ياسيف يناديك رفيقنا أبو سيف

استلم ياعكاشه ، هذا رفيقنا أبو سيف

يقول أبو سيف :[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
سلام الله على اللي بيني وبينه ولد غشام=يوصل لي مكاتيبه ويوصل له مكاتيبي

عكاشه كنه يدور لشيءٍ ضايع اله أيام=ولا أدري وش بيلقا مير فيه الشك والريبي

[/poet]

ارررررحب يابن غشام 00 وحياك الله وحي ماجبت

والله اني منحرج من ابو سيف 00 ولاودي انه يجي بيني وبينه وسيط 00 من غير قصور فيك يابو سعد 00 ولو انه غيرك والا لو اني ما وثقت فيك 00 خليتها على وجهها 00 لكن نقول عسى الله يزينها ونشوف ابو سيف معنا هنا00 وحياك الله يابو سيف واستلم لاهنت


هلا يامرحبا ترحيبةٍ مع سنة الاسلام

------------------------------ على سنة نبي الله ولا معها مناديبي



على وضح النقاء ما عششت في راسي الاوهام

------------------------------ويقولون العرب ما..جت عبث هروالة الذيبي

الله يسلمك ياعكاشه

واستلم من ابوسيف:
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
علامك منحرج مني وانا واياك طول العام=ولا جف القلم بيني وبينك وانت تدري بي
يصب السيل فالمشرق واشوف البرق يم الشام=على الله ياطروشٍ مارجعتوا بالمكاسيبي
[/poet]

تسلمون واستلم لاهنت


انا ماودي إنك تبحث الخافي علي وانلام

----------------------------- انا خايف من الضيقات تفضحني هناديبي




وشرهة صاحبي لو ساقها يوم السعد قدام

------------------------------لك الله لا اتوكل فالقضيه والمطاليبي

ومن قال ماهان

واستلم من ابو سيف :
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
دخلك الخوف وانته مسلم ماتجهل الاحكام=ورجل خاف مايلحق ولا يطفي مشاهيبي
لياحن الرعد والبرق لاح وقطّر المرزام=اخاف انك من العطنة تشبّث في تلابيبي
[/poet]

تقول انك غريب ولا تعرف الصامل الجزام!!

------------------------------- تعرف اني على الميقاف ماتقرع عراقيبي



ليا حن الرعد مانتب خصيمٍ لي ولاغرام

------------------------------- ولاياشيب عيني من هروج الناس واشيــبي

خلوها
لاهنتوا عكاشه تراني كابتن الصف
ازهله

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
يدوّر وصف بيتك واحدٍ سمّوه أبوعرام =يقول انه يبي يقلط على اعز المعازيبي

سليم القلب رجلٍ مستقيمٍ ياصل الارحام=عليه عمامة افغاني وله فالحرب تجريبي

[/poet]

مبارك الهاجري

هلابك يالنشمي

ولاعدمتك مادام الصف عندك 00 ازهل ابو سيف

الله يكفينا شر هالمطوع

على ريحانها والراك حتى طابت الانسام

------------------------------- وانا مانيب ضاري للشقاوه والملاهيـبي




وألا ياكبرها ياعبرها يامطوع الاشـــــواام

------------------------------- يابو قله وفـلـقه والــفت صفق المشاعيبي

الشاعرين

ابو سيف
عكاشه

صح الله السنتكم ويعطيكم الف عافيه



استمتعنا بهذه المحاوره

شكرا خاص لبن غشام الذي اوصلنا بابو سيف عبر النت


تقبلو تحياتي


وانا في صف 0000000000 عارف نفسه اكيد

هلا بك يالهاجري
هلا بك ياجزا العتيبي
والعفو
وصح بدنك نيابة عن ابو سيف
واما مسكة الصف مدام ان الدعوى حكي امسك صف مع اللي تبي
واستلم ياعكاشه:



[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يقولون الرجال انك تحج ولا عليك احرام=ولك عادة تضيق خاطري دونك وتنحي بي
قبل طلق الرصاص ازحف وراك وعجل المهزام=اخاف الطلق يكثر فيك وانا اعدك صحيبي

[/poet]

هلا ياجزاء 00 يشرفني مرورك ومتابعتك

وحياك الله

واستلم يابو سيف وهذي اخر بيوتي 00 وصح لسانك 00وماقصرت على هالزياره00 الل اتمنى انها تكرر 00 او انشالله نشوفك بيننا


ليا انحت بك تقبلها مادام انه دخلك هيام

----------------------------- على راسك وتستاهل وضاريٍ للعذاريبي




تلفت يامحمد في جنوبك لاتصير اخمام

----------------------------- ترى من عصر في جنبك مبــيــنـةٍ مضاريبي

صح بدنك ياعكاشه والله لايهينك ، وابوسيف يقول : بقى ذالبيتين وحطهن وعكاشه حر في الرد وعدم الرد


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يقولون الرجال يذكّي الجربوع عود ثمام=حليلك تحسبك صديت ضربي وانت في جيبي

ليا ذليت مالومك وانا خالد ولد غنام=صحوح اللي كليتوا يامعكفة الاشانيبي
[/poet]

ههههه اي والله حر 00 وسلم لي عليه وقله يتفقدها من ريحانها وراكها 00 وتعذر لي منه بعدم الاتصال 00 لان التلفون مثل مانتب خابر مقطوع ولامانع من الرد 00 لاهنتوا واشوفكم على خير



علومك بــيـنه قدامنا ياجعلك الزمام

-------------------------------- ضعيف الراي جربته على كل الاساليبي




مع زود الدباعه وسع وجه وخابرك بلام

-------------------------------- تبلم ذيـبتك خايف تحــدك تكسب الطيبي



الله يسعدكم جميعا 000 ومشكووور يابن غشام على مجهودك ولك مني اطيب التحايا