يــــاخيـــــّــــال الــــــــدهّـــــــمـــــــا..!!

استلم ياولد عبس


في زمان غدى المعروف نصف امعروف0000 والعصافير ينبت ريش جنحانها



قولو لراعي الدهما يمر ويشوف 000000كيف خلت عيال العود عدوانها

حي ذا العين والدنيا رباعن نصوف

................................... والحجر في يدي وأبشر بنيشانها


العرب فيهم الماكن وفيهم ضعوف

................................... والوجيه الطليقه دون ورعانها

كل ما قلت لك ويش فيك قلت الظروف0000وقلت ويش الظروف وقلتلي عانها




من يعدي بقيق يشوف نخل الهفوف00000والرجال ومجالسها وشيبانها

الله أكبر على عيفان قبل امعيوف

.............................. كيف تغرق سفينه وأنت قبطانها



من حيي بوجه طلق جوه الضيوف

.............................. والكرامه تقدم حسب ضيفانها

المسارير ماتجهل فعول القروف00000ماتعز الديار الا بسكانها



اضعف ضيوفنا نذبح لعينه خروف000000والمواقيف تعرف عم عمانها

راعي البندقيّه غير راع الكفوف

.............................. يحتمى وقفة أهل الطيب طربانها


خابرك قبل خمس أيام قدم الصفوف

.............................. مير وش غيّر الشيله وقيفانها

ماتزحزحت والعالم جلوس وقوف0000واحتمي دون راضيها وزعلانها





مانحب اليدين ولانحب الكتوف0000بين برد الجنوب وقيض صمانها

بارك الله بوجيه القنا والسيوف

.............................. تمّها قبل فاضيها ومليانها



والله أني طرالي عن زماني عزووف

.............................. سالفة عام الأول وين ديّانها

ان زعلنا تبى تزعل معانا الحلوف00000وان رضيناوسمنا النوق باذانها



كان يبغى يطوفها وعيت تطوف00000خبز يدي عجينتها وعجانها

لا كفاك الولي شر العرب والصدوف

................................. خل جدرانها لا شفت بيبانها



وبر حمّ الذرا ماقالوا الناس صوف

................................. يابن حمري تراي ابخيص بألوانها

مايعذرب فعول الكفو غير الهطوف0000فند الحجه اللي غاب برهانها




ابن لادن من الصكه حمته الكهوف0000والشعب بيد دستمها وربانها

كل ذي نعمتن محسود مدري طيوف

............................... ما نفع بالسقيمه غير سفهانها


عل من لا تعب قالوا تعبك امخلوف

............................... لين تبرك ذلول القوم بأرسانها

انت من شلة الحلوين ولا الجلوف؟00000يا مضيع توعدها وغفرانها




الهلايم لياضاقت000تدق السلوف0000واستوت عند لابسها وعريانها

انت تعرف خويّك يا كثير الحسوف

.............................. الفتول العريضه عند عصمانها



والله أنّّه على جدّي زمان الكسوف

.............................. مثل ماقيل أعلقها بكرعانها

ناس تمشي سهال وناس تطلع جروف0000وناس نخسر عيال الناس من شانها





مر عبد اللطيف ومر عبد الرؤوف00000 ومرت اللي تسير صوب جيرانها