علي فلاح العضياني وحسين بن شتوي الحبابي و((محاوره جميله))

محاوره مميزه بين الشاعرين علي بن فلاح العضياني العتيبي
والشاعر حسين بن شتوي الحبابي وجدتها وحبيت انقلها هنا

[poem=font="Simplified Arabic,5,#4800FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]

حسين بن شتوي الحبابي=

سلام ياعتيبه الهيلا زحول الرجال=قبيلة ماهزمها غيرجيرانها

كان العضياني يميز حرام وحلال=يبعدعن النارشعلتها ودخانها

علي العضياني=

يا مرحبا عن رجال تضدكم من شمال=و قحطان ربعك تشدّدّها من أوطانها

دام الثقه فالصدور الشك ما له مجال=العنصريّه لزوم تصك بيبانها

حسين بن شتوي الحبابي=

حنا سوات النجوم انتوسوات الجبال=ماللجبال الرفيعه غير بركانها

الحاجه الكايده صعبه على كل حال=غلطان لوتتعب اقدامك على شانها

علي العضياني=

أنتم كما النار و العتبان وبل الخيال=ياللي تقول العلوم بدون برهانها

ترى الصعيبه تطيع مشوربين العيال=اللي ونعم الشوارب مكسب أيمانها

حسين بن شتوي الحبابي=

في السلم والحرب قوم فعلنا لايزال=لاكن خل العلوم يقرميزانها

بعض الشجر ياعتيبي ماتحتها ضلال=وبعض الشجرتستضل الناس باغصانها

علي العضياني=

يا حسين لو تستخير تقرّر الإعتزال=قبل المواقيف رابحها و خسرانها

ميزات روس الفتايل سرعة الاشتعال =يوم إنّ قدح الزنود تشبّ نيرانها

حسين بن شتوي الحبابي=

لوالموظف قبل يبدالدوام استقال=فالله واكبرعلى نفسه وشيطانها

مافيه احد يارد الجمه بليا حبال=وثنتين لازم تدينها وتدانها

علي العضياني=

لا بدّ تعطيك درس مهمّ , سود الليال=و دروس سود الليالي صعب نسيانها

كاس آسيا العام ما جابه فريق الهلال=صحيح و اللي يعزّ النفس ما هانها

حسين بن شتوي الحبابي=

كلن يبي يشتري بجنيه ولا ريال =لاكن بعض البضايع زادت اثمانها

والنصرفاز بلقب غالي واقام احتفال=والقادسيه تموت وتكثراحزانها

علي العضياني=

عندي نماذج فروسيه و مضرب مثال=والخيل دايم تعرف أصوات فرسانها

خزينة النصر فيها ما بقي راس مال=ما غير صفر الفنايل تجذب ألوانها

حسين بن شتوي الحبابي=

بعض المساجد على شانه تشد الرحال=صل الصلوات دامك تعرف اركانها

الواقعي واقعي ماهوبمثل الخيال =وبعض العرب رزقها يادوب ورعانها



علي العضياني=

المسلم اللي على المنبر يؤذّن بلال=و أهل الخلافه تصلّ الفرض باخوانها

رزقي و رزقك على المولى عزيز الجلال=ولاّ العرب ما طمعنا مال يتمانها[/poem]

المصدر مجله فتل الاكترونيه


http://www.ftll.cc/news.php?action=view&id=3128

محاورة رائعه وصح الله لسان الشعراء


علي العضياني وحسين بن شتوي


واعتقد سيكون لهم تواجد مبهر في شاعر المعنى النسخه الثانيه

ولاهنت يابو فيصل

اخوك

محاورة رائعه وصح الله لسان الشعراء


علي العضياني وحسين بن شتوي


واعتقد سيكون لهم تواجد مبهر في شاعر المعنى النسخه الثانيه

ولاهنت يابو فيصل

اخوك

لاهنت ياسعد لاهنت وبيض الله وجهك علي المرور

حسين شاعر راقي

وعلي فكر وشاعر محترف


شعراااء كبار


والله يوفقهم بشاعر المعنى

لاهنت على النقل يالامير

تسلم يمينك على النقل

وصح الله لسان حسين

وعلي شاعر بكل معنى الكلمه والحقيقه اني سمعت له محاورة مع سفر الدغيلبي
قبل لا يطلع في شاعر المعنى وعرفت ان علي راح يحجز له كرسي فاول الطابور


تحياتي