ياسيف يالمنعور سلم وأستلم

السلام عليكم ورحمة الله



بدون مقدمات



أستلم ياسيف



يامرحبا ترحيبة ترقا سنود .. بين الرجال اللى تفتل أشنابها .. ياسيف يالمنعور سلم وأستلم .. واللى عقد روس الحبال يحلها





حنا بلشنا بالنصارى واليهود .. روس العرب ما تجتمع بأذنابها .. علم غشيم الفكر هالمره سلم .. واللى عقد روس الحيال يحلها




تحياتى

وعليكم السلام ورحمة الله وبركاته
وحياك الله ياخالد

واستلم لاعدمتك

وابك البقاء عارفك وافي ومعدود **** ياللي محاريف اللحن غنابها

من بيت شعروطيب رفرف ياعلم ****واللى عقد روس الحبال يحلها




ياخالد الدعوى بها نقصٍ وزود **** واهل القضيه ياعميل ادرابها

ومادام ما لحّــقك كبر راس القلم ****اللى عقد روس الحبال يحلها

لاهنت ياسيف




أستلم




ياصاحبى ياسيف ياعرب الجدود *** جتك الرسايل وأنت ميز ما بها
حنا عرب لكن بلشنا بالعجم *** واللى عقد روس الحبال يحلها





أن كان حك العود يارجال عود *** شقر الحرار تصيد من مخلابها
ما عندنا للى غلط حبة خشم *** واللى عقد روس الحبال يحلها







تحياتى

سوق المطايا وانت ساري لاتنود *** عيلات خلق الله ترى ما اشقابها

لاتعتقد صاحبك عميان وبــــلـــــم ***واللى عقد روس الحبال يحلها




خابرك طيب كاسبٍ كل البنود *** واليا نقل له بندقٍ ما اخطابها

وبعض العلوم اتجيك مافيها طعم ***واللى عقد روس الحبال يحلها

لاهنت ياسيف




أستلم



بعض المواقف ضعف للرجل الصدود *** من زل دربه زلته يبلابها
ياليت كل الناس مثلك تفتهم *** واللى عقد روس الحبال يحلها




علم غشيم القلب يرجع للزيود *** دار اليمن لاهل اليمن وأولابها
مأنى وأنا خالد بعباد الصنم *** واللى عقد روس الحبال يحلها

استلم لاهنت


نصبر واذا شفناه جا حووول الحدود ***انعلم العله ترانا اطبابها

وحيل الله اقوى كان ماهو محترم***واللى عقد روس الحبال يحلها



قد قلت له لكنّ عما مافيه فود***من عالمٍ ماعاد تقوى اعصابها

وماعاد عندي قنصليه للجلم ***واللى عقد روس الحبال يحلها

الذيااااااااابي



وعكااااااااشه



واصلوا واصلوا انا معكم


وازهل الصف يالذيابي

الله الله ياعكاشه



أخى : نواف لحضورك تشريف
تشكر عليه



أستلم ياسيف:


فيصل ولد عبد العزيز أل السعود *** وحد رجال المملكه وأطنابها
هذا زمان الغيد وعيال الطغم *** واللى عقد روس الحبال يحلها




فى كفنا رمح نخجبه الكبود *** وسط اللحم يفضى العظم مضرابها
الى متى نبى نعلم بالغشم *** واللى عقد روس الحبال يحلها

-

نواف المركوووز 000 وحسن الدوسي 00 حياكم الله ويشرفنا مروركم

واستلم ياخالد


حث المسيره بعدها فهد الفهود*** مسيرة النوماس حث اركابها
حتى طواغيت الملل صارت خدم ***واللى عقد روس الحبال يحلها


نعرف ذيابة نجد وإنعرف القرود *** والقبه السوداء تشوف اغرابها
سبحان رب البيت يخلق من عدم ***واللى عقد روس الحبال يحلها

سلمت ياسيف



أشهد بالله بأنك شاعر



أستلم



يبا الثريا والعلم فوق العمود *** تسقط مدينه حمص ويا كلابها
أصل الزلم تبقا زلم تسقط زلم *** واللى عقد روس الحبال يحلها




لا ياسمى الترف مركوز النهود *** الطيبه من ساس ما تحضابها
ياسيف عطه الزرف والقرصه سهم *** واللى عقد روس الحبال يحلها

ماعليك زود ياخالد 00 طلاب عندك واستلم لاهنت

من دونها الضباط واصفوف الجنوود *** ماهي بضاعه جابها جلابها
واصل العرب ماهوب من جنس العجم***واللى عقد روس الحبال يحلها



القط ثلاث احيود مع ستة حيود *** وارجم بها الشيطان يوم ارهىبها
حتى ليا واجهك بعدين انكتم ***واللى عقد روس الحبال يحلها

تعيش ياسيف






أستلم




نبا ندك الدار ونهد السدود *** والصومعه تهدم بمن صلابها
أصدر قرار وشوف وضعه منحسم *** واللى عقد روس الحبال يحلها










أمزبرقين الروس وكبار العضود *** أرجال مثل الغيد وسط أسلابها
بسم الله الرحمن كافر وأنرجم *** واللى عقد روس الحبال يحلها

اسلم اسلم


مايشعم الهوشات ياكود الشرود*** وإن كبرت الهيجاء تنسل دابها
وإن وصلته حجه تراجع ماخصم ***واللى عقد روس الحبال يحلها







خلك ولد وش فيك قومة الرقود *** بقعاء تراها موميٍ مشعابها
الله ولادمٍ مـــــثل دم الحـــــلـــم ***واللى عقد روس الحبال يحلها

الله الله الله

رائعين ياشعار


واشهدنك يا سيف مدرسه


ولا يهون اخوي خالد



واصلو لاهنتو





اخوكم


محمد الفلاح