أول الغيث قطره

السلام عليكم ورحمة الله وبركاته

أخواني النداويه

سعادتي بالانظمام اليكم لا توصف
وهذه أولى مشاركاتي و أرجو أن أكون عند حسن ضن الجميع

ومن له الرغبه في الرد فليتفضل :

سلام تسـلـيـمة" نـبـديـبـهـا لا هـل الـمـواجـيب **** من بعد ما جا لنا عند النداوي رقم وحساب

يا أهل النداوي نبي شاعر يودي العلم ويجيب **** وانتم ترى كلكم يا أهل الوفا غالين واصحاب

وعليكم السلام ورحمة الله وبركاته

حياك الله ياعزيز النفس من ممشاك لملفاك

وياهلابك بين ربعك واخوانك 00 وانشالله ماتشوف الا اللي يسر خاطرك يالغالي

واسمح لي اشاركك هالطاروق لاعدمتك 000


يامرحبا يالمسلم وابشر ابكثر التراحيب

-------------------------من خاطر(ن) مسفهل ابشوفتك والنوور ماغاب



سوق المطيه وخل العلم فيدين المناصيب

-------------------------- من خلقتي ماتوخر كل ماعينت مهذاب

عزيز النفس ياهلا والله ومسهلا

وبرك الساعات وزاد النور نور يالقرم

ونشالله تلقا بين اخوانك مايسعدك ويهلا

وكتملت السعاده برد اللاخ الشاعر القدير عكاشه

وهو سباق بالطيب دائما

وحنا متابعين وماسكين الصف

قواكم الله يالنشاما

الأخ : مجعد بن متعب

شكرا لك يالغالي

على تكرمك بالمرور والمتابعه


ولك تحياتي

أخوك : عزيز النفس

الأخ عكاشه

شكرا لك على اتاحت هذه الفرصه لي للعب معك

واستلم طال عمرك :


دام البقا يا المرحب بالنيابه عن هل الطيب **** لا شفت شرواك ما لي عنه يا ذيبان مجناب

لكن يا صاحبي قبل أمس زعلت المعازيب **** و أقفيت من عندهم زعلان قلي ويش الأسباب

اخوووي مجعد هذا والله المرور اللي يشرف ويسعد عسى الله يسعد ايامك ولياليك

اخوووي عزيز النفس ياهلابك وانا اسعد بهالفرصه لاعدمتك واستلم لاهنت


[poet font="Simplified Arabic,14,darkblue,bold ,normal" bkcolor="" bkimage="" border="double,7,black" type=2 line=200% align=center use=sp char="" num="0,black"]
مادامها بيننا يا اثنين لا تكفا المشاريب = اصرف وابا اصرف ولا يلحقك مني لوم واعتاب
قلي وش اللي طرى في خاطرك ياذيب ياذيب = وعساك تذكر من اللي خصمهم ساهية الاهداب
[/poet]

الله الله

استلم يا عكاشه

واعذرني على التأخير


السالفه واضحه لا يدخلك شك" ولا ريب **** خابرك يا صاحبي دكتور فاهم كل الاطباب

تقرا وتكتب ولا يخفاك مضمون المكاتيب**** عطني جواب السؤال وينفتح لعلومنا باب

اخوني : عزيز النفس وعكاشه



الله يبيض وجيهكم وواصلوا ترانا متابعين والصفوووف ازهلوها






عكاشة ترى الصف منتهي امره لا تشيل هم مرة .








اخوك // جزاء

ياكثر من يدرق يافلان بثياب الاصاحيب

---------------------- واليا بحثته لقيت اول علوم الشيخ نصاب


مالك ترى مصلحه يافلان في نفخ المشاهيب

---------------------- ووشلون ابا اهرج واهلها ياعميل الخير غياب


===============================

ارررررررررحب ياجزاء

تسلم يابعدي وياهلابك

الأخ : جزا

شكرا لك يا طويل العمر

يشرفني حضورك ومتابعتك

ولك تحياتي


أخوك : عزيز النفس

استلم يا عكاشه :


لا تاخذ الناس بالغرات يا راع التـجـاريب **** كم واحد لو رماها يا عميل الخيرما صاب

لا تحسب ان السبيعي من مشذبة العراقيب **** وافي مع أصحابي اللي مثلكم عكفان الاشناب

استلم لاهنت

انا اعرف اللي على الغرات يفتل بالاشانيب

-------------------- ماتاب من سيرة الرديان يارجال ماتاب


ماقلت لك غير نعم وكفو ياذيب المهاذيب

--------------------لكن هرج(ن) بشي(ن) فات نقصانِ فالالباب

استلم يا سمي



أنشد عن علومكم يا ربعنا ما شفت به عيب **** علمي وعلمك صريح ولا يجي فيها تقلاب

حنا ترانا ما بين أصحابنا نسعى بتقريب **** ما ودنا تصبح الدعوى كذا عدوان واحزاب

انا تراني من الايام جاء في صابري شيب

----------------------- وانا اعرف البيت ما مسه سوى مسموت الاطناب


الوضع طيب ولايحتاج له رسل ومناديب

----------------------- الله يبارك بشرواكم سعو في فك الانشاب

استلم يا عكاشه



الله يجـمـلـك يا ذيـبـان مـا فـيـكـم عـذاريب **** لـكـن بـاقـي لـنـا وقـفـه مـعـا لـبـاسـة الكاب

اللي سعو في ديار القدس تقتيل" وتعذيب **** و المشكله من يدافع بالحجر ينعت بالارهاب