عوض القرني..مطلوب

الاخ عوض..بعد طول الغياب ودي ناخذ معك جولة وانت الزعيم..


ياسلامي على القرني رفيع المقام
عد مالاح براقة وحن رعدة

ياعوض كيف حالك عقب شهر الصيام
انشد الناس قالوا باذلن اجهدة

الشريفي

هلا والله وغلا بالشريفي



مرحبا ولوف 000

وكل عااااااام وانت بخير 000

والساعة المباركه: اسمع اسمع :

مرحبا بالشريفي ياعليك السلام
صاحبك عند ضنك وش تبي تنشده

زان حالك وحال الطيبين الكرام
طبع الاجواد راعي المعرفه تسنده

يالله قوّهُم - محاورة جديدة - وطوت جديد - وشاعرين متميّزين في الشِّعر



علينا ترتيب الصّفوف - وتنظيم الحفل - وعليكم الإبداع



أبو أحمد

الاح الغالي حسن الدوسي


الشاعر هو عوض القرني وانا واللة هاوي ..

وجودك يشرفني يابو علي..


الشريفي

اللة يحيك يابو سعد


استلم..


البقا وانت قسمك من علو السنام
وانت شاعر وبين فاالعرب مقعدة


كل مارحت قبلة كل مااقبلت شام
ليلن ابيض وليلن ماقشرة واسودة


الشريفي

الاخ العزيز والشاعر الغالي حسن



الله يحييك ولا يهينك وشرفت الصفحه وربي 00000


اما قولة اخوي الشريفي انا الشاعر فعزالله تواضع كبير اعتبره من شاعر في حجم الشريفي 000


والله يعينا وايكم ونكون عند حسن الضن .

تبقى يالغالي 000



اسمع اسمع :

طال عمرك ومثلك نسمعه باهتمام
يالله يارب تعمي من نوى يحسده


نظرتك نومستني يالشجاع الهمام
غير درب الهواوي ماقربه مابعده

-

ياسلام ياسلام


اذن الفجر لاكن مالقينا الامام
بعد ماوكل الهندي على مسجدة

اختلف فالنجوم مفسرين الحلام
يصبح الكوع ثم يمسي على مسندة


الشريفي

الله الله

اسمع اسمع :


يمكن انه يصحّي بالضيوف النيام
علها تعـــبد اللي كلـنا نعـــبده


الكـــلام المفـسر فسـروه بكـلام
وكل ناقـد يجي له ناقد ٍ ينــقده

-