انا في خاطري ياهل النداوي .. !!!

اخواني النداوووووية :


السلام عليكم ورحمة الله وبركاته وكل عام وانتم بخير



اسمحولي اشارك بذا البيتين والا وده يشارك تراني اتشرف :



انا في خاطري ياهل النداوي داير(ن) بيتين *** الاول به تحية عيد مع عنبر وريحاني .


وفي الثاني شكر واللي يبا تفصيلها بعدين *** ويازين الشعر في منتدى ذربين الايماني .




اخوكم // جزاء

هلا وغلا حياك الله ياجزاء



استلم





هلا يامرحبا ترحيبت(ن) توفي جميع الدين
................................ هلا يامرحبا يلي تغني زين اللحاني

ليا منك شكرت اشكر ولي العرش ياياسين
................................ وبعدين اشكر الي بعدهم يبن العريباني













سنجار ( محمد بن عبدالله )

هلا حياك الله اخوي سنجار يشرفني والله اللعب معك طال عمرك :




واستلم لاهنت :



يدوم الك البقاء في عز ربعك يابيض الخدين *** وشكر الله مبدى فـ الخفاء ماهو فـ الاعلاني .

والا ياساكن الطائف يازرّاع العنب والتين *** من اللي رد خطوة ضيفكم في ذيك الازماني .






اخوك // جزاء

الله يبقيك والشرف لي طال عمرك





استلم



ترا بعض المعاني ماتنومس يدعج العينين
............................... على هونك وشوف النوز وضبط كل نيشاني


انا مارد ضيفي لو جيبي ماملك قرشين
............................... ونا مسلم وظنك تعرف تفرق فالادياني













سنجار ( محمد بن عبدالله )

اخوي سنجار :


استلم لاهنت :



ليا ماناسب المعنى نغيّر كرمه لذا العين *** ورجال(ن) تعرّض للسهم ياخوك غلطاني .

انا ما شك في اسلامك عسانا نثبت بذا الدين *** لكن القول قول الله ماهو لفلان وفلاني .








اخوك // جزاء

استلم





طرالي ماطرالي ياجزاء واخبرك بعدين
...................................ولكن وين دراك شرق ولا غرب نجراني


هذاك الوقت ولا جعل مايرجع لنا ذالحين
.................................. قلعنا غرسة الحرمل وجا مشمش ورماني

















سنجار ( محمد بن عبدالله )

كل عام وانتوا بخير

عزالله لعبتوا لعب طيب

صح لسانكم يالربع

واصلوا واصلوا وانا معكم

مرحبا والله بخوي نواف المركوز




وحضورك شرف طال عمرك لنا



لكن مدري انت في صف من




تعال في صفي ............ جزاء هذا انا ماني قده بس خذلك ساطور وخلك جنبي










سنجار ( محمد بن عبدالله )

حايز -ن- كل المعالي راعي البيت الرزين

................. لو طرا له ما طرا له عارفن جزل المعاني

قايل-ن- ذرب المباني فارحن و لا حزين

................. و الـركــاده طـيـبـه تـرا حـنّــا خـــوانـي

اخواني سنجار و جزاء و اصلوا الله لا يهينكم .. امتعتونا الله يسعدكم

و البيتين اللي كتبت مجرد كلمات احببت اشارك بها معكم .. و لم اقصد التنافس معكم .. رحم الله امرء عرف قدر نفسه

اخوكم فيصل

استلم لاهنت وانا اخوك :



عسا ماطاري الا الخير ياسنجار قول آمين *** انافي دار قوم اتعالج اللي صابه اجناني .

ترى هذا الكلام اللي بغيته منك قبل اسنين *** بحمد الله صفت ماعاد به مبلس وخواني .





اخوكم // جزاء

اخوي نواف :

حياك الله يالذيب وكل عام وانت بخير



وصح قدمك وشرفتنا بمرورك



بس خلك بصفي وانا اخوك هذا سنجار يبغاله مجاهده








اخوك // جزاء

اخوي واستاذي // فيصل :




صح السانك ياذيبان .......... وشكرا لتشجيعك وتراني ما استغي عن مشورتك طال عمرك .

الا تعال اقلك .















خلك بصفي وانا اخوك سنجار ذا مايقدره الا انت ... هاه وش قلت ؟؟












اخوك // جزاء

استلم


ولكن وين بتحديد والرجال جا من وين
............................... وسفن البحر ماتمشي يكود بشور رباني


ولاياصاحبي ليش العرب ماتنكر السكين
.............................. شويه ياجزاء ونصير نعبد روس الأوثاني














سنجار ( محمد بن عبدالله )

اخوي / فيصل


حضورك ياطويل العمر نعتبره تاج على رؤسنا


والله يحييك ..... بس لاتسمع كلام جزاء



تعال معي وفزعتك









سنجار ( محمد بن عبدالله )

اخوي سنجار ك:



استلم طال عمرك :


انا من لابة(ن) تحما الدخيل وتروي الظامين *** بوسط الدار منزالي ، وجاك الدور يالعاني .

عسا الله يصلح الامة ويهدي عالم(ن) غاوين *** وانا موتي من اللي غارق(ن) في موج لبناني





اخوكم // جزاء