Warning: session_start(): open(/var/cpanel/php/sessions/alt-php56/sess_49726b1df94c8b445c99e25dc8fa0412, O_RDWR) failed: No such file or directory (2) in /home/alnadawi/public_html/vb/includes/vb5/frontend/controller/page.php on line 343
Warning: session_start(): Failed to read session data: files (path: /var/cpanel/php/sessions/alt-php56) in /home/alnadawi/public_html/vb/includes/vb5/frontend/controller/page.php on line 343
عبدالله بن شايق وفيصل الرياحي محاورة غناتي الاخيره - منتديات النداوي الشعبية
إن كنت تزور المنتديات لأول مرة فيرجى التفضل بقراءة صفحة المساعدة ، كما يشرفنا أن تقوم بالتسجيل لكي تتمكن من المشاركة وإذا رغبت بقراءة المواضيع فتفضل بزيارة القسم الذي ترغب أدناه .
عبدالله بن شايق وفيصل الرياحي محاورة غناتي الاخيره
.
بن شايق
مراحب وارحبو يا مرحبا ترحيب شوق حار = أحط ايدي على العله وآداويها وآعالجها
انا والله ما آبسط لين آثور عجة الشعار = وآشوف الملعبة يختظ داخلها وخارجها
الرياحي
يدوم لك البقاء دام البقا عند اللقاء ما بار= لنا منهج ونعرف عادة الناس ومناهجها
ليا حصلت لك بستان حول وأقطف الازهار = ترى العربان تقدر تحرجك قدام تحرجها
بن شايق
صدق من قال يا زين العلوم ان سلمت التكرار = وكذب من قال ترديد السوالف مايسمجها
أنا عندي سفينة طايرة ربانها طيار = بحرها للجنايز والمقابر في مدرجها
الرياحي
أنا خابرك تاجر تعرف الاسواق والتجار = لكن أذاعتك منذو سنه خربت برامجها
تحولت السفينه طايرة يا لله يا ستار = سفينة طايرة صوب السماء وانت امتولجها
بن شايق
انا بالشعر متنبي شهاده من طوال اعمار = وانا ما آهرج الكرعان بل الروس آهرجها
يقولون الرخوم تشك لكن الحرار احرار = آسمع ناس واسمعها ما تزعجني ولا أزعجها
الرياحي
وانا للشعر مثل الجامعة يا الطالب المكار = أدرسك أنت مع طلابها واحضر تخرجها
ابن شايق خطب ليلى وأظنه حلم ليل وطار = خطبها له ثلاث سنين وازرى ما تزوجها
بن شايق
يا زين العفو والغفران يا معبود يا غفار = عرب متشنجه واليا متى يكبر تشنجها
بغيت أنسى هوى ليلى وآطلق حبها السحار = لكن ليلى حلالة قوم ساحرني تغنجها
الرياحي
أنا بآخيرك يا خوي في المعذار والمقدار = ترى ظيفك ما حقه بالعلوم اللي تمروجها
زمانٍ فات تغنج لك وتهرج لك بعض لسرار=وهالحينه ما تقبل لو على ظهرك تحججها
بن شايق
مسا الخير وصباح الخير ودك خير ولا خار = كلامي جرهدي ماهو بـ اشاعاتٍ تروجها
لنا وجه ولنا جاه ولنا مثل القبايل كار = وبعض الناس لا كار ٍ ولاجاهٍ ولا وجها
الرياحي
علومك لا تطولها يا بن شايق وهي قصار = ترى الافعال والاقوال تحسب من نتايجها[/poem]
[frame="13 70"]علي بن مسفر الحبابي (ابوفيصل)[/frame]
تعليق