الـــعازمي وينك !!!!

ياسهيل نبغاك تطلع مطلع سهيل




---------------------------- وتسجل اسمك من كبار الا سامي




تكب مجـــلا ســــك اللي لاخــــر الليل




---------------------------- وتبطل الشيشه ودرب الغرامي

نـاصر كبير الاسامي والمحاصيل

=============================== هجرس وصوت علي الحر القطامي




الكيف ينصب في بيــض الفناجيل


=============================== عالى مقـامك وأنا عالي مقامي

ناديت بالصوت واتعبت المراسيل




-------------------------------- واثرك نائم مع الربع النيامي





تضحك مع حبيّب ان جر المواويل



--------------------------- وتضيق من بيت واحد للزلامي

ياكـثر ملقي علي ناصـر مداخيـل

============== يضيـع بين الأشــده والمسامي





أهــل المتاهات في دنيـا الغرابيل


=============== وانا خــوالي ياصاحبنـا عمامي

اخذت قسمي مع قسوم الرياجيل



--------------------------- اخير من واحدن جيعان ضامي




ســـلّم على محمد هضيبان بالحيل



------------------------- يراجع الصبح دكتور العظامي

مانيـب مسطــول وأعرف المساطيـل

================= افعــالهم بس في كبر الحــلامي



راجــع ملفــات وضعــك يآخـر الجيــل


================= عيونــك تشــوف بس القــلب عـامي


.
[تم تعديل الموضوع من قبل سهيل بتاريخ 11-25-2001 الساعة 10:09 AM]

اثنين واثنين فالشرق ومهابيل



------------------------- والخامس الله يعافينا حرامي





ترضى وانا ارضى من خشوم المعاديل



----------------------- الوجه الابيض مايغشااه الملامي

أثنيــن بأثنين والدنيــا تســـاهيل

========================= والخامس أنته وانا رجــلٍ نظامي



مازيّـن الدلــــــــة ام البن والهيـــل

============== رجـــلٍ لاجـــــا لازمه يرخ الحـــــزامي

الشرق ماهو بلي دار ومداهيل



----------------------------- ميّز كلامك وانا اميّز كلا مي




مافاد كثر الحكي والقال والقيل




--------------------------------- ياللي تخيل الحياء والبرق شامي

وجيــهكم مــــــدبره وإلا مقــــــابيل

============== ماودي أضحـك معــك وجــرح صيـــــامي



هالحيــــــن حلحلتــك عقــول الحلاحيــــــــل

================== تحيــــــة اللـــه عليــكم والســـلامي

ياجعلها قدمك مهود وتساهيل



----------------------------- مشكور ومجمّل علومك تمامي




ياسهيل وافي كريم وتذبح الحيل




----------------------------- لكن نعساان وش رائك تنامي

اليا حبلـــــت افهـــــم اخطط المحـــابيل

========== اللعب مــاهوب رمـي بـــــدون رامي





ركـــــابت الخيــــــل ماتــــــزل عن الخيــل

=================== يـــوم المــلاقي وفي وقــت الزحـــــامي

.. ابــو بــدر

صــــــح السانك ولاهنت


كان لى الشرف باللعب معاك والتعلم منك


ولاهنت .. والنوم سلطان




تقبل التقدير

فرصه سعيده

والجايات اكثر



تحياتي