السريـع
الظاهر انه يا سعـد مـن ربعنـا
وقف ترى المعروف عمره مايضيع
خلاّية الرجلي مهـي مـن طبعنـا





رد سعد :






هذي سواتك قبل للتكسي تبيع
من لا يعرفك يبتلش في وضعنا
صاحبك هذا وقفته وقفة خليع
حنا على الشارع وريخه نشعنا





رد ضيدان :





خله ونرجع له الى طاح الربيـع
ذا عرضته يمكن تفرق جمعنـا
حنا ما صدقنا ان حن ناتي جميع
وشفنا تهاوشنا وهو ما سمعنـا





رد سعد:





طوفت لك هذي وحلم الله وسيع
ياللي نحاول للمشاكـل دفعنـا
لا تنفضح طعني وسرك لا يذيع
هذا وشكله مـا ينالـه نفعنـا



عصابه



اتى سعد بفكره مجنونه وعرضها على ضيدان :

ضيدان ما ودك نشكل عصابه
. . . نحتل بعض بنوكها والمحلات ؟


إما يجي لي ولك قدر ومهابه
. . . والا تبيّـتنا بيات "الشريفات"


والرجل ودّك يشتهر في شبابه
. . . بالطيب .. والا .. بالعلوم الرديات!


ولا يهتني فـ اكله ولا في شرابه
. . . إلين تطلع صورته فالمجـــلات

.

.


رد ضيدان بحكمه وبعد نظر :

تحسب انّـا يا سعد وسط غابه
. . . هاللي تراوالك تراهن عمارات


وموضوعك اللي جبت كله غرابه
. . . والظاهر انه سابع المستحيلات


واخاف لا تنبح علينا الكلابه
. . . ثم هات نسلم من مخاليبها .. هات


ويا بوك ماعمري دخلت النيابه
. . . ومن العمر ما باقي ٍ كثر ما فات


وان كان تبغي الراي قبل يغدا به
. . . من واحدٍ جرب جميع الحيالات


خل الحطب للي يعرف الحطابه
. . . نهارنا شمسٍ وفـ الليل لمبات

اماني ضيدان

اخذ ضيدان الخيال والتمني :

ياليتني تاجر وبيتي على الطاش
. . . ومساهم ٍ في نفـط بحـر الشمالــي


واشري من اللي تنطح السحب بالكاش
. . . ماهمـّني لو قالوا : الســـعر غالــي


واحجج اللي كاده العسر ببــــلاش
. . . وادفـــع مـــلايينٍ زكـاةٍ لمالــــي


وعندي سعد يعمل مقهوي وفراش
. . . والى بغيت امشي يطرّف نعالي


رجلٍ نعرفه زين ما هو بـ غشاش
. . . والى طلبته حاجةٍ جابهــا لــي


والرجل لا جاوز ثمانين مـا عاش
. . . وان عاش من عقب الثمانين بالي
.

.


غضب سعد من "مقهوي وفراش" فكان رده :

البارحه فكري من الهم منداش
. . .من واحدٍ طرش كتابه وجالي


والله مالي خلق نمزح مع اللاش
. . .اللي تمنى الخير له والعنا .. لي


وقد قلت له : دعواك بـ ترد بهواش
. . . وارسل مكاتيبك على احدٍ بدالي


واما اعتذر ما دام الاوضاع تنـّاش
. . . والا .. قــلبنـــا الاولات التوالـــي


ويا صعب فهـّامك وتفهيم الادباش
. . . وبيـّن عليك انك تكت الدحالي


واليوم كثرت التمنى على ماش
. . . يا زين رضخك بالعصى والعقالي


وربعك يعرفونك : كميّخ وعماش
. . . وجهك مهوب من الوجيه الطوالي


يوم انت لا جوّ المسايير تنحاش
. . . مثل الثعل من رافعات الذيالي

الطيور الحايمه


شك ضيدان بوجود ثروه لدى سعد فالبنوك :


عطنا من اللي يا سعد ربي عطاك
. . . عندك فــلوسٍ في البنوك ونايمــه


وانا رفيقك دايمٍ وامشي وراك
. . . وما ادري متى تمطر سماك الغايمه؟
.

.

رد سعد متأففاً :


اللي عطاني خير بالشحذه بلاك
. . . هذي عطايا الله وذي قسايمـــه


يومك حسود وتوّ .. مابيّن رداك
. . . مـــا عندنا لك مايفطر صايمـــه

.

.

رد ضيدان يذكـّره :


أظن من زارك بـ بيتك مانساك
. . . ولا ظن مثلك تنّسى قدايمــــه


يا رجل فكّر زين والرب يهداك
. . . عزّم ترى الرجّال من عزايمه

.

.


غضب سعد :

تعشّ عندي جعل ما تاكل عشاك
. . . عسى تعشــّاك الطــيور الحايمــه


واللي لنا جابك عسى يقلع مداك
. . . واللي يبي فرقاك محدٍ لايمــــه
.

.


فختمها ضيدان بـ :

لا تحسب انا قاعدين ٍ في رجاك
. . . وعاد الجمل يمشي على قوايمه


يالله المعبود جارك و دخلاك
. . . راحت خساره ذا الصبي تماينه !!


خيمة سعد المهجوره



اتى ضيدان يتهزء بخلو الخيمه من الضيوف :

يومين غيري ياسعد ما حدٍ جاك
. . . متكرسعٍ في خيمةٍ لك صغــيره


وامــدّ .. لك يمناي وتكف يمناك
. . . ويــاهي على نفس المسيّر كبيره


وابغى تغني لي وانا بسمع اغناك
. . . وترى الغنا ماهو بـ بس لـ " سميره " .

.



ضيّف سعد ضيدان باستكانة شاي ، ثم رد:

العلقم اللي لونه احمر عطيناك
. . . مكثــّرٍ شايـه ولا فيه شيــــره


خذلك بياله وانقلع عني اهناك
. . . مـا عندنا لك يا اسود الوجه غيره


واللي تسبّه قبل يومين غدّاك
. . . والبارحه عشاك يبغي الستيره


وعيّى يفكه من بلاويك فكـّاك
. . . يوم ابتلش بك ياردي البصيره


وانا اتذكـّر قبل عامين زرناك
. . . يوم انت تطلع بالثياب القصيره


وقفت عند الباب وتحك علباك
. . . اثرك على خبري ولا رحت ديره


واقولها فـ وجهك ولا حن بـ نقفاك
. . . مــا حـنّ للغيّـاب نـاتي بسيــــره



وقوع ضيدان بالحب


اشتكى ضيدان من همومه العاطفيه لسعد :

هنّـيتكم من قلب ياللي تنامون
. . .وانا جزت من لذة النوم عيني


نتنا .. من الغالي يجينا تليفون
. . . وحنا على حسب الطلب جاهزيني


واشوف حالي صار من دون في دون
. . . والله ما ادري يا سعد ويش فيني


ولولا الزجاير يا سعد واشقر اللون
. . . ومشاهد اللي مثلكم طيّـبيني


في مجلسٍ ما فيه حاقد و*****
. . . ولا فيه نمّـامٍ بقلبه دفيني


لارمي بحالي من علوّ البليكون
. . . ويجيك علمي والخبر لك يبيني

.

.


تعاطف سعد معه وكان رده :

أنا اشهد ان للحب تأثير الإفيون
. . .وانا احمد الله يوم حن سالميني


أشوف لي ناسٍ من الحب يبكون
. . . الله يعـــافيهــم ولا يبـتلينـــي


ويالربع شايبنا تولع ومفتون
. . . والوجد يومي به يسار ويميني


والحب مالي حيلةٍ فيه تدرون
. . . ومافيه : "يمه قولةٍ إرحميني"


يحب ذا الشايب وهو مـا له سنون
. . . واعيش وكبار العجايب تجينـــي


ويوم العرب بدوٍ وقبل يتحضرون
. . . كم ليلةٍ نبّـح كلاب القطينـــــي


على كلام اللي صفاته يعرفون
. . . وعقــّال من شيباننا الاوليني


لكن هداه الله وجـا .. كنه متكون
. . . وقبل امس علمي به ثقيلٍ رزيني


واليوم جـا .. بمطمـّةٍ كونها كون
. . . الحب واللي يجنن العاقلينــــي

ضيدان عندما زار
صديقه سعـد فـ تأخر عليه في تقديم القهوهـ
والقدوع فقال ..



جاك المسير مالقى منـك ترحيـب
لاجبتلـه قهـوه ولامـن قدوعـي

ياليتني دورت غيـرك معازيـب
جيتك جويع ورحت منّك بجوعـي

الظاهر انك ماتعـرف المواجيـب
لاشك طبعك يختلف عن طبوعـي

حنّا لاجانا الضيف ننفض له الجيب
ونجيبله من كـل شكـلٍ ونوعـي

عاداتنا والرزق من عالـم الغيـب
هذا وانا ابخل واحدٍ من ربوعـي



فـ جاء سعـد بالقدوع والقهوهـ
وقال غاضبا ..


اقدع عسى يقدع على راسك الذيب
في خايعٍ مابه من الناس دوعـي

متعطـلٍ بالبـر قبلـي تناقيـب
من ليلة الجمعه ليـوم الربوعـي

ومروك ناسٍ غايب عنهم الطيـب
وخلوك وحدك في مكانٍ يروعـي

ثم جاك ذيبٍ ماسنونـه بتركيـب
ذيبٍ ولد ذيبٍ وشـرس قطوعـي

سوّى بك سواةٍ على غير ترتيـب
يجزع لها قلب الشجاع البتوعـي

مرحوم ياعودٍ كسا راسه الشيـب
هنديته تـذرف عليـه الدموعـي


قاله سعد مازحا لاثارة ضيدان:

تواجهت انا وابليس قبل امس بالدكان

وباشر علي بارد يوم لاقاني

وقام يتشره قال ما شفت لي ضيدان

انا ما نسيته وش بلا العفن ينساني

*

فوجد ضيدان فرصه في تاكيد هذه الاكذوبه فقال:

*

ترى الناس قد شافوك تمشي من الشيطان

وكانه صحيح يا سعد فانت غلطاني

وانا سامع انه طالب منك العنوان

وانا خايف يا العفن تعطيه عنواني




سعد العجمى

يا راكب من عندنا فوق سمبوك

متوجه صوب المنامة بشايب

مع البحر كنك على القار فبيوك

يلحق ويفهق مسرعات الهبايب

وأن طحت في خفر السواحل وردوك

دارك على عود من الحزن ذايب

وإن باركوا لك بالسلامة وهنوك

لك في الدلالة يابن الاجواد نايب

ترى خويك كان من قبل صعلوك

ويدل حتى موحشات الخرايب

وصحيح لو تنشد هل الدار دلوك

واهل الوفا ما عابهم ربع عايب

ويا مقدرين الضيف لو ما معه " بوك "

باخلاقكم صارت ثمان العجايب

وابن ادم بالدين والعلم وسلوك

والطيب من جزل العطايا وهايب

وارجوك انا يا صاحبي وارجع ارجوك

لياك تنسى انك مودي وجايب

فالي تقهوي شايبك وانت غدوك

مقعادكم يومين ماله سبايب

رجع لنا خريج بومبي وبانكوك

وخلك عن الزله بعيد المنايب


ضيدان ابن صبحان العجمى


أخطوا عليك اللي بها الإسم سموك

إسمك سعد وانت السعد منك غايب

والظاهران أن اهلك على العنف ربوك

وطلعت تبحث للنشب والطلايب

وظلمت حظك ، ما اشين الظلم يا بوك

وهجيت عود من هل الغي تايب

ما تدري أني صرت هادي ومبروك

وعلى تثني عمتي والنسايب

وإن شفت ديواني على طول مصكوك

أطرد ورا حظ ورزق نهايب

وحتى انت تنغزنا مع الحكي بالشوك

يا هي علينا من كبار العقايب !

[align=center]أبيات متفرقه لا اعرف من قالها ..

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ياما حلا بعد الغدا ( قوطي ) الببسي = في غرفةٍ قدم المكيــــف تســـــــدح[/poem]

***********

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ليتني في جيبك ريال مقطوع = يبقى معك ما يقبله أي دكان[/poem]

************

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
أحد مشى حظه مثل مشيت البنز =في خط متساوي سريع وسيدين
وأحد مشى حظه مثل مشيت العنز=من فوق طعس وكنها تمشي بطين[/poem]

وهذا ابيات منقوله لا اعرف شاعرها ايضاً :


[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
مرحوم يا ضب ٍعلى الخط مدعوس = توه صغير ٍ ماتهنى شبابه
وأسباب دعسه ماسك الخط معكوس = ياويل منهو داعسه من حسابه
أمه تصيح ويومها صار منحوس = وابوه من حزنه يقطع ثيابه
الضب مات و صار هالموت كابوس = على عمامه والاهل والقرابه
ضب تمنى شوفته كل عروس = وجهه وخشمه ما تجيه الذبابه[/poem]

منقول والمصدر ( دهاليز قوقل ) [/align]

معاني شكرا على الموضوع الشيق

هذا بيت على الطاير

تدري وش اللي يدبل الكبد لاصرت شايب = تذكر هنوفٍ صارت اليوم جده

[align=center]وهذي شاعرة مجهولة تقول :

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
سويت لي قرصٍ بعشي الوراعين = والمشكلة باني لهمته لحالي[/poem]

وآخر يقول :

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
كرتنت حبك في كراتين وخياش = والزود عندي حاشره في قواطي[/poem]




:

:[/align]

حي الله بعميد النداويه ..

بيت مضحك ..
هل من مزيد .. ؟
:

: