محمد القعبوبي

يالربع وين محمد القعبوبي

............................ يبدي معي راس الطويل العالي


ناوي له بنيه محد ناويها


........................... واحد من الاثنين يطلع برا




ما نحذف اهل المعرفه بالطوبي


......................... حنا رجال وناطحين رجالي


قصه على وضح النقا نرويها


......................... واحد من الاثنين يطلع برا

أررررررررررررحب تراحيب أسمك .....

أستلم طال عمرك




هلا هلا حيّوا به وحيّوا بي .*. جعل السهاله حلّي وترحالي

................................................ وأن كان هملول المطر باديها .*. واحد من الشعار يطلع برّا




يالصاحب اللي ماجهلت ادروبي .*. لا قلتها تفعل ولا انت التالي

................................................ لا هانت القصه ولا حاكيها .*. والظاهر أنّا ماطلعنا برّا

الشعراء

هـــــملول

و


محمد القعبوبي


على القوه

اخوي هملول والقعبوبي

مساكم اللة باالخير

وصحة اللسنتكم


واصلووووووووووووووووووووووووو

وانحن نستفيدمنكم يافطاحلة

المرحب باقي .. واستلم طال عمرك


انا نظمت حروفها باسلوبي ... على طريقة مرشد البذالي


من شان شعار النبط توحيها ... واحد من الاثنين يطلع برا






واهل البشوت البرق ماصلّـوبي ... لوكان اصلي فالنفود لحالي


من واحد وتسعين افكر فيها ..... واللي حداه الوقت يطلع برا

النفيعي ناصر والسميري فايز ..


الله يحييكم ..


متابعتكم شرف .. يعطيكم العافيه ..ولاهنتو

ناصر النفيعي .... فايز السميري

مرررحبا والله لايهينك...



أستلم يا ذيبان..



أنا أدري أنك تلعب المسحوبي .*. والكيف عن كمّ يزود أشوالي

................................................... لكنّ ليلانا من يالاليها .*. واحد من الشعار يطلع بررررراااا



أهل البراقي لو تزور اللوبي .*. أستغفر الله .. تعشقه وتلالي

................................................... من واحد وتسعين . من يحصيها .*. واحد من الشعار يطلع برررراااا

استلم

اليا لقيت اللي يسد النوبي ...... مالي ومال الراعي البنقالي


اللي غدا ورعيّته مغديها ........ واحد من الاثنين يطلع برا



انا عليها ماني بمغصوبي ....... يالله عسا ماللمهبّل والـي


واللي رماها جعل ما يخطيها...... واحد من الاثنين يطلع برا

يالله يا ربّي تغفر اذنوبي .*. لا يزعل الهندي مع النيبالي

.................................................... وأن ضاعت الرعيه على راعيها.*. واحد من الشعار يطلع بررررراااا



مالوم قلبك والصبور أيّوبي .*. حدّ الركايب وأشرب الفنجالي

.................................................... لاتامر العالم ولا تنهيها.*. واحد من الشعار يطلع بررررراااا

استلم ياولد عبس

يوم الرياجيل ألسنه وقلوبي .... قلبي مهو قلب الرقود السالي

تبغا علي يا محمد تمشيها .... واحد من الاثنين يطلع برا



الاوله جات اشكرى من صوبي ..... والثانيه جت من زبون الجالي

والثالثه ما ودي اسمّيها ...... واحد من الاثنين يطلع برا

أستلم يا طير شلوي .....




ياصاحبي هملول خل اعيوبي .*. ماأحد بها الدنيا سليم وخالي

ماأنته بقاضيهاولا شرطيها .*. واحد من الأثنين يطلع برررررااااا


الأوله .. بنيتها من طوبي .*. والثانيه .. ماأسابق الجمّالي

والثالثه .. يا ذيب لا تطريها.*. واحد من الأثنين يطلع برررررااااا

مافيه مسلم سالم العذروبي ... لكن انا يمحمد يورالي

في عالم شيطانها مغويها ... واحد من الاثنين يطلع برا



من دون حقي محفي عرقوبي ... يا كاتب الحسنات تكتبهالي


ندفع حصاة رزاح وندربيها ... واحد من الاثنين يطلع برا

أررررحب ياذيبان آسف على التأخير لكن محاورتنا هذي لا تعتمد على وقت؟

وأنت أدرى طال عمرك أستلم .... لاعدمتك




لا مالحقني شك في حاسوبي .*. وألا أنت يالصاحب عزيز وغالي

.................................................... لا صرت تسبر مثلك يقدّيها .*. واللي تأخر يمكن أنه بررررررااااا



خابرك ماتقصر عن الماجوبي .*. ماكل طرقٍ بالقصيد اهلالي

.................................................... قل لي وش يحدك على عاصيها .*. واحد من الشعار يطلع برررررراااااا

معذور والحال من بعضه ، استلم طال عمرك


ابيض وجه يالمشرف المحبوبي .... لكن انامانيب دوم موالي

على الحدود وركبتي ثانيها .... واحد من الاثنين يطلع برا


الوقت يالاصحاب نوب ونوبي ... نوب براد ونوب حر وصالي

والي يجيب علومه يوديها ...واحد من الاثنين يطلع برا

لاهنت يبو فرحان ... اعتقد ان هذه المحاورة اخذت حقها من الوقت

على العموم .. سعدت كثيرا باللعب معك , واستفدت الكثير

كنت ولاتزال يمحمد من افضل الشعراء خلقا وذوقا وابداعا


يعطيك العافيه وسامحنا على التقصير


تحياتي لك