الراحل / مطلق الثبيتي (2)

هذه المحاورة جرت بين الشاعرين مطلق الثبيتي رحمه الله وصياف


الحربي بحضور صاحب السمو الملكي الأمير سلمان بن عبد العزيز يحفظه الله



صياف/
ياسلام الله ودار العز مرفوع علمها


.......................عقب شعشع نورها والظلم حال العدل دونه



الثبيتي لو اقول اقسم عيونك ماقسمها



......................والتفت فيه بنظرة حسد ويطير عيونه

مطلق/



يحفظ الله الجزيرة والشجاع اللي حكمها



.......................مثل قصر ثابت السيسان واخوانه حصونه



صاحبي صياف ينهبها وياكلها بدمها



........................ليتها ماتاصل الحنجور تنشب في سنونه

صياف/


المطية ماتقاود غير مع رجل خطمها



........................لو يضيع خطامها من طردها كثرت غبونه



انت اشوفك تفرس الصيدة وتاكل من لحمها



........................ والخوي لاضيع القانون قاموا يشمتونه



مطلق/


المطية خلها في الدرب لاتكتم نسمها



.........................واحترص من غضبة الجمال لايضربك شونه



كل حية سمها في بطنها سديت فمها



................... وان لقيت الوعل ابو قرنين اطقه في قرونه



صياف/


اكثر العربان يلزمها وكنه مالزمها



.......................ثم راح من الزعل يمشي ويقطع من ردونه



انت مثل العقرب اللي تخلع الناس بوحمها



......................مار جاها قاريُ شاطر دهنها من دهونه

مطلق/



ماعليه من عجوزك كان ماضوت غنمها



....................... وان زعل صياف جعل اللي وراه يحول دونه




امس يبني عشته في الضلع واليوم يهدمها



........................ والهبايب ماتهبه والطراقي مايجونه



صياف/


الله انه ينصر السنة ويظلم من ظلمها



......................... والعرب مايطحنون الحب لين يفتشونه



لو تشوف العشة اللي صاحب الخبرة حزمها



..........................فوق ضلع كل ماطاح المطر تثمر غصونه




مطلق/


الآشارة فآخر الشارع بصدامه صدمها



..........................الونيت اللي قديم وكل يوم يوظبونه




المنايا ياوسيع العرف مايخطي سهمها



............................ مارخلك صالح النية وعمك لاتخونه




صياف/



القلوب العمي خل الذيب ياكل من شحمها



.......................... والونيت اللي يسوقه صاحبه لاتقربونه





ليت بقعاء تلمس الرمضاء وتاكل من قدمها



..........................وانت يابو راس راسك ماتغير عن متونه

مطلق/




العيون اللي تهل دموعها منهو لطمها



...........................لو عرفته كان خليت الجماعة يحبسونه



المطية يوم ريض مشيها محد( ن ) نهمها




........................لو نهمها كان تاصل مطرح (ن)ماتاصلونه




-------




ــــــــــــــــــــــــــــــــــــــــــــــــــــــــــــ

البريد الالكتروني

mansuri70@hotmail.com

سلطان المنصوري

[تم تعديل الموضوع من قبل ناصر النفيعي بتاريخ 12-04-2001 الساعة 12:43 PM]

لاهنت ياسلطان ... وبيض الله وجهك وعساك على القوة ..

الخي وعزيزي سلطان المنصوري

بعد تصفح

هذهي المحاوره الرائعه


الذي من شعار أروع
اطال الله عمر صياف
ورحمة الله علي مطلق
واسكنه فسيح جناته
واموات المسلمين

واعطاك الله العافيه


وصح الله لسانك


وتسلم على

هذهي الهديه يامبدع

شكراً للأخوان عبد الناصر العتيبي ومحمد الحبابي على التعليق الطيب, الذي ان دل على شيء فانما يدل على اهتمامهم بالشعر والشعراء

ــــــــــــــــــــــــــــــــــــــــــــــــــــــــــــ


mansuri70@hotmail.com

الاخ سلطان

1
عشت ودمت على هالاختيار لهذه المحاوره الرائعه

2
لي ملاحظه
(العيون اللي تهل دموعها منهو لطمها )
ربما تكون
(العيون اللي تهل دموعها منهو قد لطمها)
خطأ مطبعي يحول دون استقامة الوزن

اذا ماكنت مخطى

ودمتم جمبعا

الاخ داهم العصيمي

شكراً على الكلام الطيب

والبيت الصحيح هو( العيون اللي تهل ادموعها منهو لطمها )



وشكراً على هذه الملاحظة