عضو جديد(مايدري وش السالفه )

[ابودحيم]

عضو جديد ارفقو عيه لما يتدرب (لايجفل)
سلام من واحد باريه حـب القصيد
***************عشـقه مثل عشق ليلى قيس ماعاد فاد
يامن يجاري تراني بالقوافي جديد
***************افتل لو ان المعاني خوص فتل الستاد

يا مرحبا يا عميلي جعل ليلك سعيد

..............................سهم المنايا يجيبك صبح والا هجاد

أنته جديد لكن أشوف رميك سديـــد

..............................ياصاحبي دونك البندق وضغط الزناد

[ابودحيم]

ياسلام عليك ياسهم المنايا(لو ان اسمك يخوف)
الله يبعدك ياســــهم المنايا بعيد
***************ابي الســلامه تراني توني بالمهاد
ودي اشـوف الحياة ايصير عمري مديد
***************على النقا والوفا وبحب رب العباد
واصل لاعدمتك

سهم المنايا كما سم بوسط الوريد

.............................والموت يا بو دحيم جاك علم وكاد

إن جيت بالطيب جاك وللماعند عنيد

.............................وإن جيت في غيرها يحرمك طعم الرقاد

[ابودحيم]

الحمدلله معطينا الامــــــل والأكيد
***************اني نسيته رديفن لي بخلف الشــداد
لو هوعلى البال دايم كان حالي لهيد
***************ماغير احسّب لماعمـــري يجيه النفاد

مايقعد اليوم دون الدرس كود البليد

...............................دنياك هذي تبا صبر وكفاح وجهاد

هات المعاني وخل الزند زنـــد حديد

...............................والزرع يا مسندي قافيه وقت الحصاد

[ابودحيم]

بالجامعه كلنا بس المحــــاضر شديد
***************مر يــعيد الدروس ومر ماهو معاد
والطالب المجتهد يلقى السنع مايحيد
***************من حاد مافـاد هد بغير وقت الهداد

[ابودحيم]

بالجامعه كلنا بس المحــــاضر شديد
***************مر يــعيد الدروس ومر ماهو معاد
والطالب المجتهد يلقى السنع مايحيد
***************من حاد مافـاد هد بغير وقت الهداد

------------------------------------
الف شكر يا بو دحيم ماقصرت وانا اخوك
------------------------------------

[ابودحيم]

الشكر لله ولك ياسهم العطايا(المنايا)
عطيتنا من وقتك وبيض الله وجهك وماقصرت
وتسلم يالغالي