يابن هادي ماجهلنا نظام الاحتراف.

القدير/ عبدالله الشهراني

السلام عليكم ورحمة الله وبركاته.....واستلم

يابن هادي ماجهلنا نظام الاحتراف

..........منتخب شهران من وين جاكم كبتنه

شفت قافك للنفيعي وجاب القاف قاف

.......... وانت جيرانك قحاطين وانشدهم عنه
[تم تعديل الموضوع من قبل مطر الروقي بتاريخ 12-04-2001 الساعة 10:03 PM]

الاخ مطر الروقي الله يحييك والمعذره توني والله اشوف المحاورة لاني انقطعت مده والسموحه



يالعتيبي كلمة الحق مافيها خلاف

ـــــــــــــــ والحقيقه شمسها ما تغطى بينه


عان قلب ادفاعكم في بداية لكتشاف

ـــــــــــــــ لاعب مع فريق البقوم ونضــمنه

هلا وغلا.....اخوي عبدالله....سعيد بعودتك....واستلم لاهنت

مانقول الا الحقايق وبقلوب نظاف
.........هات برهانك وانا علمي لك ابرهنه

الحباب تقول معنا ياشهران اعتراف
.......... روح للحمره وتلقى بقايا مسكنه

يامطر لو كل دولة بها المنتوج كاف

ــــــــــــــــ كان شفت الماس ما ينتقل من مكمنه


عندك القيدوم ساتر مرمية الغداف

ــــــــــــــــ موطــن الكرزان ياطير شلوى موطنه

مرحبا فى مرحبا

الشاعر مطر الروقى صح لسامك ومحاورة قمة يامطر وانت راعيها..

الشاعر عبداللة الشهرانى..شاعر بحر وهو راعيها بعد..وترانى نشدت عنك يابن معجب لانك ابطيت علينا بالجواهر الثمينة وهذا دليلى على ذلكhttp://www.nadawi.net/vb/showthread.php3?threadid=6050

الحمد للة على السلامة..

الصفوف حامية


الشريفى

اخونا.......الشريفي.......حياك الله ولا عليك زود يالطيب.

اخوي.......ابوهادى اعذرنى عن التاخير....واستلم

ماسنا من دارنا ماخذيناه اختطاف

........ومن طلع فى داره الماس مارخص بثمنه

المضاف اليه يتبع الى الفعل المضاف
...........والاسامى تشتبه باختلاف الامكنه

الاخ مطر الله يسعد مساك

اكتب الرد هذا بعجله لان صاحب المقهى يطلب مني المغادره الان

لان خط الهاتف انقطع عن المنزل يوم امس ومثلك يقدر واعدك باكمال الطاروق قريبا حيث لم استطع الرد الا على الاخ باقي في الطاروق الاخر

شكرا يامطر

ويش رايك تنتحي بالسفينه للضفاف

ــــــــــــــــــ قبل يطلع في تروس المحرك حنحنه


في زمان اللي رسى كورهم فوق الشعاف

ــــــــــــــــــ صل فرضك يالعتيبي بعد ماتـــذنه

اسلتم يامطر والعذر والسموحه على التاخير الخارج عن الاراده




ويش رايك تنتحي بالسفينه للضفاف

ــــــــــــــــــ قبل يطلع في تروس المحرك حنحنه


في زمان اللي رسى كورهم فوق الشعاف

ــــــــــــــــــ صل فرضك يالعتيبي بعد ماتـــذنه

هلا.....يابو هادي....ومعذور..واعذرتي لو تاخرت.


كان طوفت الثقيله مادورنا الخفاف
........لايجي فى خاطرك شك والاكنكنه

ماتضيع حقوقنا دونها حد الرهاف
........نعتصم بالله عن اهل الشرور ونزبنه