ابو فهد العاصمي الله لايهينك

السلام عليكم ورحمة الله وبركاته

ابو فهد طال عمرك ودي معك آخذ طاروق استلم لا هنت:

قالوا لنا العاصمي غنّا المواويل

************************ وجاب الفتايل و قدّح فالزنودي

عادي ترى عندنا ضحك وتساهيــــل

************************ وعادي ترى عندنا ضرب الفرودي

استلم لا هنت و آسف على التاخير

يا ذيب انا شفي في تالي الليل

************************ اقضيه راكعٍ و مطولٍ في السجودي

و يا زين الصبح في معابل الخيل

************************ و يا زين لعبك ياعريب الجدودي

حياك الله يابوفهد

هلا والله يافيصل والله يحييك


يامطيب اللي يكثّر فالتهاليـــــل

---------------------الله يطوّل ســـــــروك ياسعودي

ويا زين ذود(ن) بقفر(ن)ضاربه سيل

---------------------يرتاح بالي ليا شفت القعـودي

استلم لا هنت يا الذيب

يازين شـم الـهـيل وسـط المعاميل

--------------------- و الضو تشعق و النشاما شهودي

ربعٍ هواهــم في شراب الفـنـاجـيل

--------------------- بنٍ عريب و طيــب الطيـب عودي

حياك الله يابوفهد

خلووووها:

ياشاعر(ن) ودّك تحارب سراييـل

-------------------احذر تراها يهود(ن) من يهودي

الله بيوم(ن) نجي ونعدّل الميـل

-------------------ونطرد عيال الكلابة والقـرودي

استلم الله لا يهيتك

شباب ضايع(ن) مع شايب هزيل

------------------- عاجزٍعن المسرى ومشفٍ بالقعودي

والشباب اليوم ما فيهم ثقيل

------------------- الا قليلٍ صافيٍ على مذهب جدودي