مباشره .. علي الهواء .. يالدعوجي

[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/13.gif" border="none,0,gray" type=2 line=200% align=center use=ex char="" num="0,black"]
سلام رديه ولي فالدعوجي وجهة نظر = ابشتكي فالمحكمه وجلسه عند القضاه

اما يثبت بينه ولا يجيبنا عذر= وليا قتنعنا من كلامه مانبى نشره علاه
[/poet]

ارحب ياسرحااااااااااااااان

جعله اسم مايغيب انشاء الله


معكم ياخوي على الهواء بس ترى حدي الساعه وحده ..


تحياتي

هلا سرحان

استلم

يامرحبا ياللي تسلــــــم عد همال المطر

======= والدعوجي لو جاه زله من صحيبه ماشكاه

ورّد عدودك كلها ويجيك من عندي خبر

======= واقنعك ياسرحان والمشـــــــوار فاول مبتداه

اخواني // سرحان والدعوجي :






يعطيكم العافيه وتراني متابع لين الساعة ...... ( لين يطرحني النوم )




الليل الله يبيض وجيهكم .





اخوكم // جزاء

يامرحبا .. يابو ثامر .. من حضر ماغاب ... ولو غبنا القلوب عند بعضها .. تشريفك . يزيدنا . شرف

استلم يالدعوجي

دام البقا يالدعوجي والحمد لله والشكر

....................... والذيب لامنه قنب في مرقبه يطرح عشاه

جعل الصديق اللي يفكر فالخيانه والغدر

...................... يجيه قصاف العمار ولا يطول فالحياه

الاخوه الكرام تحية عطره وبعد:

الله يسعد مساكم جميع

متابع ومستمتع

الشهراني

هلا يابو ثامر

مرحبا ياجزاء

السمع ياسرحان

اليا رثع راع الاصيله فالمهاوي والحفر

======= تبي تطيح اسنونه اللي ركبوها في جماه

خابرك مومن بالمقدر لاتضيق من القدر

======= واللي يبا الميراد يارجال مانقصر يداه

هلالالالالالالالالالالا يالله حيهم


يامرحبا ياللي تسلــــــم عد همال المطر

======= والدعوجي لو جاه زله من صحيبه ماشكاه



ياسلام ياسلام


جعل الصديق اللي يفكر فالخيانه والغدر

...................... يجيه قصاف العمار ولا يطول فالحياه


الله الله

سرحان =السلطان

الدعوجي= كحيلان

واصلوا وتعب الصفوف علانا

اخوكم ابو منذر

استلم

راع الاصليه مارثع ثمن كلامك والحذر

................... ترى كلامك لاكتبته كل شغموم قراه

تخطي عليه والشهاده في ضمير اللي حضر

...................... خطاك عند اللي يعرفون الخطا كبر الحلاه

حياك الله ياعبدالله الشهراني

هلا يالسيف هلالالالالالالالا

السمممممع

اكيد صابك عين والا كان متعبك السفر

===========والا السبب من راس عودٍ صك راسك بالحصاه

السر جوف البير ماعلمت ابه زيد وعمر

=========== والقدر فوق النار قبل ايفيح مانكشف غطاه

استلم يالدعوجي .. وشكرا للشعراء .. المتابعين .. ويشرفنا وجودهم

يالدعوجي ربي عطاني عقل وحساس وفكر

................. منشدك عن حالي ولا بغى منك يالنشمي وصاه


مافيه فكه ياسمي طال المدى ولا قصر

................ تبى تنسينا كلامك والجواب اللي نباه

الأخوان سرحان والدوعجي جمـــّل الله حالكم وأسعدكم

نتابعكم ونتعلم منكم



واصلو ا

تسلم يابن هضيبان ومبروك الاشراف

اسعدتنا بتواجدك معنا

السمممممع

حساس بالمره واخاف اتموت من كثر القهر

======== ماتدري ان الموت ياخذ كل واحد في سراه

الحج في يوم عرفه والعيد بين من عصر

========= والارض مزبان المطر والنجم مزبانه سماه