بن حوقان ارهابي** وحبيب يخطف باص

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يقول بن حوقان

تقوله ولكنك كما المنهي المامور"="وانا اللي خطفت الطايرة بعد الاقلاعي



عرفناك يا اللي تحسن القفز فوق السور"="ولا تقدر الا تخطف النقل الاجماعي
ويقول حبيب العازمي

اثرك انت الارهابي كشفناك يالمستور"="وانا من زمان اعرفك ماكر وخداعي


يموت اليهودي مايحنط من الكافور"=" ولاله جزا الا فقع عينه بالاصباعي

وسيكون لنا وقفه مع المحاورة بالكامل


[/poet]

رعد الجنوب مشكور طال عمرك على هذي الأبيات بين شاعرين من كبار شعراء الساحه

ونحنوا بأنتظار البقيّه



تسلم تسلم

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

البداية :بن حوقان

سلامي لكم حاضر بحاضر بدون قصور
سلام(ن) يعم على النشاما وينذاعي
ترى يا حبيب سد ذيك البحور بحور
لكن الليالي غيرت بعض الاوضاعي
حبيب
هلا مرحبا عد الليالي ومبدى النور
من الخاطر اللي فيه شاري وبياعي
عسى الله على امواج البحر يحفظ البابور
مدام ان له مرسى على البحر وشراعي
بن حوقان
انا يا جماعة مقدر اشهد شهادة زور
وانا لي عتب يدري به الفاهم الواعي
عزمنا حبيب للعشاء قبل سبع شهور
علامه رفض واليوم جانا بلا داعي
حبيب
وانا ادري عن العلة قبل يدري الدكتور
واجيب الدواء اللي يبري لكل الاوجاعي
كشفت الحقيقة والحقيقة ثلاث اسطور
تقول الرعية عندكم مالها راعي
بن حوقان
عرفنا البلا مير الدواء عندنا محضور
لو انك نزعت القلب من بين الاضلاعي
بغيناك وقت الضيق يا حبنا المذخور
وجا من حبوب البحر تقليد وصناعي
حبيب
يجيك الخبر مثبوت حين الرصاص يثور
واحط الك راس الشر زهبه لمدفاعي
انا كل ما حاولت اربك تطيع الشور
تعود تكيل الحب بالمد والصاعي
بن حوقان
يقولون الارض بكبرها فوق قرن الثور
ولكن لو ضاقت فجوج الله وساعي
توسمت فيك الخير يا الصاحب المذكور
لقيناك في منفاك ؟؟ خايف ومرتاعي
حبيب
انا في حمى الله ثم حمى بيته المعمور
لكن انت لامحرم لاطايف ولاساعي
وانا مستعد اجيك واهدم عليك الدور
بعد زبدك اللي تجمعه من عرب ماعي
بن حوقان
تقوله ولكنك كما المنهي المامور
وانا اللي خطفت الطايرة بعد الاقلاعي
عرفناك يا اللي تحسن القفز فوق السور
ولا تقدر الا تخطف النقل الاجماعي
حبيب
اثرك انت الارهابي عرفناك يا المستور
وانا من زمان اعرفك ماكر وخداعي
يموت اليهودي ما يحنط من الكافور
ولا له جزا الا فقع عينه بالاصباعي

بن حوقان
..........................................
قام بن حوقان ببدع قصيدة عرضة
وبعدها شيلة المحاورة وقد رد حبيب
بكل براعة
...........................................
يا الله الطف بنا والطف بحال العرب والمسلمين
مادام ان الضمير العالمي من يهودي في يهودي
وش بقي غير نرفع راية الحق بأعلان الجهاد
***
اليهود اربعة مليون من مستقر الي مشرد
واحنا مليار ..مليار الف مليون مسلم عاااربي
**/**
يعني اللي بيحسبها من الناس حسبه عسكرية
واحد من اليهود يقابلة ربع مليون ادمي

عسى من رسمك وسطرك يا وعد بالفور
يباعون مثل الرق جملة وقطاعي
بلشنا معك لكن بنحكم الجمهو
واذا ما رضيت اباخذ الحق بذراعي

حبيب
الله اكبر بمن ذاقو ع عذاب القهر والمسلمين
والعواصف تهود ان شا الله الطاغي يهودي
قالوا الصبر طيب قالوا النفس تقنع بالجهاد
* * *
يا محمد ليا منه مشى القاف من عندك مشى الرد
وانت سالم وانا سالم ولا عار بك لاعار بي
* * *
كلما عسكر الدخان فالنار يعمس عسكرية
وانا رجل عتيبي والشجاعة ما ينفاها دمي
................
عسى الله يعز المملكة والعلم منشور
بلادي بلاد الحق والحق ما ضاعي
الا يا محمد يا عميل الرضا مشكور
ترى الوضع مايحتاج فزعة وفراعي

[/poet]

شكراً يا رعد الجنوب ومبروك الجايزة



















...........







عندك سلف

بن هضيبان

شكرا لك


بن حوقان

حتى لو عندي ما سلفتك

الله يحييك يارعد الجنوب

انتظر جديدك



تقبل تحياتي