سلامي سلام يمسك العاشق المحروم

سلامي سلام يمسك العاشق المحروم..يشده بحلقة ثم فالقاع يوميبه
وهو يحسبن امس الضحى مثل عصر اليوم..ترى كل ضلع ياعميلي عوى ذيبه

خلوها/
هلا مرحبا ترحيبةٍ تمسك الشغموم
.....................تعلق على متنه وفي الليل تسري به

انا ادري واعرف الحر واعرف طوير البوم
.......................وودي بصوت الذيب يا صاح ودي به

( يادافع البلاء )

هلا بوحيد والعاشق المحروم ... كذا ياوحيد بدون مقدمات ...لالا
مانسمح لك تري كل شيء ولا العاشق المحروم ....واستلم طال عمرك والسامعين.. بدون زعل .... اوكيه

هلا مرحبا والبيع ماهو بمثل السوم
................................ تركد وعاين في ردي السوق من طيبه

تري العاشق المحروم مايلحقونه لوم
................................توقع توقع جاك علمي وتدريبه


مع تحيات / بحــــــــــــر

تعرف الطيور اللي تنادا عليك تحوم...وترى الحر الاشقر يوجعنك مضاريبه
انا ماعلي خلاف لو يكثرون القوم....واناتاجر فالسوق والبيع ضاري به

الا يا وحيد اشوف كنه دخلك الزوم
.......................وحرٍ تقوله ما علي من مخاليبه
شويه شويه ثم يقال الك يا مرحوم
.......................واحملك حملٍ طول وقتك تزوزي به

علومك تعود كنهن فالمنام حلوم...كما النايم اللي كل علم يهذري به
وهي كانها بالشيل نرجد عليك رجوم..ترى الجرح لو صابك تكودك تطابيبه

[تم تعديل الموضوع من قبل وحيد بتاريخ 12-13-2000 الساعة 09:34 PM]

دلالك بدون بهار ياالساري المنجوم
.........................توقع وعان التمر ياهيه في العيبه
ولا هاب عنتر غير من واحدٍ عمعوم
.........................وبلشـنا بعمعوم العرب ويش اسوي به

[تم تعديل الموضوع من قبل العاشق المحروم بتاريخ 12-14-2000 الساعة 04:44 AM]

اشوفك تبي تلحق واظنك عليك ثلوم..وطول المدى للرجل يظهر عذاريبه
ولافيه ياعنتر زمانه عن المقسوم..وترى الكيف فالدلة تعرفه شواريبه

خذينا المكاسب وانتهينا وصح النوم
........................وكثر المشي للهرش يحفي عراقيبه
تطير الطيور وكل طيرٍ يدير الحوم
........................واحد جاك بالجزله واحد جاك بمصيبه

ولو تعتبر شاعر مميز وخذت نجوم...

[تم تعديل الموضوع من قبل وحيد بتاريخ 12-14-2000 الساعة 03:15 AM]

ولو تعتبر شاعر مميز وخذت نجوم...ترى ميزة الرجال كثرة تجاريبه
تطير الطيور ومكسبك بينها معدوم..وترى راس مالك مخطر الذيب يسري به

قطعنا البحور السبع حنا نجيد العوم
..........................وذاك الجبل حنا رقينا مراقيبه
وانا حافظ المكسب من الفيل ابوخرطوم
..........................وانااظحك على مثلك واوديه واجيبه

[جناح الليل]

- الشاعر ( وحيد ) والشاعرالمتميز (العاشق المحروم )
مساكم الله بالخير ##### والله يقويكم . [ تو- زان - اللعب ].
واسمحوا لنا بها الكلمة .......
عقب ما السما زرقا كساها سواد غيوم
.................وطاح البرد قبل المطر وامرها ريبة
واشوف الدعاوي كن تاليها فرك خشوم
................. ولنكان عظ اريام فاحفوا مناديبه

تبسم وتبكي قد نوينا عليك هجوم..وتضحك بعد بكره بسنين تركيبه
سبحت البحور وغصتها والهدف معدوم...كسبت التعب والهم والغم والخيبة

هلا والله بجناح الليل واسمع:
تغيم وتمطر بالبلد والبلد محكوم..ولو زاد وبله مايضيقن اداعيبه
ترى العارفه يمشي على خطه المرسوم..ولياك تنصح واحد كاثر شيبه