وين العيافي 0مشهور0 الشهاب0البقيه

سلامي على اللي ينطحون المواجيب 0000 رجال لكم باالعز ياما وياما

ولاباقي عقب النداوي مناديب 0000 من الراس ياللي تطلبون العلاما

شالح

اسمع ياشالح

هلا مرحبا والضيف توه معازيب 000 ولا يلحقك من عقب هذي ملاما

انا خابر ان الذيب ما ياكل الذيب 000 تحلم وحنا مفسرين الحلاما

(مشهور)

يدوم البقا مافيه شك ولاريب 0000 ماينقل شداد العز غير السناما

ولاشرب سم الداب غير العقاريب 0000 ولا ادري علينا حل والا حراما

شالح

اسمع

الا ياوجيه الخير خضر الهناديب 000 تساوت لنا الدنيا وزان المقاما

ياليتك تلحق جمرها بالمشاهيب 000 بعد ميل الأغصان ورق الحماما

(مشهور

اشوف العراقيب انشبت بالعراقيب 0000 ولا ادري حيا ولا طبوع النعاما

وبير البدو ما باقي الا حثاريب 0000 عليها الورود مصدره بالحياما

شالح

اسمع


الا ياجملنا اللي مع شمخ النيب 000 عليك الكبود السود قامت تداما

من العام ما باقي سوى شقة الجيب 000 واظن الليال الشهب خمسين عام

(مشهور)

علامك توردني على الموت وتغيب 0000 وانا مانويت ازعل عيال النشاما

خسرتوا بعد قلتوا تبون المكاسيب 0000 وجيتوا يديكم بالخساره تواما

شالح

اسمع

انا مازهمتك يوم شلت المشاعيب 000 معلمك قدرك بالوفا والتماما

ترانا بشر مثلك ولا نعلم الغيب 000 خلقنا جلبل الملك لحم وعظاما

(مشهور)

اثر صاحبي مشهور راعي ملاعيب 0000 يقول ان نار البدو برد وسلاما

عليك الله اكبر يازمان العذاريب0000 ولاظن باقي فيه لاما ولاما

شالح

اسمع

وردتوا وشرعنا جميع المشاريب 000 وصارت نواظركم تعس الجهاما

اناما ومرت الشيب يطلع على الشيب 000 عسى الله يحسن موتكم والختاما

(مشهور)

ترى حن ماسكين صفوف انا قايد صف مشهور والعاشق المروم قايد صفك يا شالح

لاهنتو ياشعار ... الليل.. الليل .عاشو النشاما .......

بيض الله وجهك يامشهور واشهد بالله انك شاعر محاوره وان الكلام اللي جاني قبل ماادخل انه في محله0 وانا الآن اعتذر والله ان عندي شغل وتركته حسبي الله على بليسك0

الأخ سهم المنايا والمحروم الله لايهينكم
شالح

هذي المحاوره والا بلاش

صح لسانك ياالشاعر مشهور الخيّال

صح لسانك يا الشاعر شالح

عزالله العزيز انها محاوره على اصولها .

لاهنتو ياشعار

يالله العافيه ما نسوى معكم سي ما شا الله تبارك الله سجلوني قايد صف من اليوم ورايح . ومن المتابعين لمواضيعكم .

[الخيّال]

ماقصرتو ونبي وحدة ثانيه يالربع ، والحقيقه محاورة رائعه تستحقون عليها الشكر