ياثبيتي وادي السيل عيا لايسيل.

اخوي العزيز/ حامد البراق..................................استلم

يا ثبيتي وادي السيل عيا لايسيل

.........................هيه ياروس البراريق شوفوا غيرها


ليت مطلق حي واسمع كلامه مع هذيل

........................مير مطلق مات وهذيل مات بعيرها

[marquee]هلا وغلا اخوي مطر واستلم لاهنت[/marquee]


لن وصلت السيل تلقى بها بنٍ وهيل


.......................... الرجال بخير والارض زايد خيرهااا

شجرة العز لو تهب الهبايب ماتميل

........................... البلاء فـــي شجرةٍ مايسلي طيرهااااااااا

الله يبقيك ياحامد.......وتحيا وتدوم...........استلم

ياكبر مجهودكم مير ياقل الحصيل

...................العوض مفقود وثبيت تنقر زيرها


ودنا نذكر محاسنك يالشيخ الجليل

..................مير كبرت سالفتنا على تفسيرها

مات ميتنا وله مجد في العز الطويل

.................. وحيناا يدحم جموع البشر ويضيرهاااا


مانبا نشهر على الروقي السيف الصقيل

..................... يامـطر خل الاوادم على تـقديرهااااا

ماعليكم زود وافين جيل بعد جيل

.................بس من عاض المعاني بفقد اميرها

انت مالك من ورايه كثير ولا قليل

...............وان قصرت اخطاك ياذيب وش تبريرها

دوب قر الشوف لرمي كيل اللي تكيل

........................ كلمتك وصلت لكن مانقبل تبريرها


البلد مليان باهل الفضايل والجميل


.................... ماعلينا من كسور العرب وجبيرهااااا

مات ميتنا وله مجد في العز الطويل

.................. وحيناا يدحم جموع البشر ويضيرهاااا


مانبا نشهر على الروقي السيف الصقيل

..................... يامـطر خل الاوادم على تـقديرهااااا



ما شاء الله تبارك الله

الله الله مايضيع مع الدرب الدليل

..................القديره مانبا يرها وشعيرها


الله يجازيك عن ماعملته يالعميل

...............فعلك اقشر لو جمعت الرجال تشيرها

عام الاول كنت مليان والليله نحيل

................. والعدود الصافيه من شرب من بيرهااااا


بعد غاب من السماء الجدي بان ابها سهيل

................... لا تكــفر ناس ما الله ومـــر تكــفــيرهااااا

انت تدري عن مقامي وانا مانب ذليل

.................مشها والا ياحامد دهنا سيرها

انت اخذت طبوع عمك وهوعود بخيل

................يكرهونك روق كبيرها وصغيرها

ياحليل البدو بعد الحضاره ياحليل


.................. نوخت كل الركايب بعد تطويرهاا


انت مالك في اللبن غير جغمه من صميل


................... ما تبين الحسبه الاّ بعد تكسيرهااا

ان تطورنا ترى ماش شى مستحيل

.............البدو تطوريها خير من تهجيرها

انت حاسدنا شراب القراح السلسبيل

.............عشت تحت الشجره اللي يغرد طيرها

.
وانت ودك تقبس النار في راس الفتيل

............................ مار انا خابر خطا الدرب قبل اسيرها

يا مطرجوّد حزامك ترا علمي ثقيل

......................... ... و (روق) لن ضاقت نكفيك في تدبيرها

ان قبسنا النار ماعنك ياحامد بديل

...................والقناه الواضحه ضبطوا تشفيرها


سالفتنا طولت وش تحط وش تشيل

.................روق فوقك صار تهليلها وتكبيرها

الشاعر/ مطر الروقي

والشاعر / حامد البراق

وجبل ينطح جبل

وما يفل الحديد إلا الحديد

تراي في الصف ( طبعاً صف مطر )