قرب قرب يا محمد القعبوبي .

الاخ العزيز محمد القعبوبي ... اتمنى ان تحاورني وكما قالوا

منكم نتعلم



ياسلامي من ضمير هواجيسه تفوح

--------------------------- والعلم مرفوع والطيبه في سوقها



يا محمد قول لي وين تبغانا نروح

-------------------------- الهنوف ام الجدايل تبي معشوقها
















ابنك / سعود العتيبي
[تم تعديل الموضوع من قبل سعود العتيبي بتاريخ 11-30-2001 الساعة 03:04 AM]

مرحبا باك طال عمرك .. أبرك الساعات



مرحبا بك يالعتيبي وأنا والله نصوح

.................................. نوب لكن نيّة الخير مأقطع توقها



خايف أضحك وألا أبقولك سوق الطروح

.................................. وأنت ابن عمّك حبيّب ولا هو شوقها

أرحــــــــب ... يابوي


واستلم الله لا يهينك



ان نزلتوا بالوطا وان طلعتوا بالسطوح

---------------------------------- الرجال اهل الوفا ما تضيع احقوقها



عوذ الشيطان واقنع وسدك لا يبوح

---------------------------- وانت راعي شجرةٍ راسيات اعروقها

هلا يا سعود المعذرة ياخوك على التأخير تمنيت أنا ننهي المحاورة بوقتها لكن والله أنّ جهازي خرب قبل أمس ورحت سويت له فورمات وكل ماجيت أرد لقطني شغل الله لا يشغلنا ألا بطاعته لكن أيشر بالعوض يالغالي ...


وأستلم


ماعليكم زود والصبح يبغى له صبوح

.................................. وانت لا بهرت دلة لزوم تذوقها



ياسعود ابليس مصفود مالي منه شوح

.................................. عادتي ماأرد نفسي وأنا مابوقها

خلووووووهـــا


ما طلبت المد والعون من يمنا شموح

-------------------------- مير جعل كبودكم ما تزيد احروقها


انت هذي عادتك لارسوب ولانجوح

----------------------- تدعي بالحق مير العهود تبوقها



((((( مع احتراماتي الشديدة ))))))))))