سلام الله سلامٍ للنشاما .. ريحه الكادي

سلام الله سلامٍ للنشاما ريحه الكادي
.........................عدد نوّ ٍ يسوق الخير في مرزم مراهيشه
بروقه تنزل بكبد الغيوم وترعد رعادي
...........................حقوقٍ مايوقف سيله الا السد في بيشه

هلا والله بشاعرنا محمد الدحيمي

الحقيقه بودي ارد عليك ولكن يجب ان يرد عليك شاعر بمستواك

هلابك يالدحيمي من بلادك لاأخر بلادي



______________عدد خطوات مع مرسول ماتتعب مطاريشه



وعدد ماسلم المسلم طبيعة مسلم اعتادي



______________وعدد ماينقله طير السعد في مجناه والريشه




اعذرني.فانا لست ند لك

انت اكبر بكثير


اخوك الصغير الهارف

[ابودحيم]

اعذروني ياشباب على مقاطعتكم فانا متابع جيد لما تكتبون وحريص اني استفيد منكم,حاولت اشيل الشطر الثاني من البيت الثاني من الرد للشاعر الهارف لكن اللحن على نفس الطاروق ماضبط معي
(وعدد ماينقله طير السعد في مجناه والريشه) مادري اختلاف اللهجه او خطأ مطبعي نتيجة السرعه!!
ارجو الايضاح وشكرا

لا كلامك

صح.. بس حاولت اجيب لحنه وولا عرفت


وكتبتها على الخيره


علمني ياخوك..

والله اني صادق


اخوك الهارف

هلاوغلا ااابك الدحيمي محمد

ابشر بالسعد ياطير السعد يامحمد والله يا ابو بدر يامجرد الرد عليك انه شرف ..اسمحلي ارد عليك.


الايامرحبا يانجم اللي فالسما بادي

..................عدد ماهل ودان المطر واروى معاطيشه

بقرم يوم سلم رحب الجمهور والنادي

..................بعد مارحب الخال النداوي في مطاريشه


اخوك/عبدالله بن فلاح الهاجري

اعذرني رد على عجل..يا ابو بندر

سلام الله عليكم عد براقٍ لفا الــوادي..
............................... من بنت رجلٍ بالشكاله عامرةٍ نواتيشه..

جيت أتهجا و آخذ المقسوم و أملا برادي..
............................... تحيةٍ طرت علي من قبل تفصــل الفيشـه..

قبل لا يفصل الخط..


ميثاق الود

استلم يا الدحيمي وعن اذنكم يا الربع

الا يامرحبا صدفه ولا عشرين ميــــعادي .... عدد مادق زير الحرب وأستنت مداغيشه

نهار ما به الا الملح والبارود وزنادي .... وتعويق النشاما غاية الموت ومناويـشه

شالح

[الهوجاس]

ألا يامرحبا ترحيبةٍ يحدي بها الحادي
تراحيب السعد تغني عن المشروب والعيشة
تجدد كل مااتجددآثير النت والرادي
والى قدمت تجددمثل حرٍ جدد لريشه

[ابودحيم]

اخوي الهارف
ماهو انا اللي يعلمك
للأني ما سألت الا اني محتاج من يعلمني
وتراني متأكد انكان فيه
خطأ فهو مطبعي وارجوك ماتفهمني خطأ!!!

[ابودحيم]

عن اذنكم ياشباب
هلابك يالدحــــيمي جملة الشعـار تزدادي
.....................تخيّر من تشــــوفه واطلبه يصطف مع جيشه
طوابير القــــوافي تشتهي هدات وجهــادي
.....................وانا بالصف تلقاني معك والقاف له طيشه

اخي العزيز محمد الدحيمي اخواني رواد منتدى شعر المحاوره
.............السلام عليكم ورحمة الله
اقدم لكم نفسي كعضو جديد معكم وشاعر مبتدء وهذه اول محاوله
للدخول في شعرالمحاوره
الله يعينكم علي وتحملوني ولالكم الا الاجر اما الرد فهو0

هلابك يالدحيمي وانت مثل الماء على الزادي

...........................هلا بالسيل لامنه ركد واروى معاطيشه

ترا بالمنتدى نجمك سـطع بالحـيل وازدادي

..........................تحملني غـشيم جاك طـفاح مطـاريشـه

ولا تبخلون على بالتوجيه والمساعده تراني يارفيقكم غشيم
وتقبلو مني ارق التحيه والتقدير

................................اخوكم الشاعر/حكيم الجامعه

تـــرى النيه مطيه والقصايد طبعها ســـادي



------------- خيال مرتبك وايماءة الغامض وتحشيشه


سكون الصمت في زحمــة جنون الثاير الهادي


------------- ملامح طيــــش والشاعر جنونه حال تهميشه