الي يبا يالعب الموال 000 ياهل المواويل غنوها

هلا يابو مطرف واناشاكر لك كل كلمه قلتها 00 لكن تاكد ان كان مافي كلامك مجامله لي 000 فالجزاله والثبات ناتجه لكوني العب مع شاعر فذ ومتمكن وطبيعي ان اي واحد طال عمرك يبي يلعب معك ماراح يخسر وحده من ثنتين ياتميز يافائده يكتسبها واعتقد اني كسبت الاخيره وهي الفايده من اللعب معك وهذا ما اسعى له معك ومع اي شاعر العب معه واسف على الاطاله ولكن استلم ياعم


اللي سمع فالمناشي رعود 00000لايعتقد فالمناشر عود

الغمر منشر وناشر عود 00000 ياهل المواويل غنوووها


مايجض الولد لو شاف له دم هارق

--------------------- ولو تثقل كلامك حاجة(ن) لي مفيده



ضاعت المعرقه يا حيسفاء بالمعارق

----------------------والشكيمه غدت من كف كانت جويده

[تم تعديل الموضوع من قبل عكاشه بتاريخ 01-04-2002 الساعة 06:37 AM]

اخي وعزيزي



الشاعر عكاشه

تحياتي وتقديري

اظن مالي معنا غير ماقريت وفهمت وكل كلمه تبين معناها

الجزل جزل يالقرم

اما من ناحيت الي اقول بعلمكبه في اخر المحاوره فأنت

دعست القاف









تسلم علمان ان القافيه الاولى صعبه ماقصرت وماشالله عليلك


تقبل تحياتي

والله يعطيك العافيه واسمحلي ان بدر مني خطاغير مقصود تحياتي مكرره لشخصك الكريم


وانتهت

وصح السانك وبيض الله وجهك
[تم تعديل الموضوع من قبل محمد الحبابي بتاريخ 01-05-2002 الساعة 01:49 PM]

هلا والله يابو مطرف

وانا لي الشرف اني العب واستفيد منك طال عمرك

ولولا الغلط ما عرفنا الصح

واتمنى ان تبين لي القاف اللي انا دعسته وابشر بالديه طال عمرك واذا انت تقصد (( شارق))

فانا لي مقصدي يوم اجيبها وانت لك مقصدك انت تقصد النور وانا اقصد شرقة الحلق بالماء وغيره

واذا انت لك قصد غير شارق ليتك توضحه والفايده ياطيبها من مثلك وشرواك

والاسف ماله داعي ياخوي والشك زايل والدعوى سعة صدر والحمدلله حصلت واتمنى انشالله انها تكرر معك وهذا لما لمسته منك من طيب ورزانه ولاهيب غريبه عليك وابرك ساعه

لك تحيات تلميذك/ سيف السيف

اخي عكاشه

تستاهل ومبروك عليك وتستاهل تفوقت علي بعد توضيحك وهو شارق


وانت تساتاهل كل علم غانم بصرحه انت رجل تعرف كيف تتصرف مع المواقف وذو صدر وسيع

وحقيقه
ان طبق عليك البيت هذا ولم اعرف القائل


رعي الحم يكسب حجتيني

0000000000000 كسب الجميل وياخذ الحق وافي


وتستاهل الطيب

مثل ماقلت

المجد لهل المجد ماجابلاثمان

0000000000000000 المجد صيد محرمين الظعافي


تستاهل ياسيف


اخي وعزيزي

وافي ولا عليك اقصور شاعر متمكن


الصراحه

اعجبني موالك

الي فيه

الي سمع في المناشي رعود


ياسلام عليك كيف توضف الجمله ياسيف

وكفووووووووووووووووووووو ملايين مره


تقبل تحياتي واعترافي ليك

كون اني استعجلت على الرد

وحسبتك الغلطان وانا الغلطان


تستاهلها والوعد قدام انشالله

اخووووي / ابومطرف

الله يسعد ايامك واذا انا وصلت لشي فصدقني انت اللي وصلتني له

وانت اللي ابدعت وحلقت في سماء الابداع ولا قصرت ماخليت خويك رفعتني معك

واللعبه هذي جعلتني احرص على متابعتك اكثر لانك لا تكتب الا ماهو نابع من صدق بدون تحريف وانك ايضا تملك ثقه في النفس ماشالله عليك

وبالنسبه للوعد قدام يسرني هالشي وهذا اعتبره رصيد من التزود بالمعرفه ولكن موجل ولكن اعتبره انا رصيد لي بما انه مع شاعر بقامتك وقوتك

شاكر لك وتقبل من اخوك تحياته وتقديره لجنابك