محاورة بين الشاعر صقر السلمي وجهز المسعري

نقدم لكم المحاورة التي جرت بين الشاعر جهز المسعري والشاعر/ صقر السلمي الملقب ب صقر سليم


جهز


يامرحبا بالرجال اهل الوفاء والمقام
ترحيبتن قلتها وناس يوحونها

ياصقر ذالليل ليلك مير شد الحزام
لي هقوتن فيك وحذر تنقصر دونها

صقر

الله يبقيك والواجب تـرد السـلام
انتم نزلتـو بديـره ماتعرفونهـا
يالي توصي تقال ابو ثمانين عـام
واشيب عينك من الكلمه ومضمونها

جهز
لاصرتنا امون في ديرت رجال كرام
ماهوب عيب (ن) الياء رحبت من دونها

اي والله اوصيك ووصي معك كم غلام
ماكل يمنآ ياهل جده تقاوونها
صقر

كان الميانه تودي قلـة الاحتـرام
لاوالله الا بلاشـي لا تمونونهـا
ركز معي ونتبه ولا علي الحرام
لحشرك حتى عيونك يختلف لونها

جهز

ماهوب قل احترام ولا عليه ملام
واهل الوفاء ماتوقف دون ماعونها

ان جات ياسليم من ضربات حرب وزحام
ضربتكم ضربة (ن) ماعاد تنسونها
صقر

وشفيك ياخر سطر سبقت قبل الائمام
الناس صارت يديها تعمي اعيونهـا
لاتجرح اصيامنا حنا ترانا صيـام
رجع بضاعتك وحفظها بكرتونهـا

جهز

ان كان ياصقر عندك غير هذي كلام
ولا تركنا لك الابيات ولحونها

ياصقر كب الضعافه وبد روس العدام
لاتفتضح فالعرب وتخيب اضنونها
صقر

ماعندني الاالسيوف اللي تقص العظام
وان رحت روحت مقيط اللي يقولونها
ليت الدواسر تجيب الراك والاالبشام
الراك والاالبشـام ينظـف سنونهـا
جهز
ان عودت لسيوف الحدب رحتو صرام
لاكن درج قدم رجلك على هونها

اسليم ياليتها تترك طريق الحرام
وطهر افواها وتنظف ابطونها
صقر

قد قيل من حل واد الهيم جاه الهيام
وانت منول خشير الهيم فصحونهـا
اللي نكب منطقة تكريت صاروخ سام
من الخطا والذنوب اللي يسوونهـا

جهز

اقول من يشمت المضيوم لازم يضام
وانته كما الي تحفر الموت بقرونها

مالعب فالمسرحيه غير عادل لمـــام
من عقب مافوضه حسني على شونها
صقر

اصبر على الضيم والادور الانتقام
القوم مدري وش اللي يبرد غبونها
وانتم تراكم محل الشك والاتهـام
يوم انها جت خفيفـة تستغلونهـا

حسن

الله الله على هذا النقل

وجهز اول مره اسمع له ولكن الأكيد انه شااااعر وعااااقل

لا هنت على هذا النقل يا حسن

وكل عام وانت بخير مقدما



مشهوووور.....

ارحب يبو فارس
مرورك شرف لي وبالنسبة للشاعر / جهز المسعري فهو شاعر شاب وكانت بدايتة هي المحاورة المنقولة معى الشاعر الكبير فيصل الرياحي وهو شاعر يعتبر موهبة شعرية قادم للساحة بقوة وجضي بشهادات العديد من الشعرء
دمت بخير

كل الشكر والتقدير للجميع على المتابعه والاهتمام

كل الشكر والتقدير لكل من مر وشاهد المحاورة