مطر الروقي يعود من خارج المملكه

الغالي/ مطر

كل عام وانت بخير

والحمد لله على السلامه


واستلم




على الخطوط السعوديه وصل فالمطار





------------------- من رحلة اسبوع واكثر خارج المملكه




الرائد الشاعر الروقي مطر باختصار



------------------ وابشره مالقينا خصــــــــم فالمعركه



-[تم تعديل الموضوع من قبل ناصر النفيعي بتاريخ 12-28-2001 الساعة 06:01 AM]

العزيز/ ناصر النفيعي

وانت وكل الاخوه الاعزاء .. كل عام وانتم بخير وصحه دائمه

استلم.

عندي ديار السعوديه هى اغلا الديار

.........واغلب علوم الصحافه كلها فبركه

ماغير الاسم الصحيح يعارض المستعار

.........ياللي تبشر عن اللي صار فيك بركه

الاخوة النداويه الاعزاء ((كل عام وانتم بخير))

الاخوان ناصر ومطر يعطكم العافيه ومن العايدين

الاخ العزيز مطر الروقي الف الحمد لله على السلامه وحياك الله بين اخوانك النداويه شاعراً مبدعا خلوقا متميزا في مجال الشعر


اخوكم/عبدالله الشهراني

عاش الفهد والسعودية رخا وازدهار


------------------ ماني عضو في فصول القصة المضحكه


معاد فيها يبا المجنون يدخل شهار


---------------- ما دام هلت سحايب سالت ام تــنــكـه







.

الاخ العزيز/ عبد الله الشهراني

الله يسلمك ويبارك فيك......ماعليك زود

اخوي....ناصر .....استلم

صحيح مانته عضو مشرف وشبيت نار

...........ياناصر استهد بالله والعناد اتركه

فى ذمة الوقت ياناصر مافات القطار

...........وان فات احد شي بكره بيننا يدركه

هلا وكل عام وانت بخير اخوي عبدالله الشهراني


واستلم يامطر





ياخوك ماضاع قسمي مع طوال العمار



------------------------ وشلون بعض البضايع مالها جمركه



راحت يمين ورفيقي راح عنها يسار




----------------------- كم يبعد ارهاط كيلومتر عن مدركه





----[تم تعديل الموضوع من قبل ناصر النفيعي بتاريخ 12-29-2001 الساعة 03:51 AM]

هلا....ياناصر..واستلم

فى طاش ماطاش وش دور الممثل هزار

..........لكن ليا شفت خشم(ن) به عرام افركه

خلاص حجزي مؤكد بعد كان انتظار

......... قلي وش العولمه واقول لك امركه

خل الجماعه يشيلون اغنية زنجبار



--------------------------- انا اعرف اهداف سامي نصها دربكه



لولا الكريم الزعيم تشوف رد اعتبار



--------------------------- ربعك عتيبه تسوق الرجل للتهلكه






-----------[تم تعديل الموضوع من قبل ناصر النفيعي بتاريخ 12-29-2001 الساعة 03:46 AM]

ياناصر الوضع مايحتاج فيه انحدار

.........كم واحد ماعرف سلمه ولا مسلكه


لاتخبط الارض برجولك يثور الغبار

......... اخذت حقك وحق الناس ماتملكه

اكيد والناس ماتجهل وتعرف ماصار



---------------- احدن تعشى جمل واحدن عشاه اسمكه



ايام وتبين للعربان شمس النهار



----------------- الدرب قدام واترك زايد الفذلكه


------

ياناصر الحلم طيب والحياه اختبار

...........والله يبارك لصياد السمك بشبكه


ان شفت لاعب مميز سو عقد احتكار

...........ماكل لاعب يمثل دوره ويحبكه

الحمد لله على السلامه - يا مطر الروقي


وهات الغنايم

الله يسلمك اخوي.....حسن الدوسي

وابشر بالخير.

تحياتى لك.

اخوي/ حسن هلابك


واستلم يامطر


بواردي ياولد روق وحكمت العيار




---------------------------- بالعون يالروقي انك شاعر التكتكه



اصدر قرار الفصل يالريئس المستشار



---------------------------- زايد عقوبه ، وخشم اللي زمر نفركه






-------

الشاعر الفذ ناصر النفيعي

الشاعر العذب مطر الروقي

الله يقويكم ويعطيكم العافيه شعار وجزلين ماشالله عليكم

مطر الروقي الحمدلله على السلامه ولاتعبت ياولد روق

وانا ادري انها جت متاخره لكن احسن من اني اتركها ما اقولها

لكم تحياتي والله يعينكم على هالقاف الصعب