محاورة بيني وبين حمد الدليهي

[align=center]هذهِ المحاورة جرت بيني وبين الشاعر حمد الدليهي



حمد الدليهي
ياراشد الحربي الرحلة بدت فالطريق
الطيبه عانها والثانيه عانها
النفط في راس تنوره وطارف بقيق
وانا عرفت السعوديه وسكانها


[align=center]
راشد البيضاني[/align]
حلم الله اوسع وصدري ياحمد مايضيق
اللي تبيها تعيّن وين بيبانها
الخير واجد وهرجك للعرب مايليق
اللي بنا خيمته لايطش بيبانها

[align=center][align=center]
حمد الدليهي[/align][/align]
فريق شرق البحر والغرب يوجد فريق
وخضر البيارق ترفرف فوق ميدانها
في راس من ضاع بالطرقه نولع حريق
من فوق راسه تشوف الناس دخانها

[align=center]
راشد البيضاني[/align]
كل الجبال بّتهامه ماتشابه طْويق
رح علم اهل القرى السفلى وجيرانها
اللي حذف دلته يلحق وراها البريق
من قربنا للمساجد مااسمع اذانها

[align=center]
حمد الدليهي[/align]
احيان اعدك عدو واحيان اعدك صديق
واهل النوايا الخفيه مااجهل ايمانها
إن كان تبغى الكلام المستوي والحقيق
الله يقطع جميع الروس واعوانها


[align=center]
راشد البيضاني[/align]
انا خويي سعد ماني خوي لْشفيق
الله واكبر على المهره وورقانها
احدٍ براس الجبل وحدٍ نشوفه يويق
واللي عطاها دهن بالسمن ذرعانها

[align=center]
حمد الدليهي[/align]
العام مافيه طيرٍ للحباري لحيق
واليوم كل الطيور ترف جنحانها
تطيق والا لعلك ياجمل ماتطيق
الناس بافعالها ماهي على الوانها[/align]

راشد البيضاني


صح لسانك مدد


وصح لسان ابوسعد


تحياتي للجميع