من تغريداتي على تويتر

سمعت بيت وفي بالي وله مدّه / غنا به ابن الدهيمي سعود من بدري @ترى التواضع ليامن زاد عن حدّه / يضعفك في عين غيرك وانت ماتدري

شفت الشجر لا حت من غصنه اوراق / هذا أنا لا قل وصل المحبين@ ان كان مايفرق معك وصل وفراق / لا ترتجي راع الوفا بكره يبين ( حمد السحيمي )

تسهلت من فضل ربي وهانت / مشكور ومجمل بفزعتك لاهنت @ حقيقتك كل عرفها وبااانت / لاجاء نهار فيه فزعتك مابنت ( حمد السحيمي )

ياطيب السيره وياذرب الاطباع/ متابعتكم عندي اكبر اطماعه @عساك ما انته من عنا الوقت ملتاع / وعساك صليت الفجر في جماعه ) حمد السحيمي (

جيتك وانا مشتاق من عقب البطا/ وتقول وش رايك نسوي لك خروف @ اللي يشاور في الكرامه ماعطا / خللك على طبعك وانا بمشي واشوف ( حمد السحيمي )

احيان اقول اني بالافكار شاطر / ولا انتبه الا على افكار غيري @ عجزت ارددها ( توارد خواطر ) / والخلق من شوف الخطأ تستذيري ( حمد السحيمي)اعتراف
مضارب كيان وبنك الانماء وشركة زين / ترّصد لي الهامورثم صادني صيده@بغيت اتمخلص منه لأكن حبكها زين /عطاني وخذ مني وحكّم علي قيده/حمد السحيمي )

من دون وصلك والله اني ولا شي ومن دون عطفك واحياة النداااامه انتي ذراي ودنيتي وانتي الضي مااطاا قدم رجلك علي احترااامه حمد السحيمي

الدمعه اللي كدرت محجر اااالعين طااحت وانا ياااابوك مانيب داري دمع شكى من لوحة الحزن والبين لا تمسحه فديت عمرك مشاااااري ( حمد السحيمي )


أنا لو ما اداري خاطرك كان جبت العيد/وخطرٍ علي أجيب الاول مع التالي@تكاثر هروج البدو من كثرة الترديد/وانا من سبب ماقلت جريت موالي/السحيمي حمد

عساني ما أموت الا وانااا ساجدٍ لله ولا احدٍ يطالبني ومولاي ما اغضبته ( حمد السحيمي )

انت ماتعرف مفاهيم الصداقه / ليه اجامل واتالم واتحمّل @ تعبت سنيني ولا عندي لياقه/ وفالطريق اللي تبي ما اقدر اكمّل ( حمد السحيميً)

ياكبر كيد مروجين الاشاعات / المرجفين محرفين الحقايق @ في شاشة التلفاز عبر الاذاعات/ كلٍ يزور في ملف الوثايق ( حمد السحيمي )

العن الشيطان لا تنقاد له / كم ضحيه راح والسبّه ابليس @ من يبادلك المشاعر بادله/ ينعرف طيبك ليا طاب الجليس ( حمد السحيمي )

لحدن يكلمني ترى خاطري شين / في ذمتي ماقلت غير الصراحه @ البارحه عندي قصور وبساتين / واليوم راحت كلبوها براحه ( حمد السحيمي )

اليوم لا بسمه ولا فلّة حجاج / همٍ نصب له خيمةٍ في وزاني @ ومن زين وجه قال ممنوع الازعاج / الله هو اللي صوب دارك رماني ( حمد السحيمي )

الحلم سيّد والغضب نزوة ابليس / ومن لا حكم نفسه توسّد فعوله ( حمد السحيمي )

لا ارسلت لي بيتين معنى ومضمون / هذا شعوري وماذخرته وجاكم @ اراقب المنشن وش اللي يقولون / واحدّث العداد اشوف الفلو كم ( حمد السحيمي ) مستطرف!

الجبال الشمخ السود الرواسي / شوف عيني من مطر ربي تهايل @ شاب من ماشفت يا العرّاف راسي /ولو بغيت أقولها مانيب قايل ( حمد السحيمي )

ما اصعب من الشوق الا ساعة الفرقا / يعني سوى سوى مابينهين فرق @ ان كان عينك من دموع الوله غرقا / اكيد جفنك من دموع الحزن غرق ( حمد السحيمي )