اللي عرجّ بالجنازه !! .......( القعبوبي)

الاستاذ/ محمد القعبوبي 0000 طابت اوقاتك

اتمنى ان يكون لديك متسع من الوقت لهذه المحاوره

وانك تسمح لي بالاستفاده من خلال هالطاروق معك

واستلم ياستاذي:-


ســلام ردية(ن) تمشي على حسب المواجيب


-------------------- للمنتدى اللي مساره مايمــر به الطماني



واللي عرج بالجنازه ماترك حتى العراقيب


--------------------بالله يامحمد القعبوبيّ وش علم الزمانــي

أررررررحب ياسيف ...

الله لايهينك أنت أستاذنا يا عكاشة ... الله يرفع مقامك ونتشرف طال عمرك ..


أستلم يا ذيبان ..




يامرحبا يا عكاشة وانت ما تحتاج ترحيب

.................................... راعي محل ونداوي من وسيعين البطاني



يجوز يا صاحبي بعض الزمن يحتاج ترتيب

.................................... لكنّ ماأدري عن اغيوب الزمان الشقلباني






خلوووووها يا ذيبان

البقاء طال عمرك 000 ولا والله تنت استاذنا والعين ماتعلى على الحاجب


واستلم لاهنت


دام البقاء وانت لاتخلف طريق السبع والذيب

----------------- ذب الخريمه وخل البال لسهيل اليماني



والعلم في دبرتك وانته من اكبار المعازيب

-----------------اهرج معي لا تجيني بالجواب المشبهاني

.........[تم تعديل الموضوع من قبل عكاشه بتاريخ 01-05-2002 الساعة 12:20 PM]

أنا على خبرك البارح وخل الشك والريب

.............................. يا صاحبي لا توصيني على بعض المعاني




هذاك قبل أترك الحارس وبيبان السراديب

.............................. واليوم تاخذني الشرهه ولا تبرح مكاني

ماحسّــتك هرجتي ياكود ناوي لك هناديب

------------------وان قاله الله معك ماعودت عشري ثماني


قلي من اللي سرى فالسالفه غفله وتهريب

------------------الشرح طوّل وعلمك ياعميلي ما شفاني

لا والله ألا نبي نعطيك بندق يمكن اتصيب

.................................... بالله قلّي وش آخر طب للسحر العماني




لو أنّي أدري فلا أخفّي عليك ووضعك اصعيب

.................................... راح الذي راح والموجز يجي عقبه بياني

قدام اعلمك قلي وش سبب قصر الاشانيب

------------------واللي تدور علاجه فـأيتين من القراني


هذي مصيبه مادام الورث صارانهيب واذهيب


------------------- والمشكله فالوكيل يقول مدري يافلاني

الظاهر أنك تحسب أكثر الترغيب ترهيب

.................................. عصم الشوارب تحاما دونها ربع وعواني




الله يحسن عزاك وعاضك الله يا تريحيب

.................................. لا عاد يلحق شك بوقتنا وتصير جاني

استاذي محمد القعبوبي 000 تعمدت اتاخر شوي بالرد خاصه بعد ماقريت ردك على قصيدتي في المنتدى الثاني وقلت ارد الان انشالله غيرت رايك هههه

<<===== الطالب هذا جايب دروسه ودفاتره ومساطره وكل شي وجالس باول طاوله بس المدرس شكله عصبي >>>>>

لكن الله يستر واستلم ياستاذ


انا احسب انك تعصب العود فالميراث ياصحيب

------------------ وانا اجهل الغيب ما اعرف غير منطوق اللساني


مانيب اجنب بعد وصلت ليا صفق المشاعيب

------------------يالفارس اللي لقيته فالشدايد مايداني

ماااشي يا ذيبان وأستلم



لاصرت دايم تحسب أنّي فلا ترسل مناديب

................................. لاجاك مرسولنا تحفّ به وأمل الصياني



نصيحتي لا تقاشرني ترى الدنيا مكاتيب

................................. وألا المواجه حقيقة تلتقي مع شخص ثاني

اللييييييل الظاهر انه حطني في راسه وبيادبني000

<<=== يستاهل

استلم ياستاذ
بسم الله


ان كان مندوبنا ماله قبوول ولا محاسيب

-----------------ترى سفيرك حجزته ما اطلقه غير بضماني



الشك زايل واعرف الجاونيه وازرق الطيب

---------------- يالربع واللي يعذرني000 نصحته ويعصاني

لاهنت طال عمرك ... والله أن اللعب معك ممتع يا عكاشه

بيّض الله وجهك

والجايات أكثر أن شاء الله

تحياتي

تسلم ياستاذ وهذا من طيبك وكرم اخلاقك طال عمرك

وانا كسبت المتعه والفايده منك وعسى الله لايحرمنا من الرجال اللي مثلك وشرواك اللي اذا قربتهم ربحت اما شي جديد تتعلمه او ذكر طيب

وكثر الله من امثالك ياستاذي

تقبل تحياتي وتقديري