سلام الله سلامن يشمل الحضار والزوار

السلام عليكم ورحمه الله وبركاته

ومبارك عليكم الشهر الفضيل

سلام الله سلامن يشمل الشعار والزوار

============= سلامن فيه من طعم العسل ولا احسن شويّه


ليا منك نشد ت الا د مى يقول انا محتار

============= وانا اقول الله الـعلاّلام بالاعمـال والنـيّّه

هلا والله بالحجازي . . .

وان شاء الله شهر مبارك علينا وعليك وعلى كل مسلم.



وودي العب معك . . . ومعرفة الرجال تجارة .




استلم :



هلا يامرحبا يا شاعرٍ تلعب مع الشعار

================= وانا مدري لو انك شاعرٍ عرضة وردّية












تبي تحتار ما تختار بين الغار والا النار

================ اشوف النار حيّة موقدة والغار به حيّة

الله الله يالشلاحى

ويشرفنى اللعب معك

واستلم طال عمرك

يدوم الك البقا والله عليم بخافى الاسرار

=========== لاكنّـــك لا تجــى مابيــن هاذّ يّه وهاذّ يه


وتصريف البضايع ياعميلى شغله التجار

========== ومن لاذاق حر الشمس مايشفق على الفيّه

استلم طال عمرك :



لقيت محاورتنا يالحجـازي شجـب واستنكار

=============== سوالف عبـر الانترنـت والشاشـات فضيـة





بعد جينا فـ سوق المعرفة ما نجهـل الاسعـار


=============== نبي نشـري معـك ونبيع والعملة سعوديـة

الله الله يا ملفى

واستلم لاهنت

اجل وش عاد تبغى يا عميلى حرب واستنفار

=========== على الشاشه ترا مافيه ابو عطفه وجنبيه


انا بنشد ك والنشده تراها تعنى استفسار

========== عن الى جابه الشيخ الحونشى للحونشيّه

الله الله ياملفى

واستلم لاهنت

اجل وش عاد تبغا يا عميلى حرب واستنفار

=========== على الشاشه ترا مافيه ابو عطفه وجنبيّه


انا بنشد ك والنشده تراها تعنى استفسار


========== عن الى جابه الشيخ الحونشى للحونشيّه

الا ياصـاحبي مايصلـح المسـرح بدون استـار

================= تعيّـن للستـار الزيـن والجابات مقفيـة




هدية والهديـة دايـم تعبّـر عن المقـدار

==================== قليـلٍ من كثيـر وباقيٍ حاجـات سـرية

يا سلالام يالشلالاحى

واستلم لاهنت

ترا ماتصلح الدله يابن شلاح دون بهاار

========= صحيح ان المزاج اقياس لاحرقه ولا نيّه



خلصنا منك يالموجز وباقى نشره الاخبار

========== ولن كانك معاك اسرار هيّا عدهّاا ليّه

الله الله . . . يالحجازي



استلم :

لسانك يالحجازي لا تنوشـه نار بن عمّـار

================== تحـرّص . . والرعيـة يا طويل العمـر مرعية




ياكبر المشكلـة ياللي تدوّر فالصحـاري فـار*

==================== تقـول الفار بيّـن ياجمـاعة فيـه ماريـة



*( فيه مثل يقول من عيّن الفار اللي بـ . . . خيط ) . . . للإيضاح فقط .

الله الله باملفى

واستلم لاهنت

توقع يا طويل العمر ملفى لا تشب النار

============= تجيـــك الناس يارجال خيالّه ورجليّه



بسيطه وانتظر تعرف وش الى يعمل الدولار


=========== تبا تطمع به الفقرا على حساب الغناويه

هلا . . . يالحجازي


استلم طال عمرك :



انا لو اعتـذر عن ماقفي ماينفـع المعـذار

================== لو انـك صحـت باعلى صوت للنـاس الحجازية




معـك بنـدق جديـدة والرمـي حامي بـدون عيار

====================== تبا تصتـاد ذيـب وعـوّدت صيدتـك سحليـة







اخوي الحجازي . . .

رد على البيتين . . . الله لا يهينك

وصح لسانك . . واعذرني عن المواصلة لاني باسافر اليومين الجاية لاداء العمرة ان شاء الله . . .

وبصراحة انك شاعر محاورة قوي . . .
الله يوفقك . . .


تقبل تحيات اخوك ملفي الشلاحي المطيري

لاهنت يا ملفى

وعمره مقبوله مقدما انشاء الله وترجع بالسلامه

والحقيقه انا مالعبنا الا نبى نتعلم منك انت والى شرواك

وتقبل تحياتى


[تم تعديل الموضوع من قبل الحجازي بتاريخ 11-28-2001 الساعة 02:31 AM]

السلام عليكم ورحمة الله وبركاته

اولا: عمرة مقبولة ياملفي

ثانيا : ماقصرتوا صراحه في هالمحاورة

عالعموم بيض الله وجيهكم يالحجازي انت والشلاحي

اخوي الحجازي . . .


اخوي سعود العتيبي . . .



ماعليكم زود . . .


والله يقبل منا ومنكم صالح الاعمال . . .