كم عدد النجوم يا ابن هضيبان

السلام عليكم مشاركه اولي


واستلم يا ابن هضيبان


سلام قرمٍ في محل القروم

------------ اهل الوفا اللي تحفظ انسابها


يامحمد هضيبـــــــــان عد النجــــوم

------- اضبط عددها واحسب احسابها

مرحبابك يا ابو محمد


واستلم


يامرحبا ترحيب وافي يدوم

......... لاجات سهله عند طلابها



يا ابو رفاعي وانت فوق الغيوم

........... ياعلةٍ تشكي من اسبابها

ياسلام يا ابو سلطان


واستلم


البارحه يا مفسرين الحلوم

----------- هب الهوى والنخله اومابها



يامسيلمه تكذب بكل العلوم

------------- ياسارد القصة وكذابها

ياسلام يا ابو محمد

استلم


وشفيك تبحث في خفايا الهموم

......... في سالفة ليلي وخطابها



تلام مير العذر مافيه لوم

.......... خل البسيطه فوقها اترابها

يقهرك بالله


استلم


الخط فرعي ياطريق العموم

-------- لدلة ام الكيف شرابها


اثرك دفاعي والمنايا هجوم

--------- ليت الاوادم تمسك اعصابها

ياسلام ياسلام


استلم طال عمرك



الدرب سيده وانت جيت السهوم

........ في ليلةٍ ماعاد يسرابها



خل المنايا فوق روس الرجوم

........... لاتضربك بقعا بمشعابها

ياسلاااام ياسلاااااااااام

.

باشات المحاوره...ابو محمد ..وابو سلطان...



الله يعطيكم العافيه واصلوا... الله لايحرمنا منكم.....


متابعينكم...


اخوكم بوعرب

كيف انت بالله يالحصان العزوم

---------- اكضم علي شفتك واعرابها



يامحمد هضيبان طيح وتقوم

---------- سلم علي لحيتك واشنابها

مرحبا يا سعود لاهنت علي المتابعه


واستلم يا ابو محمد



سوق البلح مافيه سلعه وسوم

........ سلط علي من حطها وجابها






اثريك ياطير الطويله تحوم

........ فوق الطويله من علي اهضابها

هلا يا سعود ولاهنت علي المتابعة

واستلم يا محمد


ياغصن ياللي في مهب السموم

---------- تلعبك الدنيا وتشقابها


الحر حر ولاتسميه بوم

--------- ترا الحرار ادماك مخلابها

استلم يا فهد


لاتحسب انك وسط غبه تعوم

.......... غبتك سكرنا علي بابها



انته علي الهجري تجي نصف يوم

.......... سم الحيايا مات في نابها

استلم



لاصرت ظرف وخاتمتك الختوم

--------- هات الدعاوي واختم اخطابها



وانته ليا جيت الحساب معدوم


---------- مشقور فالميلاد واكتابها

استلم يا ابو محمد


ياحسين لو يفهمك سيد غلوم

......... اصبحت فالبصره من احبابها


مشبورة النابين وام الوشوم

........... ومدقدق الكيفين بأخضابها