واحد يساعدني الله يجزاكم خير .....؟!؟!؟!؟

البارحه قلت أسوي لي قصيده بس ما جات

.................................... يالربع واحد يحاورني وأعوّض هالقصيده



مذهب وأدوّر وأشوف الدرب مليانن مطبّات

.................................... والمشكله كان ضيّعت المحاور والنشيده ؟!

دامك ســمــيّـّي هـلا يامرحبا بك عـشـر مرات

..... ياراعي الخـلفه الصـفرا تـرا الصـفرا فريده



نبـذل لك الجهـد والمجهــود والدنيا مـتاهـات

..... سـج الـقدم طــرقــتي ويــّاك يامحــمد بعـيده

فيك البقا.. لا عدمتك وأن نطحت القوم عادات

......................................... والله يعينك .. وخلك ياخوي الجنب سيده



اللي ببالي على بالي وانا ويّاك هيهات

......................................... عشاك قبل أمس ..؟ ليه معزّبه ماهو وليده.؟!

محمد ومحمد

للة دركم يال محمد...تروا الشريفى ماسك الصف..

لاهنتو..لاهنتوا..


الشريفى

الأخ محمد سامحني على التاخير

اهنيك على سعت بالك وعقلك العريق


استلم


المســأله ياعــمـيل الخيـر ماتجـزاك بـالـذات

.... وأنت الهــدف لارمــيـته رميــّتـك لازم تجـيده


مـايــفرق الدرب وإن الدرب يــامـحـمد مســافـات

.... يـامـشكـله مـالهـا حـل ولـهـا فـرصـه وحـيـده

[تم تعديل الموضوع من قبل محمد بن هضيبان بتاريخ 10-26-2001 الساعة 06:58 PM]

الشريفي لاهنت لاهنت طال عمرك وجودك يسعدني

هلابك يالشريفي .... لاهنت طال عمرك




يا صاحبي جيت ناوي وأعرف الأعمال نيّات

....................................... واحيان يخطي عليك الوقت وظروفك تزيده




عزالله أنك اتعرف العلم واللي فات مامات

....................................... وشلون تقراء وتكتب بس ما تقراء الجريده

فى بعـض الاوقـات يالـشـاعر نعيـن ..و بعـض الاوقـات

........ مـثل الذيـابـه لـيـا شـافـت شـبح لازم تصـيده


سـمّ الولـد وانت لـك وجـهـه وانـا لى حيـد وجـهـات

........ كـلٍٍ يعـد الجـواهـر فـي حسـب فـنــّه رصـيـده

أعجبتوني يالعمالقه ،،



والله ونعم الرجال اللي معانيهم جزيلات

-------------------- الشعر له فن بين الطيبين وله عقيده

سبع الأراضي تقابلها بعد سبع السموات

--------------------الله يعين النجوم اللي منازلها بعيده


سامحوني على تطفلي يالغالين وإستمروا ، الله معكم


تراني ماسك صفوفكم ،

يامرحبا اخوي ابو بدر بالعكس هذي يزيدني انا تشجيع

لاخلا منك و لاعدم الرياحي

وش فيك يا صاحبي منكف ترى الدعوي سهالات

........................................... لا صرت مجبور لا تكشف سريرتك السديده



وأن صرت أنا أبوه لا شفت الولد سمّه رضايات

........................................... ياليت شامان مايقطع عليك أول بريده

القعبوبي صح السانك

الضروف ما تسمح طال عمرك ارجو المعذره

هلا ومرحبا يابو بدر .... وأبرك الساعات وشرفت الملعبه طال عمرك مثلك يمون...


وأستلم طال عمرك


حيّ الله اللي يبارينا نبا .. وأغلا الشهادات

.......................................... ما شحّ فيها عنيد ألفيّة الشعر العنيده !



أهل الكواكب على زين النظر تلبس عدسات

.......................................... لين أكثر الناس تاخذه العقيده من طريده






ولاهنت يا محمد وبيّض الله وجهك