مع العملاق ملفي المورقي

[poem=font="Simplified Arabic,5,darkblue,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/17.gif" border="none,4," type=0 line=0 align=center use=ex num="0,black"]

تقابلنا في الساحل الشرقي ( الدمام ) وكانت هذه المحاوره
ملفي //
فلاح دوره قضا ما باقي الا سعيد = اسمه ولا ادري سعيد الحظ والاّ شقي
انته جنوبي وجاذبك البحر من بعيد = لكنّ من دون موجه ملفي المورقي

سعيد //
فلاح باقي هنا في يده سيف حديد= وانا ليا شبت النيران ما بتّقي
انا جنوبي وعندي فالخزينه رصيد =وليا رقيت ارتقي وليا نزلت ارتقي

ملفي //
النار يا صاحبي تسرج وهل من مزيد =لاتحرقك وانت رجال شريف ونقي
اعرفك من منطقك شاعر وراسك عنيد=لكن انا فالمواقف رافع مطرقي

سعيد //
النار برد وسلام وجايكم فالوعيد =والناس تعرف مقامي وتعرف منطقي
وانا اعرفك شاعر صامل ولا انت بتهيد=لكن انا رافع سيفي معا بيرقي

ملفي //
ما جيتكم غير افيد بهرجتي واستفيد =ياليل كم راح منك وكم هو اللي بقي
الله رزقني بهيبة خالد ابن الوليد =لو جيت قدام كسرى ما يبشّ عرقي

سعيد //
ما جيتكم غير اوقف دمك وسط الوريد = واللي بقي محزمي المليان مع بندقي
ما دام ذي هيبتك فاسمك صلاح الجديد =ابكتب النصر والامجاد فوق ورقي

وسلامتكم [/poem]

ارررررررررحب يابوعلي

وصح الله لسانك وبيض الله وجهك علي نقل هذه المحاوره الرائعه

التي تجمعك بالشاعر المعروف ملفي المورقي وانت بلاشك شاعر عملاق

وتخطي نحو القمه بخطاء ثابته وتلفت الانتباه لاهنت لاهنت