المـــطـــر الــروقــــي .. !؟

أسعد الله مساك يابن روق .. أخو وغالي وعساك قريب طال عمرك




كل ما حولتها عن شرهتي صارت غرامه

........................... والليالي ما تقرّب لي ولا صارت غريمه



ودّي ألعب مع مطر مبطي وودي بالسلامه

........................... والعوارف ماتخالف لو يمسوّن الشكيمه

الاخ الشاعر / ولد عبس .. مساك الله بالخير وعساك علي القوه

دايم . شدتني حقيقه بدعتك للشاعر مطر الروقي . وحقيقه

كلكم . من خيرة شعراء النداوي بدون قصور في الزملاء

وننتظر . ابداعاتكم من خلال هذه المحاوره . نتمنى لكم التوفيق


تقبلوا تحياتي وتقديري

هلا وغلا............ياولد عبس........ومساك الله بكل خير

الشعور الصادق متبادل...وحياك الله


اخوي/ سرحان.........ماعليك زود...والشك زايل


استلم يامحمد.......لاهنت


شرهة الطيب على الطيب ماتلحقها الملامه

.................ياولد عبس الليال تدور والدنيا مقيمه

لك من الروقي مطر جوده وطيبه واحترامه

................. الله الله صخر القيفان وتزين الوسيمه

مرحبا تراحيب المطر يا سرحان وأعجابك راس مال ومكسب طال عمرك



لاهنت لاهنت وتبقى يا مطر ...


والله أنّي غير قلت أنشد عن الصاحب علامه

.......................... وألا أنا أدري عن وسوم أهل المواجيب القديمه



صاحبي يا صاحبي وافي وأنا فيني شهامة

.......................... وأنت قلّي ويش رايك يوم ذبيت الخريمه

وانت ماتهون.......وتدوم.......واستلم

انت عادتك الوفا والرجل يعرف من مقامه

................والله انى خابرن نيتك يامحمد سليمه


يذكرونك من عدامه فى عدامه فى عدامه


..............وانت والله يامحمد ياولد عبس الصتيمه




[تم تعديل الموضوع من قبل مطر الروقي بتاريخ 01-14-2002 الساعة 10:20 PM]

طال عمرك ياخويّن ما يخالفني نظامه

.......................... بس أنا مرات يالروقي تراي أصرف قسيمه



لو فرضنا يا مطر مريتك الصبح بتهامه

.......................... وأنت ماتدري عن الجيّه ولا عندك عزيمه

مثل ماتاخذ علامه صاحبك ياخذ علامه

.............والقسيمه كان ماهي حق يامحمد ظليمه


رح بدربك لاتجي وتمر وتقوم القيامه


............انت يالعبسي تراك المتهم باكبرجريمه

نوب أبضحك نوب أببكي نوب أخليها زعامه

........................ مير أخاف أتطوف وتصير القديمات النديمه



عوذ بالله ماورا ضلع الخزى غير الندامه

........................ مير عيّن خير لوني عارفن نوع الشتيمه

انت مثل الهايم اللي مايجنب عن هيامه

................ابك واضحك واعرف ان الخصم مايترك خصيمه


قد عطيتك علم قبل انك تعصب بالعمامه


................لكن احسب للعلوم اللي عواقبها وخيمه

لا تنقدني يابن روق المدى عرف وغشامه

............................. دايم المصقال ينتج في كسب وألا هزيمه



أن تركناها حمامه وأن وذبحناها حمامه

............................. بس لازم تطلّع دايم على آداب الوليمه

القدير/ ولد عبس...عذرا فحينما تاخر ردك قليلا..اظطررت للخروج

استلم..لاهنت اذا كانت الرغبه لازالت موجوده.


ان بقالك عمر يالحجام جوز عن الحجامه

..............وان قدرت تغير اسمك غيره واذبح تميمه



يامحمد كل واحد له ميوله واهتمامه

.............والطماعه خلهاا من بيننا بشداد ريمه

حلوووووووو

القاف لاجووه هله فاخذ الكلام اللي على وصوله

متابعكم ومستفيد منكم

هلا بأخوي مطر وعادي طال عمرك خابرين ظروف الأنترنت ..وأسمح لي أنا ترى بعد مادخلت النت ألا هالحين..

ومرحباااا ملالالاين يابو هادي حضورك شرف


وأسلموا يالنشاما


من سكت عنّي وهو صايم فأنا مجرح اصيامه

.............................. وأسم أبو وجهين ثابت وألا أنا شيمة وقيمه


دعوة الأسلام معروفة قبل حرب الرغامة

.............................. فنّد الحجة ترى بعض الطمع جور وحريمة

اخونا العزيز/ عبد الله الشهراني.....حضورك مشرف..ومتابعتك تقدير


العزيز/ ولد عبس...شكرا لك..والحال واحد..والظروف تحكم

استلم.

انت فوق الارض والاتحتها تسعين قامه

.................مانعرف الاانت ياوافي ماتبغا غير شيمه

دعوة الاسلام حق ونورها زاح الظلامه

.................والله انى ماطمعت الا وانا احري بالغنيمه

الله أنه يكفي المسلم علامات القيامه

................. لا تنشدني وأنا رجال ما أحب النميمه


الله الله بالفروض الخمس ياراع الجهامه

................. وأن كسبت ابكار سمّ الطيبه منهن حليمه