عبدالله الشهراني

السلام عليكم والرحمه والبركه



ابو هادي استلم طال عمرك على الطاعه .



عبدالله المنعـور كيف الحال .......... عساك دايم دوم متعافي


لاجيت مرحب وبذل المجهود ......... سبحان رب البيت سبحانه




ياصاحبي ما جا لنا مرسال .......... والعلم خشم وعين ياكافي


والنقص مانطلبه نبغا الزود .......... سبحان رب البيت سبحانه

هلا والله بالعنابي وباهل قطر كلهم
واستلم يا علي:

حالي يابن سفران عال العال...وافي لاشفت الصاحب الوافي..وانا على ميقافي المعهود..سبحان رب البيت سبحانه

اسمح لي ان عدلت في الموال...بالعب معك من خاطر صافي..قلي وش اخبار الولد والعود..سبحلن رب البيت سبحانه

الله يبقي الاخضر واهل المملكه


واستلم ،،،




يالشاعر الي تحسن الامثال ........... علـومنـا عجلات وخفافي

مافيـه بابً دونـنـا مـسـدود .......... سبحان رب البيت سبحانه



انتـه تـبـيـهـا ياوسيع البال ............ والعلـم ياذيب الخلا عـافي

اخبارهـم نـارً عـلـى بـارود ............ سبحان رب البيت سبحانه

استلم والمعذره على التاخير لضروف خاصه

ابو شنب لاجا عليه عيال...لابد ما يقضون الاسلافي..هذي حقيقه والسلف مردود..سبحان رب البيت سبحانه

والحمد لله راعي الافضال..مابيننا جاحد ولاجافي...وهبة من الواي وورث جدود..يبحان رب البيت سبحانه

معذور يابوهادي ..


استلم ،،،


ماحن نريد من القصار طوال .......... ياجعل ستر المعتلي ضافي

حنا على طول الزمان زنود .......... سبحان رب البيت سبحانه



اهرج على روحك وعم وخال.......... لاكن عليهم منت عرافي

الي قبل مده غدى مطرود .......... سبحان رب البيت سبحانه

والحمد لله راعي الافضال..مابيننا جاحد ولاجافي...وهبة من الواي وورث جدود..يبحان رب البيت سبحانه