مطر الروقي لاهنت

إلى الشاعر مطر الروقي من غير قصور في الشعار

واستلم يامطر لاهنت ـــــ

ســلام رديـتن للي رفيع المقام
ـــــــــــــــــ مطر ولو قام حل السالفه حّلها

ياصاحبي كم شهرّّّروّح وكم راح عام
ـــــــــــــــــ ياللي تعد الليالي عدّها كلها[تم تعديل الموضوع من قبل الشلوي بتاريخ 01-15-2002 الساعة 10:57 PM]

هلا وغلا.......يالشلوي...والله يحييك

استلم...وانت ماتهون


يامرحبا يالمسلم ياسليل الكرام

...........والسالفه كان عندك سالفه هلها

هاذي موكل بها الخلاق رب الانام

..........اللي عرف دقها واللي عرف جلها

حياك الله ياالشاعر مطر الروقي


واستلم لاهنت ــــــ

السالفه خير ياالروقي وكلش تمام
ــــــــــــــــــــــ والديره اللي بعـيـدة خـط نوصلّها

انشد علام العرب قامت تفك اللحام
ــــــــــــــــــــــ ماادري وش اللي يصير وويش يحصّلها

اخوي الشلوي.........ابقاك الله..واعذرني عن التاخير.......واستلم

الله يديم العوافي والرخا كل عام

...........واللي يبا له ديار بعيد يرحلها

الناس ماتتفق فى شرق والابشام

.............لكن يازين العلوم اللي عل حلها

الله الله
سلمت يامطر واستلم ــــــــــ


ياالدلبحي ارتح وغط بشرشفك ثم نام
ـــــــــــــــــ ابليس بعض العرب تراه موملها


المفتي اللي يميـز بين حل وحــرام
ـــــــــــــــــ لايقلب السالفه ويقوللي خلـها

يالحارثي دور البر الحمر واليدام

..................ابليس بعض الاوادم لا يزولها

المفتي اللي كلامه فى حدود النظام

.....................وان شاف كلمه ماهيب مناسبه زلها

الله الله


ياكيف يهنا شراب الحارثي والطعام
ــــــــــــــــــــــــــــــــــــــــــ والقدس راس الكفر شارون محتلها

قالوا ترى المجتهد بعد الجهد مايلام
ـــــــــــــــــــــــــــــــــــــــــــ واخاف تظلم جموع الناس وتضلها

اصبر لازال الامل فى مفاوضات السلام

.............يمكن نغلب اليهود بيوم و***ها

ان كان تشره على اللي فى يديه الخطام

...............قد مات قدمك رجال مابرد غلها

السلم من سبته راحــت ديــرنا هــدام
ــــــــــــــــــــــــــــــــــــــــــ يــاالله باالنصـر دار القدس عجلهــا

يااللي تغني وتردح في ضواحي جهام
ـــــــــــــــــــــــــــــــــــــــــــ دامت معزة رجال تعيش في ظلها

ان كان يالحارثي باقي بخشمك عرام

.............سيوفك الحدب لوجيه العدى سلها


مال الامور العظام الا الرجال العظام

.............خل الشلاوى تغطرف لك وطبلها

ان قلتــلك خاونــا تقول عندي دوام
ـــــــــــــــــــــــــــــــــــــــــ الناس ذولاه ماادري ويش نعملها

ان كنت غادي ودربك راح كله ظلام
ــــــــــــــــــــــــــــــــــــــــ ترى الشلاوى تعين الناس وادلهــا

اعذرني عن التاخير...اخوي الشلوى.......واستلم لاهنت

العذر ماهوب عن خوة رجالن حشام

...............حجتك لاصار ماهي ثابته بلها

ماهوب انا اللي يضيع صيدته فى العسام

................وان كان عندك فروضن ناقصه صلها

لاهنت ومعذور واستلم ـــــــــــــــــ

ان طولت سالفتنا مايفيد الكلام
ـــــــــــــــــــــــــــــــــــــــــــ يمــا نزلّنالهــا والا انــت تنزلّهــا

اليا توفيت قلنا ياعساه الرحام
ـــــــــــــــــــــــــــــــــــــــــــ وان عشت يالدلبحي ردتك مااملها

ان طولت بيننا تيشر بمسك الختام

..............لا تنزل اطلع وريح نفسك احسن لها

ان مت مومن واخاف الله ماسويت اثام

.............وان عشت ناس تقابلنا نقابلها

الله الله مسك الختام ياابوصالح

وعزالله ماقصرت والسلامه مكسب ههههه


ومشكور ومجمل ولاشك اني اكتسبت من محاورتك

الشي الكثير وننتظر توجيهاتكم طول الله عمرك وسلامتك.