شاعر وشاعر

يااهل النداوي لويضيق الجو من كثر النجوم

ــــــــــــــــــــ النجم ابو نور يشعشع ينعرف من مطلعه


شاعر مثل سيف الضفر يعجبك في وقت اللزوم

ــــــــــــــــــــ وشاعر مثل بندق سعد على الزريب موضعه

أررررحب يابو هادي وعساي ماأخطيت الرمعه



ياأهل النداوي دامني غنيت مع قرم القروم

......................................... شيلوا طواريقه معي وألا طواريقي معه




اللي يسافر برمضان أرخص الله لايصوم

......................................... وأنا وأبو هادي نبي نقضب طريق المجمعه

ارحب يابو عبدالعزيز ومن العايدين ونتشرف بخوتك



يامحمد الشـوف الرفيع اللي عن السفلا يشوم

ـــــــــــــــــ ماعاد يشـوف من النجوم الا ثلاثه واربعه


مادمت مسئول عن التطويف في حج القدوم

ـــــــــــــــــ فالمحرم اللي ما معه تصريح ودي تمنعه

لا عدّو العربان طيّب لازم تعدّ الرخوم

.................................. والوقع لا شفته بعينك غير عمّا تسمعه




أبشرك في صالة الركاب معطى ومحروم

.................................. وأنا من البارح لعلمك ماأعرف ويش سنعه

الباني اللي يتبعه هادم عماره ما يقوم

ــــــــــــــــــــ وش عاد باني من وراه امية وكل بمقلعه


اما يبادر راعي المركب بسداد الخروم

ــــــــــــــــــــ والا بيغرق ثم تعداه اليخوت المشـرعه

المشكلة لاصار يطلع لك من اخوانك خصوم

.................................. وتصير مثل اللي بنى بيته على راس اشمعه




تبغى الحقيقة من تعده من قويين العزوم

...................................... لا ماعليه اخلاف والطماع يذبحه اطمعه

غازي القصيبي يوم نحي عن عمل حزب العموم

ــــــــــــــــــــ مدري تركها بالرضى والا العمامه تتبعه


مااقول غير الله يعلي راية اكبار القسوم

ــــــــــــــــــــ واللي يبي يطرح علمهم جعل ربي يقمعه

لا وألا له سياسة تختلف في كل يوم

.................................. وأعوذ بالله من صواديف الليال المسرعه




الله يجيرك يابو هادي من لواهيب السموم

..................................... عزالله أنك تبخص زناد الأمور وتقطعه

ابوعبدالعزيز صح الله لسانك واعتذر عن القصور والتاخير لان الطاروق كامل اتابعه من المقهى لان خط الهاتف مقطوع عندي موقتا

واعصب راسك للطواريق الجايه

صح بدنك ولاهنت يا ذيبااان

يرفع

الاخوين عبدالله ومحمد 00

اسمحولي ارفع الموضوع معكم