الروقي -طال عمره-

السلام عليكم ورحمة الله

الشاعر مطر الروقي من الشعار المعروفين في هذا المنتدى

فلو تكرّم يسمح لي العب معه


يا سلام الله على الشاعر الروقي مطر

************************شاعر(ن) معروف يعط الرجال حقوقها

ودنا باللعب والله يكافينا الخطــر

***********************كل قوم(ن) ودّنا نستمع طاروقــــها

والله لايهينك يامطر

اخوي الشاعر/ ذيب القحطاني

وعليكم السلام ورحمة الله وبركاته.....حياك الله ياذيب وانت فيك البركه.....ولاعليك زود.....وابرك الساعات اللعب معك

واستلم...ولاتهون

مرحبا بك عد ماهل وبال المطر

.............كل ماشفت السحايب تلوح بروقها


ياقحطاني غن باللي على بالك خطر

..............واعرف ان الطيبه غاليه فى سوقها

واصل ياذيب انت مطر


الى الامام


تحياتي لكم

حياك الله

الله يحييك ويبقيك

.........استلم لاهنت:

الله اكبر يا جماعة ترى الروقي حظـر

************************لا حظر كل المشاكل يخيط فتوقــــها

ابك انا شاعر وفي راسي شرور وسطـر

************************والحيايا الرقط ضاري بقطع شدوقهـا

ياهلا.....ياذيب...واستلم

الله اكبر والله اعلم عن قلوب البشر
.................والمشاكل طلعت من مصر فاروقها


مانبا الاالخير مادمت شاعر معتبر

................كل نفس وسلمها كل نفس وذوقها

الله ..............الله

استلم طال عمرك....:

اعرف انك صاحبي هرجك احكام وعبـر

************************مير حنا نعرف الناس من منطوقـــها

فاهقين الخير لك دوم ياوجه السفر

************************والنفوس الها نوايا وربي فوقـــها

انت عارف كل حاجه وتدري بالخبر

...............لاتسمع فى عباد وساع حلوقها

كان ياسرحان عندك لنا وجهة نظر

..............الحرار اللي على الوكر فك سبوقها

استلم.................................

الله ...........الله

عارف اللي واردة عارف اللي قد صدر

------------------------لاتجي للحنظلة ثم تقول اذوقــها

ظنتي فيكم رجال على طول الدهــــر

------------------------ياشيوخ عتيبة اللي طوال طروقها

ماعليك قصور شاعر وتسبح فى بحر

..............لاتحفظ الجوهره غير فى صندوقها


صفنا ياذيب من فضل ربي مانشقر

..............صح حنا اللي نضد العدا ونعوقها

اسمحوا لي علي المداخله .. كلامكم جميل جدا . وانا تراني يامطر

في صف ذيب .. وخلك ياذيب ذيب ترى مطر ماهو صري من الغشش ..

وجهة نظر فقط ..

حياك الله يامطر

الله ............الله

الصناديق امتلت من مراجين ودرر

----------------------والوداعة ذمتي يامطر ما ابوقــــها


انشد اللي لاحق (ن) عهد تعصيب الغتر

------------------------يوم تدفق موية الطاس ثم تحوقــها

اخوي......سرحان الوذيناني

الحريص ما يوصى...وانا اعلم ان نيتك طيبه وكلامك لاثارة الحماس

بيننا...لكن الدور عليك..ونشوفك فعلك مع الذيب يا سرحان

اخوي....ذيب...الله يبقيك....واستلم

انت تحري بالثمينه ولا عنها عذر

............كم عدد شعارنا اللي قدرت تفوقها

ان نشدنا نعرف اللي مع الوادي حدر

............وان سكتنا جعل كبدك تطيب حروقها

حياكم الله جميعا

الله يحييكم ويبقيكم بس ودي اقول لك يا سرحان ان

القلوب وانا اخوك ابيض من الشاش


.........لكن تعرف اللعب ضحك وتسلي على ماقال

استلم يامطر لاهنت:

ماعليكم زود والنار تبدا بالشرر

---------------------قلت عقّلها لكنك تحب تسوقــــها


اثرك تدوّر لدرب المشاكل والقشـر

---------------------روسكم لوتحلق اليوم شفت فلوقـها

الشك زايل.......ياذيب...واستلم

كل حر بالجناحين فالعليا شهر

.............واوجودك فوق روضن زما زملوقها


ياعوال العود قدامكم موتن حمر

............بارك الله فى شيوخ طوال عموقها

هلا والله

حياك الله يامطر واستلم طال عمرك



يابعير(ن) قام يرغي بعد ماهوهدر

------------------------والبكار اليوم شوفه ماهوب يشوقها


واردين الموت ما همنا زيد وعمـر

------------------------شمسكم غابت بعد مابدت بشروقـــها