أول الغيث قطره

استلم لاهنت

الله يبارك بعشره وقفوا ضد الرعابيب

--------------------------- عمهوجةِ والّـحقت من بينكم مقتوول ومصاب



لابد للحق يطلع بعد دورات الدواليب

--------------------------- وان ماقتلت الحنش معروف نسل الداب جاء داب

استلم يا عكاشه :



الوضع يحتاج له تخطيط ودراسه وترتيب **** ولا يغرك من أصحاب السعاوي ضحكة الناب

هذي هنوف وراها عود بادي فالمراقيب **** ومن صابه العود يبطي يا عميل الخير ما طاب

استلم لاهنت


ودك تجنب عن اللي صار يارجال تجنيب

----------------------------لالا تعذر بعد ما مكنت بالقوم مضراب



لاتحرف العلم يارجال من قلّ الاساليب

----------------------------وشلون جبت الخبر؟ من دونها بيبان وحجاب

استلم يا عكاشه :


ان كـانـهـا بـالخـنـاجـر والـبـنـادق والمشاعيب **** ازهل خطرها وانا من دونكم للموت طلاب


والله ما نخشى يا كود الواحد اللي يعلم الغيب **** حنا نجيب الخبر يا صاحبي والعرف غلاب

ان كـانـهـا بـالخـنـاجـر والـبـنـادق والمشاعيب **** ازهل خطرها وانا من دونكم للموت طلاب


عزيز النفس


مشاركة قوية - ونطمع في المزيد

استلم لاهنت

عليك بالهون دعواكم ترى ماهيب ماهيب

--------------------------------- ماهيب حمل السلاح وكلها حرفين بكتاب



عندي على علمك اللي قلت يارجال تعقيب

--------------------------------- حجتك ماتقنع العالم بعد جتك ام غصاب

الأخ : حسن الدوسي

شكرا لك على حضورك وتعقيبك .

و أنا أحمد الله على تواجدي بينكم في النداوي .

والأخ عكاشه هو الخير والبركه .

لك تحياتي

أخوك : عزيز النفس

هلا ياعزيز النفس

الخير والبركه بوجودك طال عمرك

والله يمتع بايامك مثل ما امتعتنا بهالطاروق لاعدمتك

لك خالص تحياتي وتقديري

استلم يا عكاشه :


يا صاحبي يا عميل الخير أنا مانيب مانيب **** مـا نـيـب لـلـعـار والـمـنـقود يا ذيبان جلاب


دافـعـت عـنـكـم عـسـاكـم يا عكاشه للواهيب **** وبذلت من حر مالي دونكم للناس الأجناب





أخي العزيز عكاشه :

اللعب معك لا يمل منه ولكن القاف شاب .

سعدت كثيرا بمعرفتك واللعب معك .

و أتمنى أن يجمعنا قاف آخر قريبا من بدعك .

و أنا في الانتظار .

ولك تحياتي


أخوك : عزيز النفس

الشعراء عزيز النفس وعكااشه

بيض الله وجيهكم على هالمحاوره السنعه

ماقصرتوا يعطيكم الله الف عافيه

اخوكم الســـــــــــــــــــــــــــــــــــــــــيف

بعد اذن اخووي عزيز النفس

الســـــيف

هلابك يالغالي

وماعليك زوود وزيارتك ومرورك يشرفنا ويسعدنا الله يسعد ايامك

لك تحياتي وتقديري

يا هلا والله وغلا

بالشاعر الرائع / السيف

أبو منذر شكرا لك على متابعتك وتعليقك

ولك تحياتي


أخوك : عزيز النفس