مطر صيف _ ياولـــد عــبـــس

صباح الخير يا ابو فرحان


واستلم لاهنت


ياكريم السبـال وياصدوق الوعود

=========== أبتدت طرقة المعنى وطاروقها




عند مس الحزام وعند قدح الزنود

========= منهو اللى تحت بقعا ومن فوقها


ــــــــ

مرحباااا يابو براك وصبحك بالنور والعافيه ... الله يعينا عليك؟!




ياوسيع البطان ويالخويّ الصمود

............................... أكثر الناس ممشاها على ذوقها



مايخلّي رفيقه غير رجلٍ شرود


............................... وأنت خلك من الأموات وطقوقها

الله الله يا محمد


استلم



من يعقد الحبال ومن يفل العقود

=========== لا غلا سوقها والا رخـص سـوقها




في مصر يامحمد ماتشيخ الهنود

================ مصر ماشاخ فيها غير فــاروقها


ـــــــــــ

مثل لون الاسد لا صار بين الفهود

................................ والحقيقه عجزت أميّز اشروقها




رزق ربّي تعيش ابه العجم والزيود

............................... والزمن ممتلي بالارض وشقوقها

ياسلام يا ابو فرحان والله يعينا عليك


استلـــم



منهو اللي رمى نفسـه وبـاح السدود

=============== لين نفسه من السرعه دنا عـوقها



من يصحـي قلـوب العالمين الرقــود

=============== الذبيـحه علي النيبــان معلـوقها


ــــــــ

وقفة الضلع ماهي مثل وقفة نفود

................................ ياسعد لا تشككني بمنطوقها



مايغر الفطين ألا عيال القرود

................................ حلل الذبحة اللي تشهق اشدوقها

لو نعلم قليل العرف مافيه فود

============= ماتحب العشيقه غير معشوقـها




ناقة امسيلمه لقحت وجابت قعود

============== والعشيّـه مدامعها علي موقها


ــــــ

الله انه يسامح دمعتين الخدود

................................ التامسيح شفقانه على بوقها




البلا كان ماصارت ولودٍ ودود

................................ لاترجّا سلالتها ومرزوقها

بعض الاجواد لامنـه تعدى الحدود

================== ينظر لـ قلتـه ويحسّــب فلوقــها




ماعلينــا ليامنا رقينا سنود

================= باقي أهل الحقوق تخلص حقــوقها



ــــــــــــ

شايف اخوه صار ابعير لكن هبود

................................. لين تكسر عراقيبه وسمحوقها



دايم الرجل لافكّر بزول العنود

................................. يتركونه خيار القوم بشنوقها

والله إن الحجج مثبته بالشهود

================ لو تحن الرعود وتبرق أبروقها




بعض الأحيان ماينفع كثير الصدود

================ يامحمد يدين الناس وحلوقها


ـــــــــ

لو قبلنا الشهادة والمواتر قصود

................................ ضيعتنا بعاتقها ومعتوقها




يوم شفت الملازم صار ضمن الجنود

................................ قلت لا عادت الحذفة وطابوقها

الحسـد يامحمـد في عيون الحسـود

=============== بس هــاذى عبـات إغليـص وأفتوقها




بعض الأيام بيض وبعض الأيام سود


============== والبلا في كبود الناس وعروقها


ــــــــــ

لو تذيّرك عين اللي يعد النقود

............................... كان ماصكته بقعا ومطفوقها



يابخيص الليالي لا يصيبك جمود

............................... أصلح النيّه اللي ضاعات ارموقها

ابو فرحـان صح السانك ولاهنت يالقرم

وشكراً علي رحابة صدرك لعبت معك وأستفدت منك لاهنت


تقبل التقدير