تعال يالقعبوبي مدري ولد عبس

فالبدايه لاسلام ولاكلام ولاتحيه

.....................................لايغرك كان سموك الجماعه بهلواني

مرة تكتب محمد مرة تكتب سميه

..................................... ومرة تكتب لي القعبوب ياولد الحصاني

النداوي خالف الإسلام مع سنة نبيّه

.................. والمصيبه من اعيال العود والعود اقحطاني



عوذبالله كيف تنسى سالفتنا الأوليه

................... والله أنك ما تزحزحني ولا تقضب مكاني

صبحكم الله بالخير وجعلكم على القوه..

الله الله والســـــــــــــــــــــوالف يامحمد سرمديه

......................................خوفتي لاشفت زول فلان قلت الموت جاني

ان خذيت الكاس جتك اليوم من عندي هديه

...................................... والدقايق ياعميلي لا تحسّبها ثواااااني

الله الله والضحوك أحيان من شر البليّه

................................ يالله أنك لاتعاقبني على غلطة لساني


لا حمانا الله من المشفوح مابيلك عطيّه

.............................. لاتحسب أنك عضو يا صاحبي بالبرلماني

أنقلك ياخرج لي عامين وسط الخرج حيه

.................................................حية رقطا تقلب بالزمان القلباني

ما طلبنا منك حسنه ما طلبنا منك سيه

............................................... أركد أركد لين أشوفك يامحمد مودماني

انت غافل عن زهابك مير وش ذنب المطيّه

......................... وأبك لاتنسى عصا الجمّال ياذرب اليماني


الغني ربي وأنا وياك حسبتنا شليّه

......................... يابو ثامر ماخبرتك ياخويي شقلباني

طيعني واسمع كلامي طيعني واصبر شويه

................................................... ردد الابيات زين وثم برق فالمعاني

لو مدحتك ما هجيتك والبلا هضبة طميه

.................................................مالك من الحيل ياكود الغنى دانه لا داني

مايطيع ألا البليد وهرجتك هذي غبيّه

...................... ماأنت لا شاعر فصيح ولا فهم لك ترجماني


الوكاد أنك مع الشعار علّه باطنيه

...................... مير سويت النداوي وأنتهض حضك بثاني

انت تبغيها هدف لاشك صارت جانبيه

............................................. ياوسيعين الصدور وياوسيعين البطاني

لملم جروجك ترى الدعوى كذا مدري كذيه

............................................. المعالي يامحمد ما تشابه للطماني

اشهد انك مادريت أن البطوله عالمية

.......................... والا انا لاجيت بالميدان صرت الاولاني

مير قل لي ليه ما تكتب قصيده عاطفيه

......................... فالزماان اللي تغزل بك وانا شاهد عياني

لا تخاطبني بلهجه غرب مدري بربريه
......................................وأعرف أن عندي على ماقلت لي رسم بياني

فيك عله ظاهريه فيك عله باطنيه
........................................فيك من ذيك الوسوم وعلتك منها تعاني

لا والله ألا ضاعت اعلومك يالأعود

أستلم وتصبح على خير ...


أثر المسبوب ما يرغب دخون الجاونيه

..................... زين يوم أنك عرفت العلم وشلون اتعصاني


يالنداوي قلتها لك بالبيوت الأوليه

..................... والله أنك ما تزحزحني ولا تقضب مكاااااااااااااااااااااااني