وينك ياااااامطر الروقي

الاخ الشاعر الفذ // مطــــــر الروقي والله والله لاشتقنالك كثير كثير

وينــــــــــــــــــــــــك لاغاب المطر غيبتك

استلم الله لايهينك

سلام الله على الروقي مطر راع الكلام الزين

=========== تحيه من لسان الدعوجي طابت مباديها

عسى ماشر ياللي غبت عنا زود عن شهرين

=========== وهذي سالفه ومخالفه ماحدٍ براضيها


ـــــــــــــــــــ

د0ع0و0ج0ي

اخوي القدير والشاعر المبدع/ الدعوجي.........الله يعافيك ويكثر امثالك...وتبقى عزيز وغالي

واستلم....يا غالي.

هلا يامرحبا يالوافي اللي تذكر الوافين
......................عوايدك الجزيله والثمينه وانت راعيها

انا ماغبت لكن جا عن الاقصين ناس ادنين
......................ومواقفنا هنا وهناك يارجال نحميها

استلم

يدوم الك البقا وانا احسبك حسبـة صلاح الدين

======== مع الفـــــريّس فارس تحـــمي اولها وتاليها

ياشاعر غن بالطاروق والعب وانعش الصفين

======== نصيحة صاحبك رجليك لاتخلف مواطيها

ــــــــــــــــ

د0ع0و0ج0ي

لاوالله وين انا ويا صلاح الدين وانته وين
....................لكن الله يخلي للبلاد كبار اساميها
انا يالدعوجي من فضل ربي ماعليه دين
.....................وادل الدرب ورجولي على كيفي مماشيها

السمع

انا حطيت تحت الكلمتين الاوله خطين

========== ترى بعض السوالف راس حيه سمها فيها

نهار الكسب خم المرجله بيدينك الثنتين

========== وخلك سمح خاطر يوم تاخذها وتعطيها

ـــــــــــــــــــــــــــــــ

د0ع0و0ج0ي

ليا حطيت لك خطين انا حطيت لك قوسين
....................وانا صاحي لكنك ماعطيت القوس باريها

نهار الكسب ماهوب امس من غزوة بدر وحنين
.......................وتنبيك الرجال الحاضره عن فعل ماضيها

الله الله


الدعوجي


مطر



لمحاوراتكم مذاق ولون ثاني



وهذه المحاوره من بدايتها راقيه وقويه


واصلوا


في مواصلتكم يكمن الابداع


ويجد متذوق الشعر مايشبع رغباته


لكم كل التقدير

الدعووجي طير شلوووى صح لسانك شاعر محاوره من الطراز الاول ويعلم الله اني استفيد من متابعتك


مطر الروقي ذيباااااااان 000 صح لسانك شاعر يعجز الواحد هو يقووول جزل جزل وتراني ماسك صفك بحكم الناحيه الاقليميه

محاوره فيها رووح عساها ماتروح

تحياتي وتقديري لاعدمتكم

الاخ الشاعر // ضاوي العصيمي00 الف شكر على اطرائك الجميل وانت شاعر والله ماعليك قصور

الاخ الشاعر // عكاشه 00 الله يسلمك ويطول عمرك وانت من الشعراء الرائعين ولا عليك زود وشكرا لمتابعتك


استلم يامطر

تريض يالعتيبي لاتثـــــوّر زهبة المرتين

========== قبل ماتازن الحبه على الشاره وترميها

عرفنا اللي عرفنا والزمان اقفى يابو عقلين

========== وحجتك القديمه مات كاتبها وقاضيها


ــــــــــــــــــــــــــ

د0ع0و0ج0ي