من الليّ تجسر خيوله ابا اسأل يا حمر ها العين؟؟

[هب الريح]

حياكم الله


سلام الله على ضيوف النداوي والنداوي وين
0000000000000000أبا اسرجها على هاك السبّايا دامها حيّه

من اللي تجسر خيوله ابا اسأل ياحمرهالعين

0000000000000000يدش المعركه دام الرّهايف ما لها فيّه؟؟؟؟


تحياتي...

ابقاك الله…..

نيابه عن ضيوف المنتدى يامرحبا واهلين
…………………… وسولف يا عميل الخير والله يعلم النيّه

انا جيتك مسّرجها وقلي وينكم ناوين
………………… وحنا للمعارك ياولد لاقامت الهيّه

[هب الريح]

هلا والله وغلا


هلا بيك...


مدام (العاشق المحروم)ما عنده سوىبيتين
0000000000000ترى ما باقين لي يا العرب غير ادمح السّيه


انا بانشد ورى سباع الخلا عجزت وعل يبرين

0000000000000 أو ان الخرج خلّص والفشق ما فيه ماوّيه؟؟



تحياتي

تبي بيتين خذها واستلم من عقبها عشرين
..................... حرام ان البيوت السابقه تقعد خلاويّه

ترى اسباع الخلا حافت وجاكم سبع عن سبعين
.......................وكلٍٍ كشّر بنابه ولا فيهم محقّريّه

[هب الريح]

مراااااا حب



اعرّضهاملا فيح الهوى..ما جبتها تخمين
000000000000على النيّشان رميي صابها ميّه على ميّه


حقايق والحقايق كم مشينا دربهاوافين

00000000000طوينا البيد لكن المطايا.. تنوي الّجيه؟



تحياتي

تعرّضها مهّب الريح يوم انك فطين ذهين ** سمعنا بالرمي بس الهدف ما شيف موليّه
وعلى وضح النقى حنا بعد ياصاحبي ماشين**ودك البيد يارجال ببكارٍ عمانيّه

[هب الريح]

هلا وسهلا........اخوي العاشق المحروم






ابو زيد الهلالي ما شهر سيفه إلىذا الحين

0000000000000000وانا با انشدك عن سم العدا هو يم شرقّيه؟


أو انه با الزّراجي سارين لمورد الخدين

0000000000000000يقول: ان الهوى طب العيون اللي شقاوّيه؟؟



تحياتي

ابوزيد الهلالي لو بغى حط العرب قسمين
.......................وترى سم العدا خطرٍ عليه من الحراميّه

ولا اضنه سرى للزين لو ان البشر سارين
......................وانا اعرف الهوى سقم القلوب اللي هواويّه


[تم تعديل الموضوع من قبل العاشق المحروم بتاريخ 12-25-2000 الساعة 06:25 PM]

[هب الريح]

ما قصّرت وبيض الله وجهك..




مليون شكر يا العاشق المحروم.......

اخوي يا ليت تشوف الشطر الأول من البيت الثاني؟؟؟حيث انه مكسور



ولا انكسر بيت اوشطر ماتت القصيده.........والأّلا وانا اخوك.......

لك ازكى التحيات
وما قصرّت

اخيك هب الريح

مو معقول اخوي هب الريح الطرق ماشي معي بكل الابيات
لكن يمكن اختلاف اللهجه له دور معكم .لكن عدّلناه لجل يمشي معك
..لكن اقول يعطيك العافيه .. وواصل مشوارك ,تمنياتي لك بالتوفيق في هذا المجال وغيره
وشكراً………….

ياجعلك والله تسلم دائما متواضع وقلبك طيب عسى عمرك طويل انشا الله

بخصوص بيتك انا قريته قبل ماهو مكسور بس مثل ماقلت يمكن اللحن او اللهجة

تحياتي

هب الريح ..
العاشق المحروم..

صحت ألسنتكم .. وماقصرتوا
وإعذروني على الإنقطاع (بس مهوب اللي على بالك ياهب الريح )

[هب الريح]

هلا وغلا حمر عين.....




ما فهمت؟؟؟؟؟؟؟؟ اللي على بالي....


وضحّ يا بعدهم

[هب الريح]

؟؟؟؟؟؟؟؟؟؟؟؟؟









مسا الخير للجميع



وضح يا بعدهم؟؟؟؟؟


والاّ افتلها ببيتين يا حمر عين؟؟؟؟