الدعوجي الله لا يهينك

أخوي / ابو عبدالرحمن

اسمح لنا بطاروق الله لا يهينك



يـا سـلام الـلـه عليكـم عـدد وبـل الخيال ****** يـا هـل الـمعروف و أهل العلوم الوافيه



بس وين الدعوجي صاحبي قرم العيال ****** ودي اعرف منه بعض العلوم الخافيه

هلا بك ياعزيز النفس هلا

استلم الله يحييك

مرحبا في مرحبا عد دورات الليال

========= وان بغيت ازيدها كان ماهي كافيه

ياعزيز اصرف جنيهات لاتصرف ريال

========= والمعاني لبسوها اللبوس الضافيه


ـــــــــــــــــــد0ع0و0ج0ي

استلم استلم :



البقا يا صاحب" يوم قلنا له تعال ****** قال أنا حاضر وكب العذار الهافيه



بـس أنـا بيني وبينه جوابين وسوال ****** سالفتنا ما انتهت و السبب في القافيه

هيييييييييييييييييه اسمع

في وجوب اصحابي اهل الوفا واهل الكمال

=========== اتعب الاقدام وابديبها المشرافيه

الدليله فالجــمال العـــــفر قاد الــــجمال

=========== للظما والجوع يوم الموارد صافيه

------------د0ع0و0ج0ي

الله الله


اسسسسسسسسسسسمع



اشـهـد أنـه مـا هداها على العد الزلال ****** لا جــزاه الـلـه يـا صـاحـبي بالعافيه



و المصيبه يوم قالو نبا بعض الرجال ****** قـال أنـا حـاضـر وقـدم هل الميقافيه

هيييييييييييييييييييييه اسمع

الحقايق بينه مابها شك وجدال === لاتسوي لي بها عارف العرافيه

المشاكل كلها من نوال وباسكال=== الذهب حطنّه بخزنة الصرافيه


ـــــــــــــــــــــــتد0ع0و0ج0ي

خلووووووووووووووووها



اسمع يالدعوجي :




والله اني خابرك دايم يصيبك هبال ***** كـيـف تـاطـا الـجـمر والرجل رجلك حافيه



المشاكل حلها بالـسـلاح وبـالـقتال ****** بس أشوف عيون الأصحاب عنها غافيه

هيييييييييييييييييييييييييييه اسمع


انت تظلمني بهرجك هذه يابن الحلال ==== العلم مع هبة الريح اله رفرافيه


التوت فوق الشواوي طويلات الحبال ==== وانت تحذف بالحجاره مع الحذافيه

---------------د0ع0و0ج0ي

استلم يا أبو عبدالرحمن :




ما ضلمتك يا ابن الأجواد في كل الحوال ***** بس أنا أعطيتك وصيه عساها شافيه


الـحـقـيـقـه واضـحـه مـا بـهـا قـيـل وقـــال ***** وجـه الـبـلـجـيـك يـا ذيـب لـلأهـدافـيـه

هييييييييييييييييييه اسمع


استلم

ياعزيز النفس ظل الشجر لو طال مال ==== اتبع الجره لو ان السوافي سافيه

الهدف منصوب قدام عينك لايزال ==== ون غويت الدرب روح انشد الاشرافيه

----------------د0ع0و0ج0ي

ياسلام عليكم


محاوره شيّقه وتستحق المتابعه والله

أخوي محمد بن هضيبان


شكرا لك على متابعتك


وتعليقك


تحياتي لك


أخوك : عزيز النفس

استلم يا أبو عبدالرحمن :




لو تطول السالفه ما حصل فيك أختلال ****** عاش من ينقل حـمـولـه عـلـى الأكتافيه


في النهايه نشكرك عد ما شفنا الهلال ****** و في انتظارك يوم تبدع لنا المحرافيه


أخوي الغالي : الدعوجي

أشكرك على تكرمك باللعب معي .
و أتمنى أن يجمعنا محراف آخر في وقت قريب .

لك جزيل الشكر

وتقبل تحياتي

أخوك : عزيز النفس

بيض الله وجيهكم يالعيال 00 وصحت السنتكم

شعار وجزلين لاعدمناكم

ومشكوورين على امتاعنا بهالمحاوره متع الله بايامك على العز والنوماس

تحياتي لكم

أخوي العزيز عكاشه


مرورك و شهادتك فخر


شكرا لك يا ابو عبيد والله لا يهينك


و أتمنى أن يجمعنا لقاء قريب


تحياتي لك