وين انت يابن عيفان

وين انت يابن عيفان لاعدمتك


استلم لاهنت


ازهمولي نايف العيفان والدنيا مديه

++++++++ والمعاني بيننا والليل جا وقت المعاني


ابتلشنا ياصحيبي بالعقول العبقريه

++++++++ جا لها مدخال يابوزيد في تالي الزماني


لك تحياتي

ياهلا ويامرحبابك .مليون يابو عبدالله ويشرفني
"
طال عمرك ...
"
اسسسسستلم .



ساع جاك الي يشب النار ونيران حيه

:::::::::::::::::::::::: ونت رجل(ن) ماتقصر فالوفى يامودماني


العقول الطيبه ماتبلش ارجال الحميه


:::::::::::::::::::::: مابلشكم غير رجل(ن) شفت في عقله جناني

ياسلام يانايف


استلم ولا عدمتك


شب نارك ياالعتيبي ماعليك ولا عليه

++++++ واعرف اني مثل نجم الجدي ثابت في مكاني


انت عينت الذي حط الرباع امع الثنيه

++++++ يحسبن العشر يابوزيد تشبه للثماني


لك تحياتي

صح لسانك ..ولاعدمتك ..
"
اسسسسسسسسسسسسستلم
"
"
"
"
"
الهوى لاهب والله لرياح الموسميه

:::::::::::مايرده غير رجل(ن) قبل يوصل للمحاني

ونت لاتشره على اللي مايسوق الشاذليه

:::::::::::من وجيه القوم معروف البعير من الحصاني

اسسسسسسسسستلم لاهنت



ان بقيت الحق يانايف ترا ذنب وخطيه


++++++ ام عامر تزهم اللي مثلنا سر وعلاني


شرهتي ياصاحبي والله على محامي القضيه

++++++ يبتصر في حلها ولا يسلمها فلاني

اسسسسسسسسسسستلم لاهنت يابو عبدالله
"
"
"
"

انت تعرف كل رجل وكل قلب وفيه نيه

:::::::::::::لا تخالط ثم يصبح كل قاضي معه جاني

والغصون اللي تهادت مالها فالشمس فيه

:::::::::::::شجره(ن) مازارها الوسمي على طول الزماني

استتتتتتتتتتتتتتتتتتتلم لا عدمتك


من يقدم طيب يجزا طيب يازبن الونيه

++++++ خابرين التوت يانايف مايثمر زعفراني


الرجل ودك يميز في هذيك وفي هذيه

++++++ والضعاف اضعاف ما تحسب من حساب السماني

حسن الوطري نايف ين عيفان
قواكم الله

محاوره ممتعه لاهنتو

واصلوا وحنا ماسكين الصفوف

لاهنت يابو عبدالله
وسسسسسسسسستلم طال عمرك
"
"
"
"
"
"
يالرشيدي كيف تقفي يوم غارات المطيه

::::::::::كيف تقفي يوم روضات العقول مع الذهاني

ليه ماترجع تكمل بالجنود مع السريه

:::::::::::يمكن الله يبدل السيات بحسان وحساني

هلالالالالالالابك يابو متعب
"
وجودك نور .....لا عدمتك ...


ويعطيك الف عافيه ...ومسك الصف .ولاتروح مع حسن ..
"


تراه ماينطرح ....تحياتي لك .......

ياهلا يابو متعب

تو مانورت المحاوره


وجودك ومتابعتك تعطينا دافع للامام


لك تحياتي

اسسسسسسسسستلم يابن عيفان

لاهنت عسا ال*** يفداك


من يقا مسرا الذيلبه بالليال الخرمسيه

++++++ ماتونا بالمسير ولا نزل بارض(ن) طماني


بعد اخذنا زبدة الموضوع في روحه وجيه

+++++ بدلوا الطرق يالصحاب لي بطرق ثاني

استلم يابو عبدالله
ولاهنت يالقرم .......ولاعدمتك ...

لاتفوتك كان باقي في مخازنها شضيه

:::::::::::::اخبرك قناص ماهر ماتجيب الا السماني

قوم شب النار وحمس بنها للحاضريه

::::::::::::مايجيك الا رجال(ن)مابهم واحد جباني

ونعم ونعم ونعم


وصح السانك ولاهنت وبيض الله وجهك وانت شاعر نستفيد ونتعلم منه


تقبل حيات واعجاب اخوك


لك جزيل الشكر وفائق الاحترام

ياطيب لعبتكم طيباه

عزالله اني قريتها يمكن ثلاث مرات

حسن الوطري صح لسانك وبيض الله وجهك شاعر جزل جزل جزل

نايف بن عيفان صح لسانك يابعدي وبيض الله وجهك 00 الابداع ماهو غريب عليك

تسلمون يالقرووم

لكم تحياتي وتقديري