محاورة سااااااااخنة بيني وبين محافظ محافظة وادي جيزان

محاورة سااااااااخنة ما بين محمد بن حمدان المالكي وشاعر المحاورة ومحافظ محافظة وادي جيزان مفرّج بن مفرّح السبيعي ..
وقد زرت في 1/3/1433هـ منطقة جازان وكان لي خلالها زيارة خاصة لأبي تركي ..
الجدير ذكره أن أبا تركي كان عمدة في مدينة الرياض قبل أن يصبح محافظاً لمحافظة وادي جيزان ، وقد دارت المحاورة حول هذه الأجواء ، والتي ظهر من خلالها شاعرنا خصماً قوياً في حبك الأبيات ما بين فتله ونقضه ..
إلا أنه قبل أن تبدأ المحاورة على طرق القلطة وجه لي 5 أبيات على طرق العرضة ورديت عليها ..



http://www.youtube.com/watch?v=xQUO2jOCDAU



البدع / مفرج



حيا الله أغلى من لفانا من الضيوف
ما غرد القمري وما سلت السيوف
ولو زيارتكم زيارة عجل يا محمد
ما امدى المضيّف يكمل احقوق ضايفه


الرد/ محمد



دام البقا يا مضيّف المعرفه ضيوف
يا موج يتلاطم ويطمي على السيوف
ماني عجل ما دمت شاكر لكم ومحمد
وانته رجل متشاغلٍ في وظايفه



ــــــــــــــــــــــــــــــــــــــــــــــــــــــــــــ ــــــــــــــــــــــــــــــــ

محمد



سلام الله على ذرب البيان ومدهل الضيفان
بعد ما جيت جيزان الحبيبه واسر ياساري
محافظ معتمد شاعر مفوه فارس الميدان
ولا ترضى يابو تركي غليبه واسر ياساري



مفرج



ألا يا مرحبا ترحيبة التقدير والسفطان
تحية صاحبٍ يغلي صحيبه واسر ياسار
لولا صدق المشاعر ما تواصلنا يابن حمدان
وراع الطيب وصفني بطيبه واسر ياساري



محمد



بعد كان المقوقس في بلاده للبشر عنوان
غدا لاجي سياسي فالشعيبه واسر ياساري
وانا خايف على اللاجي يحول وجهته لايران
وهذي لو جرت قصه عجيبه واسر ياساري



مفرج



مكانه لك بعد ماراح وش له تذكر اللي كان
هقاوينا ترى ماهي قريبه واسر ياساري!!
ما يترك ساعة الرحمن ويطبل ورا الشيطان
سوى من فيه شك وفيه ريبه !! واسر ياساري



محمد



وش اللي حد ابو تركي يحول عالي الضلعان
بعد ما كان حده مع عتيبه واسر ياساري
لعلك ناويٍٍ لك نية في تالي الازمان
وتشري من خيول ادهم نجيبه واسر ياساري



مفرج



نسيت انك من الملك وجار لغامد وزهران
وش موديك شرقيي ام رقيبه واسر ياساري
يا بو البدر الليالي تتعب المديون والديان
احد يقدر واحد عنده صعيبه واسر ياساري



محمد



ترى تغريبة ذياب بن غانم للشبب ميزان
سكن في ديرةٍ تزها بهيبه واسر ياساري
يقولون الموحد يدخل الجنه وله غفران
وابو قلبين شيّب قبل شيبه واسر ياساري



مفرج



نعم .. لكن ابو زيد الهلالي معه والفرسان
ماحل بمفرده ما يندري به! واسر ياساري
الا يا كبر قلب اللي يحسب اللول والمرجان
يضيّق صدر من يقدر يجيبه واسر ياساري



محمد



أحد هاجر ليا مكه واحد هاجر ليا السودان
ولا ارضعت أم درمان أهل طيبه واسر ياساري
ألا ياشين حظ اللي شرى له طير بن برمان
ليا هدّه يحوّل له مصيبه واسر ياساري



مفرج



على طاري الرضاعه منهم اللي فالرضاع اخوان !!
حلاب الديس ما يجهل حليبه واسر ياساري
وابن برمان حظه علق إله الداب فالجنحان
نصيب الادمي لازم يصيبه واسر ياساري



محمد



يابو تركي بيوتك وافيه في دقلة القيفان
لميدان الشعر ليثه وذيبه واسر ياساري
عليك الله واكبر يا مفرج شاعر السبعان
ربوع سبيع مثلك تعتزي به واسر ياساري

مفرج



شهاده منك عندي عن مية لجنه بها غسان
على صدري وسامٍ له ضريبه واسر ياساري
عن الموروث وأهله تستحق الشكر والعرفان
نزلت المعركه قايد كتيبه واسر ياساري

الرائع محمد حمدان المالكي

محاورة ساخنة بالفعل

وفتل ونقض على اعلى مستوى

صحت السنتكم جميع

وعساكم على القوة