فيصل الرياحي يقود حرب داحس والغبراء ضد الشعراء الشباب

مرحبا باللي حضر فى حفلنا بسم القبيله


.........................ياهلا بضيوفنا اللي شرفوا قاصي ودانى

يارجال العرف والله مانجيب الا الجزيله


.............................شاعر من مدرسة شعار ولسانى حصاني


البقا يالشاعر المعروف والليله فضيله



...........................خلها بينى وبينك والمعانى بالمعاني

يالله انا يالله انا طالبينك بالجميله


........................قدمك الميدان مير احذر لعثرات اللساني

مطر



يالرياحي عن كثير الهرج يكفينا قليله



.............................لو حبيب غاب تبشر بالعوض فبن سناني

كل تاجر حين يغلا السوق معروف حصيله


..............................وابشر انا مانجازي راعي العشر بثماني

فيصل


مير ابشرك انها سهله تجى بحسن وسيله



..............................من عطاكم من كنوزه قبل يعطيكم عطاني

المثل يطلع مثيله والولد يطلع بديله


................................لا تجزع لاتجزع من تصاريف الزماني
مطر



ياوسيع العرف مامديت لك يمنا بخيله



..........................اشرب الفنجال من رسلان هيل وزعفراني

يالرياحي من صروف الوقت مافي يدك حيله



..............................والكلام اللى تقوله مايبيله ترجمانى

فيصل

فيه موتر مع زمان الفين متغير موديله



............................مابقيله غير رفرف طاح من دون المحاني

لو يوقف في حراج السوق كم عين تخيله



............................ولو يجرب ليل قالوا وش نبا بالدردعاني

مطر



يالرياحي من يخلي واجبه واعزتيله



...................................ولا نجازي راعي الاحسان ياكود بحساني

ومن عنا من شاننايابو بدر لزم نعنيله


..........................وانت فيك الخير يارجال دور علم ثاني

فيصل

ياحليل الشاعر اللي وجهه ابيض ياحليله



...........................ان نطحته ماقفيته وان نطحنى ماقفاني

الدروب طوال شد الحيل ياراع الاصيله



..............................لا توخر من توخر ماوصل هاك المكاني

مطر


ياحليل الشاعر اللي يوم كال اوفى بكيله


............................يحضر الكسوه ولا منى ومرته ماعصاني

انت كنك ماتشوف الحصني اللي رز ذيله



............................وانت تعطيه الذهب وهوه يشيل الجبخاني

فيصل

لاتظن الا بخير ومد يمناك الطويله


................................ودي اسجـلك قى الدفتر واعدك من خواني

انت تدري ماش حصنى جا من اصحاب الفضيله



......................وانتم اللي صوتكم شاله وجاب له الجناني

محاورة بين زميلناالشاعر/ مطر الروقي والشاعر/ فيصل الرياحي 1421هــ











----------
[تم تعديل الموضوع من قبل ناصر النفيعي بتاريخ 12-07-2001 الساعة 07:42 PM]

أخوي الوافي / ناصر النفيعي



الله عليك ياخوي


منين جبت هالمحاوره




والله إنك داهيه





أشكر إهتمامك ياخوي العزيز




وعزالله مطر شاعر كبير في النظم والمحاوره




وفقك الله يابو بدر

اخوي العزيز/ ناصر النفيعي

شكرا لك من الاعماق على هذا الجهد ..وماتقوك به من اجلي يعد بمثابة التكريم....والتشجيع.

اشكر لك جهودك واتمنى..ان تقدم لنا ماتحتفظ به من محاورات لشعراء اخرين من الماضي..ومن الوقت الحاضر...لتعم الفائده المرجوه.

وخالص الشكر والامتنان موصولا للشاعر القدير/ فيصل الرياحي

والذي كان لي شرف محاورته....وكنت المستفيد بكل الحالات

فهو المعلم المتمكن.. والشاعر الخلوق المتواضع..وما رايه الا تشريف لي ..وشهاده غاليه من ابو بدر.....لا عدمناه

وتحياتى للجميع..

الاخ الغالي العالي ناصر النفيعي

شكرا لك واناخوك على هذه البادره وهي بادره المنتدى بحاجه لها

اما هذ الحاوره فهي في القمه بوجود شاعر علم مثل فيصل الرياحي

وشاعر كبير مثل مطرالروقي

شكرا لك مرة اخرى واناخوك


تفبل خالص الحب والتقدير.....................(((لاعدمتك)))



............................................خالد العتيبي

[شفق]

الاخ ناصر النفيعي


هذه المحاوره تعتبر اختبار حقيقي لشاعر ينتظره مستقبل مشرف و مشرق في ميادين الفخر وهو الشاعر مطر الروقي

ويكفي من الفخر ان يكون شاعر ناشئ مثل مطر قد قابل احد رموز شعر المحاوره في الجزيره والخليج وهو الشاعر فيصل الرياحي
والذي يعتبر احد اعمدة فن المحاوره .


تحياتي لك


شفق

الحقيقه محاوره رائعه جدا من شاعرين لهم مكانه في شعر المحاوره

فيصل الرياحي احد اعلام شعر المحاوره ومطر الروقي شاعر له مكانه

كبيره فهذا الشاعر الشاب له صولات وجولات مع عمالقة الشعراء

في المملكه والخليج فلقد حضرت لهذا الشاعر عدة محاورات كثيره

هذا في المحاوره ولقد رايته علي شاشة التلفاز وهو يلفي قصايد

ارتجالبه امام صاحب السمو الملكي ولي العهد وكذلك صاحب السمو

الملكي النائب الثاني لاكثر من مناسبه فهو شاعر نظم من الدرجه

الاولي هذا ولا تربطني به اي علاقه ولكن مجرد اعجاب بهذا الشاب

الشاعر المبدع مطر الروقي وليس كما قال الاخ الشاعر شفق انه

ناشي لقد تعدى مرحلة الناشي شاعر له مكانه في المجتمع ..

تحياتي لك يامطر الروقي .. تقبل تحياتي وتقديري