مسابقه لأفضل رد وعليه جائزة ثمينه

[align=center]السلام عليكم ورحمة الله وبركاته

كنت في المنطقة الجنوبية وكان وقت مطلع سهيل والأمطار غزيره والأجواء رائعه فحبيت أن اداعب اخواني الشعار في المنطقة الشرقيه حيث الرطوبه والحر الشديدين فأرسلت لهم هذه الأبيات بالجوال لمن رقمه لدي وجائت بعض الردود منهم .
وأنا أضعها امامكم لتختارون أفضل رد وقد تم تخصيص جائزة ثمينه للفائز . واعتذر عن التأخر في كتابة الموضوع لعدم وجود خدمة انترنت سابقا

وأترك لإدارة المنتدا وضع طريقة التقويم التي تراها والجائزة سوف تسلم للأخ حمد السحيمي

أبياتي :

بيّن سهيل اليماني ياهل الشرقيّه = والجنوب امطار والبارق يشق مزونه

والسيول تحدّرت بشعابها منحيّه = والخضار يسرّ قلب اللي تشوف عيونه

من شكا ويل الرطوبه حزّت العصريّه = فوق موتر يقلي البيضه على طبلونه

يتّجه به للجنوب ومرحبا يا حيّه = والله ان تضحك من الجو البديع سنونه

----------------------------------------------

1/ ناصر الحارثي (هداج ):
بيّن سهيل وبدت لهل المقانص نيّه = وكل طربانٍ من الفرحه يجر لحونه
مرحبا بال الجنوب اهل العلوم الحيّه = والمطر والبرق وافضل جوٍّ يعيشونه
عندنا في الشرق جوٍّ غير ما هو زيّه = لازمٍ تلفون باذن الله وتشوفونه
لارجعتو غبر كنكم لحمةٍ مشويّه = ما غسل غبرتكم الاّ جوٍّ تسبونه
-----------------------------------

2- ناصر ابن قريش الفهري القحطاني
بيّن سهيلٍ و غير الجو ماله نيّه = يكره الرجال ثوبٍ قد تعلاّ متونه
شمسنا ويّا الرطوبه ماسكه ورديّه = كننا ناخذ لنا حمام شمس وسونه
الرطوبه تضيّع المرزام للشخصيّه = وما بقا شاعر بيعطي وجه بوح شجونه
يا عسا دار الجنوب بغيمها مسقيّه = في وطنّا اللي عسا رب العباد يصونه
عندنا وادي الصبيخه كنّه الماربيّه = ديرتي بربوعنا قوم الظفر مسكونه

-------------------

3- سعد بن جابر آل مرسان الهاجري
يالجنوبي خلّك بديرتكم المسميّه = اكل من خبز العريكه واشرب الصالونه

غير لا تخلّي مشاعيبك ولا الجنبيّه = احفظو السلم الجنوبي وطبّقو قانونه

خلّك بديرتك لا تطري عليك الجيّه = واغسل ايدينك من الشرقيّه بصابونه

-------------------

4- سعود الدهيمي
يبن لعور ما تغيّر لي بيوتك نيّه = الغلا والحب قسم الديرة المزيونه
عجها غيم ورطوبتها علينا فيّه =والقلوب بحبها من زينها مفتونه
والدليل انّك ما تاخذ في الجنوب شويّه = غير وانت معوّدٍ معواد كلن بونه

-------------------------------------
5- فهد القرفي ( الخفجي )
مرحبا والفٍ هلا بالقاف وبراعيّه = عد ما هاض المغنّي من غزير شجونه
ان نحرت سهيل ننحر للجدي طرقيّه = لا قفا عشرين ليل وصدّقو معيونه
عقبها خمسين ليل ولا تويق الفيّه = الله ارها بالبرد وغرّق المدفونه
ذاك شفّي يالمغنّي والمعاني حيّه = اطلبو ما تطلبونه مرهيات فنونه

-------------------------------
6- عامر ابن راضي ابن ربعه الهاجري

لو مطركم ما يوقف في السنّه موليّه = ما رعته الشول لو طالت غصون فنونه
اكسجينكم ناقصٍ واحوالكم مرثيّه = لو يمر ذباب بالواحد تجن جنونه
لو توقف يا ولد آبارنا النفطيّه = مت في وسط الجنوب ومالقيت المونه
من نكر فضل امّه اللي غذّته حنيّه = طاح من عين الرجال اللي له يعزّونه

---------------------------------

7- حمد بن عروان الحبابي
بيّن سهيل اليماني واندرج طاريّه = في المجالس والبراري قامو يطرّونه
المعاني كلّها في حبكة القافيّه = والقوافي كلها يا مسندي موزونه
يا خوي المطلق اللي خوته نشريه = يالله ان جعل الزلايب والرخم يفدونه
انت لا تبحث خفانا مزين الحريه = لا تهيض خاطر اللي مبلشته شطونه
---------------------------------
8- علي بن رفده الحبابي

هيه يالبا جنوب العز يا طاريه = دوبني ضفته ومعسول الجنا بغصونه
حسبك الله يوم بن رفده نوى بالجيه = والمعزب قدر ظروفي وانا ممنونه
ذي كليبين الرطوبه صنتن حوليه = عدها مارود ورسوم الغلا مضمونه
والله اسال في شهرنا ذا قبول دعيه = واستمع غيضن نبشتو فيضه ومكنونه
----------------------------------
9- فهد ابن دلباح الهاجري

مرحبا بالصاحب اللي شاقني طاريه = مبطين منه ومبطي من جديد لحونه
جابك الله يوم لك نيه وانا لي نيه = والنوايا البيض بوجيه الوفا مقرونه
ديرتن فيها ربيت امن الذرى للفيه = قيضها عندي ربيع وشمسها مزيونه
حي طاري ظافر وطاريتس يالشرقيه = اشهد انتس درتن فاقلوبنا مكنونه

------------------------------------
10- علي بن ضاوي ابن فجعه
بيّن سهيل ومخازن ربنا ممليّه = جلّ من تصريف حكمه بين كاف ونونه
مرحبا بالعلم لو يشت بنا راعيّه = والله ان علم الحيا والغانمين نصونه
أثر دبلماسي نظرته سريّه = يتعذّر بالمره وعيالها يرجونه
واثره يراقب علوم النشره الجويّه = فرصته بيده وعفشه في وسط كرتونه
يالله تعوّض علينا العطله الصيفيّه = الرطوبه مستجنّه والعرب مجنونه

-----------------------
11- لمعان الحبابي
بعد شفت رسالةٍ في هاتفي نصيّه = من رفيقٍ لي سنه مدري عنه وشلونه
شاعرٍ ماهوب ياخذها معه عاريّه = من رصيده ما نقص ملياره ومليونه
يبن لعور جونا وديارنا شاميّه = وانت لا تفرح علينا رجعتك مضمونه
ردّها من صاحبك رسالةٍ فوريّه = بالوفا والطيب والتقدير لك مقرونه

---------------------
12-شايع العيافي
للجمال اليعربي في الشفّه الورديّه = صبغةٍ من شمس نجد الي خذت من لونه
كل ما جات الغياب من ايسر الدرعيّه = اعتراني طايف الليل ولبست ردونه
ما بعد نجد المسمّى حاجةٍ مسميّه = كون اسمّيه البها والدرّه المكنونه
من تولّته الهواجر والسموم شويّه = في طرف ليله يرد اليوم كل ديونه
ياهل الحيد الطويل بتالي الألفيّه = كل حيّ في بلاده يشبعه ماعونه

----------------------------------
13-هادي بن عسكر
دارنا ما نبيعها بالين والربيّه= خيرها كل البشر في العالم يعرفونه
والمليك العادل المحبوب صافي النيّه = قال دار الخير والبترول لا تنسونه
والحراره ما اتنقّص حبها موليّه = خابرينٍ خيرها مضفي علينا ردونه
والوطن غالي جنوب وشامه وغربيّه = في ذرى حكامنا آل سعود ويعزونه
-----------------------------------
14- عبدالرحمن الشهراني
مرحبا من قبل لا نبدا في ذيك وذيّك = والمطر والجو ترها نعمةٍ مقرونه
احمدو ربي عى النعمه وصفّو النيّه = لاتزيلون النعم والشكر ما تدّونه
والبراد ابها وعندك خلطةٍ سريّه = والشجر لا هبّه الغربي تميل غصونه
ما بغيت الحر يا ظافر على طاريّه = ماني آحبّه ولا انتو مثلي تحبّونه
----------------------
15- محمد بن عبد الله القحطاني ( أخي الأصغر )
مرحبا براعي الجنوب اللي مخلّي خيّه = في سموم القيض لين انّه تغيّر لونه
مرسلٍ لي بالبريد اوضاعه الجويّه = وخابر ان الكل عندي مغتشي بدهونه
العرق منّا ومنّا وشمسنا لها كيّه = لا إله الا الكريم الي نترجا عونه
وفي النهايه لك مجي وقسمنا لك زيّه = والجنوب تودّعه باجوائه المجنونه

--------------------------------
16- دليم بن جابر السعدي
يالمسولف لا تشمّت وانت ناوي الجيّه = بعد تقريباّ شهر بنحصلك بركونه
كنّي آشوفك موسّط خط ابو حدريّه = والمكيّف جاهزٍ ومعبّيٍ فريونه
وانت بالزحمه بلا غتره ولا طاقيّه = ماعليك الاّ تجر السامري ولحونه
ان بغيت الصدق يا زين الجنوب وجيّه = ديرةٍ زوّارها طيب الكرم يلقونه

--------------------------------------------
17- ضيف الله المرزوقي
مرحبا باللي بيوته كلها منقيّه = مثل عقد اللول المرجان في المزيونه
يالجنوبي لا تهيّض كلها صيفيّه = لا يغرّك فيض شعرك يوم جتك شجونه
وانت تعرف حبنا في المنطقه هذيّه = اجسادنا وارواحنا في حبّها مرهونه
الوناسه عندنا والراحه النفسيّه = لا تحاول تقنع المفتون في مفتونه
---------------------------
18-فايز ابن نملان الحبابي ( انتهت اجازته قبل كم يوم )
البقا ياللي ترحب والديار مسقيه = وينكم قبل المطر اوضاعكم مشطونه
المطر يحيي القلوب ونسعد بطاريه = غير انا في الساحل الشرقي مع المزيونه
عندي علوم الجنوب وخابر خافيه = ما تريح فيه لو ساعه من الزمن وطعونه
اشهد ان البعد سعد قالها راعيه = والعلوم الباقيه خلها بعد مدفونه

--------------------------------
19- حسن مرزوق ابن نملان ( من شعراء الجنوب ورد فازعا معي ضد اهل الشرقيه بعد ان سمع ردودهم )
المطر والخير والكشتات والبريّه= والنشاما والدلال الصفر والحاجونه
نحمد الله عندنا يشهد بها الطرقيّه = كل هذي في جنوب المملكه مضمونه
والرطوبه والبحر والضيق والنفسيّه = كلها من حضكم يالعالم المغبونه
اشبعو بالعولمه والفن والحريّه = جعلها بالعافيه جبنه مع زيتونه


---------------------------------
20- علي بن مشبب ابن لعور ( كان في الجنوب عند الرساله ولما عاد للجبيل ارسل الابيات )
يبن عمّي المنطقه رزقت بنارٍ حيّه = كن فيها كير حربٍ وانتو تشبونه
تشتعل وتحرّك السكان والطرقيّه = البلا ان هذا سناها واهلها يحبونه
مثل عشّاق المعارك في نهار الفيّه = يتبعه نصرٍ مبين او موتةٍ ممنونه
لا لحقت بركبنا تعرف بحرّ الكيّه = الجسد تعرف بلاه ومنهم يداوونه


------------------------------

21-فايز ابن محمد ابن صنيج القربي العوفي
مرحبا يا صاحبي ترحيبةٍ مثنيّه = عد ما ناح الحمام الي يجر لحونه
يبن لعور جاتنا من صوبكم رديّه = شوقتني باللحن وبيوتها الموزونه
شاعرٍ تتعب على الاوزان والقافيّه = صغتها صوغ الذهب والدرّه المكنونه
ما نلومك لو مدحت الديره المسقيّه = جعلها وبل السحاب اللي يهل مزونه
واما انا في الساحل الشرقي ولا ابي زيّه= اعتقد مالي غناةٍ يبن لعور دونه
في النعيريّه ولالي صوب بيشه نيّه = لو في هرجاب تنبت شجرة الزيتونه
-------------------------
22-مفلح بن ناصر ابن راسي
بيّن سهيل اليماني للقلوب الحيّه = في الديار الي من ارزاق الولي مغبونه
لو سيول الوديه عندك ميه بالميّه = بتّكاثرها قلوبٍ بالحسد مقرونه
الرطوبه شهر عندي ما تساوي شيّه = يا جفاف سنين ما حيّاته بمضمونه
باقي البرد بيجيك وتشتكي من كيّه = ثم تجيني للربيع اللي تميل غصونه
----------------

هذه الردود التي وصلت بالجوال وما زال باب المشاركه مفتوح حسب ما تراه الإداره


-------------------------------------[/align]

يا سلام يا سلام

صح الله لسانك و لسانهم

تحياتي يا خوي المطاليق

صحت السنة المطاليق وخويّهم
بدع شاعر جزل وردود شعار جزلين
سلمت ودمت على العز والطاعه

صحت السنتكم جميع

- حمد بن عروان الحبابي
بيّن سهيل اليماني واندرج طاريّه = في المجالس والبراري قامو يطرّونه
المعاني كلّها في حبكة القافيّه = والقوافي كلها يا مسندي موزونه
يا خوي المطلق اللي خوته موزونه = يالله ان جعل الزلايب والرخم يفدونه
انت لا تبحث خفانا مزين الحريه = لا تهيض خاطر اللي مبلشته شطونه





17- ضيف الله المرزوقي
مرحبا باللي بيوته كلها منقيّه = مثل عقد اللول المرجان في المزيونه
يالجنوبي لا تهيّض كلها صيفيّه = لا يغرّك فيض شعرك يوم جتك شجونه
وانت تعرف حبنا في المنطقه هذيّه = اجسادنا وارواحنا في حبّها مرهونه
الوناسه عندنا والراحه النفسيّه = لا تحاول تقنع المفتون في مفتونه





19- حسن مرزوق ابن نملان ( من شعراء الجنوب ورد فازعا معي ضد اهل الشرقيه بعد ان سمع ردودهم )
المطر والخير والكشتات والبريّه= والنشاما والدالال الصفر والحاجونه
نحمد الله عندنا يشهد بها الطرقيّه = كل هذي في جنوب المملكه مضمونه
والرطوبه والبحر والضيق والنفسيّه = كلها من حضكم يالعالم المغبونه
اشبعو بالعولمه والفن والحريّه = جعلها بالعافيه جبنه مع زيتونه



:
:

خوي المطاليق
صح لسانك الصوت وصح لسان كل شاعر بادلك الصدى ..

ارجو التأكد مما نقلت ماتم الأشارة إليه باللون الأحمر من اجل التعديل
ولك اجمل التحايا محمله بالورد الطائفي

ابو عبدالله

صح السانك والسنت الشعراء

صح لسااانك

يا خوي المطاليق


وشايع غير غير

رده لحاله من غير قصور فالشعار المبدعين .


مودتي لك .

يا سلام يا مديرنا على الملاحضه

اعذروني بسبب كثر الابيات صدع راسي

الاول رد ابن عروان = يا خوي المطلق اللي خوته مشريّه

الثاني = نفس ما جاء في الرساله لا يوجد خطأ إملائي (الرجوع للشاعر والتقييم )

الثالث = الدلال الصفر

واعذرونا على الاخطاء الإملائيه

صحت السنة المطاليق وخويّهم
بدع شاعر جزل وردود شعار جزلين
سلمت ودمت

[align=center][poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
في الحقيقه يا صديقي عيت الدوريه = ما تخلي صاحبك يسعد بما تبغونه
غير صالينا قوي القيض كل شويه = ما اهتنينا بالمطر واخبارك المزيونه
غير لا قاله ولي العرش جالي جيه= وشفت ما جاكم وكلٍ عارفٍ مضمونه
وانت لا تفرح بها بتعود الشرقيه = والله ان ما خش .. لا بد انكم تلقونه[/poem]


العذر منك يابو عبدالله


وكل عام وانت بألف خير[/align]

هلاابو عبدالله بما ان الابيات وصلتني بالجوال وجب علي الرد

اليك مشاركتي وهي خارج المنافسه ..


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
انت تشعفنا على شوف الديار الحيه = وانت تدري بالظروف وشغلنا مادونه
وان حصل لي فرصة خاويتي لي طرقيه = للديار اللي هواها ربعنا يطرونه
ديرتي نجد العذيه دارنا المسميه = هي علاج القلب لاكثرت عليه شطونه
وانت بكره راجع غصب على الشرقيه = ما يفيدك بدع قافك لو تجر لحونه[/poem]

أخوي ابو عبدالله

صح لسانك أنت وجميع الشعراء الذي قاموا بالرد

صوت من أعلا الجبال يجاوبه الصدى من ارجى البلاد

تقبل احترامي

بواسطتي وسوف يُعاد بطريقه مختلفه