ياشعار النداوي

السلام عليكم

ودي بشاعر ناخذ معه شوط الله لايهينه اللي يبي يلعب يرد حياه الله



جيتكم بالخيل والرمح والسيف الشطير

الفتيلة طرّفت واقدحوا نيرانـــــها

حلّ ياشعار وقت المعارك والنفيـــر

كل قوم تركب اليوم ظهر حصانـــــها

مساك الله بالخير ياذيب

واسمحلي باللعب معك ان كان مافيها كلافة


يامغني وش يحدك على الدرب العسير

*************************** طيع شاري واردع النفس عن شيطانها

لاتكبر حملتك ثم ترغي يابعير

************************** السيوف حداد والخيل في ميدانها


ــــــــــــــــــــــــــــــــــــــــــــــــــ ــــــــــ

كم من حزين(ن) تغرك ضحكة حجاجة لو شفت مايحمل من الهم تاويله

يا ذيب كانك في الملعبه تبي لك خشير
........... و السيوف اللي تشهرعليك يثرم اسنانها
فابشر يا عزوتي فانا الليث الخطير
........... مكشّر بنابي علـى الـذود مـع حــيرانها

هذي مشاركه عارضه ان اعجبتكم سجلوني معكم ......

حياك الله يالمنصوري

ارحب وحياك الله واستلم وانا اخوك



الهجوس اللي حدتني بها نار وسعير

والفرس تحتي ولاني باشدعنانــــها

انشد العربان عنّي بعير(ن)لي هدير

لاتخرّبها عقب ما استوى ميزانـــها

يابو فهد

حياك الله يابوفهد

لكن بيوتك ماهيب على نفس الوزن طال عمرك

وحياك وان شا الله بأطلبك في الموضوع الجاي

حياك الله يابوفهد..........................